Jodikdik
Kamminene in Tōmak eo Aō
Ke Ikar 13, Ikar jino riiti Bok in Mormon eo aolep raan, im ikar jeraam̧m̧an aolep raan jān tōre eo.
Kūlaaj in Jabōt Jikuuļ eo Ad kōn ro 13-iiō dettan ekar jab lukkuun jeļā kōn ad kautiej. Kōn menin, ekar wōr juōn am rūkaki eļap an em̧m̧an eo ekar kajjeon̄ jon̄an an maron̄ katakin kajjojo katak jān Jetōb eo. Juōn baj katak ekar kōn riit jeje ko rekwojarjar.
Ilo jem̧ļo̧kin katak eo ekar letok n̄an kōm juōn mālijjon̄. Ekar kōm̧m̧an n̄an kōm aolep, ak kōn jet un ko ekar iook tok mejān n̄an n̄a ilo an kar ba, “Ij mālijjon̄ eok n̄an riiti jān Bok in Mormon eo aolep kajjojo raan!” Ikar ļōmņak ippa make, “Inaaj kwaļo̧k n̄an kwe. Inaaj kōm̧m̧ane!”
Iaar jino 1 Nipai jepta 1 bon̄ōn eo jinoin tata im kar wōnm̧aanļo̧k im riit aolep raan. Bōlen ekar ejjeļo̧k kar juōn itok limo eō ke ikar jino, ak ejjab etto ikar jino in kōņaan wāween eo me riit Bok in Mormon eo ekar kōm̧m̧an aō en̄jake. Riit kajjojo bon̄ emaron̄ juōn itok limo em̧m̧an.
Allōn̄ ko tokālik ikar itok n̄an Alma 32 im ekar ļo̧kjen aō jān meļeļe eo an juōn kamminene in tōmak. Ilo jikuuļ ej kab m̧ōj am kar katak kōn kwaļo̧k kamminene ko an Science, innām ikar būkwelōlō im jiron̄ Jemed Ilan̄ bwe ikar jino kamminene eo. Ikar kajjitōk bwe inaaj itok n̄an aō jeļā eļan̄n̄e Bok in Mormon eo ekar m̧ool.
Reilik ļo̧k n̄an imminene eo aō, ijeļā bwe Jemed Ilan̄ ekar uwaak jar ko aō elōn̄ iien ko. Riit jān Bok in Mormon aolep iien ekar letok n̄an n̄a eddo eo eļap ļo̧k n̄an anjo jān nana. Ikar en̄jake aō epaake Jema ilo Ilan̄. Ikar en̄jake kōkajoor eo jān kajoor eo an Jetōb Kwojarjar n̄an anjo ioon m̧ōjņo ko. Ta eo Alma ekar ba kōn ekkatak kōn naan an Anij ej m̧ool: “Bwe ej jino n̄an ļapļo̧k ilo buruō; aaet, ej jino kōmeramļo̧k aō meļeļe, aaet, ej jino in kaijoļjoļ n̄an eō” (Alma 32:28).