Jerbal ilo Kabun̄ eo

Aorōk eo an juōn Rūkaki

Jān Būreejtōn Thomas S. Monson

Jān “Juōn wōt Rūkaki,” Tambuli, Oktoba. 1990, 3–8.

President Thomas S. Monson

Jet iien ko rem̧ootļo̧k jilu ļaddik ro rekar kōnono kōn ro jemāer. Juōn ekar ba, “Jema ekilep ļo̧k jān jem̧ōm̧,” n̄an eo juōn ekar uwaak, “Ekwe, jema emeļetļet ļo̧k jān jem̧ōm̧.” Eo kein kajilu ļaddik eo ekar uwaak, “Jema ej juōn taktō.” Innām, oktak ļo̧k n̄an juōn ļaddik, e ekar kakitōtōik ilo wāween an kajjirere, “Im jem̧ōm̧ ej juōn wōt rūkaki.”

Ewōr juōn rūkaki eo mour eo an ej rom̧aake aolep ro jet. E ekar mour bwe en jab jerbal n̄an e make ak n̄an jipan̄, jab n̄an ebbōk ak n̄an leļo̧k, jab n̄an lo̧mo̧o̧ren mour eo An ak n̄an katok kake n̄an ro jet. E ekar kōmeļeļeiki juōn iakwe eļapļo̧k an aiboojoj jān ļōn̄, juōn rijeram̧ōl em̧wieļo̧k jān men in aorōk ko. E ekar katakin kōn mālim im jab āinwōt an skraib ro kar kōm̧m̧ane. Ij kōnono kōn Rūkaki M̧aajta eo, aaet Jisōs Kraist, eo Nejin Anij, RiLo̧mo̧o̧r im Ripinm̧uur an aolep armej otemjej.

N̄e rūkaki ro rej eļļo̧k n̄an ettā in kūr eo An “Itok im katak kōn eō,” er rej erom̧ ribōk m̧ōttan kajoor eo ekwojarjar An.

Ekar juōn aō en̄jake āinwōt juōn ļaddik jidikdik n̄an itok ium̧in im̧we eo an juōn rūkaki. Ilo kūlaaj in Jabōt Jikuuļ eo am ekar katakin kōm kōn Kōm̧anm̧an eo an laļ, Wōtlo̧k eo an Adam, im katok in pinm̧uur eo an Jisōs. Ekar bōktok n̄an kūlaaj ruum eo an āinwōt jet rilotok ro reutiej Moses, Joshua, Piter, Thomas, Paul, im aaet Kraist. Men̄e kōm kar jab loe er, kōm kar katak n̄an iakwe, kautiej, im ļoor er.

Ke ļaddik eo ekar ron̄ kakitōtō ko: “Jemā ekilep ļo̧k jān jem̧ōm̧” “Jema emeļetļet ļo̧k jān jem̧ōm̧,” “Jema ej juōn taktō,” em̧m̧an emaron̄ kar uwaak, “Jem̧ōm̧ emaron̄ kilepļo̧k jān jema; jem̧ōm̧ emaron̄ meļetļet ļo̧k jān jema; jem̧ōm̧ emaron̄ juōn rikattōr baļuun, juōn injineriin̄, ak juōn taktō; ak jema ej juōn rūkaki.”

Bōlen kōj kajjojo aikuj aolep iien bōk juōn naan in kautiej im em̧ool!

Kajjitōk Kajjitōk ko Rej Jerbal

Kūr eo an rikōnono ej jab waļo̧k ilo Kabun̄ in. Juōn rikōnono eo ej leļo̧k wōt jeļāļo̧kjeņ. Ak juōn rūkaki ej karuwaineneik ro uwaan kūlaaj eo n̄an katak, ilo m̧ōttan jān katakin doon. Juōn wāween eo ejim̧we n̄an juōn ukōt kōnono ejej tokjen n̄an juōn eo ewōr tokjen, katak eo eobrak kōn Jetōb ej jān kajjitōkin kajjitōk ko rewejapdik.

1. Ilo wāween am̧ kōpooj katak eo, karōke kajjitōk ko n̄an kajjitōk kake ilo aolepen katak eo. Kile kajjitōk ko kar kwaļo̧ki ilo bok in katakin eo. Ļōmņak kōn ro jet bwe remaron̄ bar lukkuun jipan̄ n̄an kūlaaj eo am̧. Pukōt Jetōb eo n̄an jipan̄ eok kālet jet kajjitōk ko n̄an kajjojo unin kōnono kwoj kōņaan katakin.

2. N̄an jipan̄ ro uwaan kūlaaj eo kōnono kake wāween an juōn meļeļe in gospel eo jerbal n̄an mour ko aer, komaron̄ in kajjitōk jilu wāween ko reoktak an kajjitōk ko jilu.

   • Juōn kajjitōk em̧ool: “Wōn ro Irooj ej aikuj bwe jen jeorļo̧k ruweer?”

   • Juōn kajjitōk eo ej jerbal n̄an mour ko ad: “Ewi wāween an jeorļo̧k ruwen juōn armej jelōt kōj?”

   • Juōn kajjitōk eo ej kajjitōk ippān juōn armej n̄an kwaļo̧k an en̄jake: “Ta juōn en̄jake eo em̧m̧an em̧ōj am̧ ioone kōn jeorļo̧k ruen juōn armej?”

Ri kwaļok eo ioon Tol eo,jān Carl Heinrich Bloch, kar kōjerbal jān mālim eo an National Historic Museum ilo Frederiksborg ilo Hillerod, Denmark, maron̄ jab kapeiki