Jipan̄ Naajdik Ļam̧ ko an RiLo̧mo̧r eo

Jān Būreejtōn Henry B. Eyring

Rikakpilōklōk eo Kein Kajuōn ilo Būreejtōnji eo Kein Kajuōn

Jān enaan eo ilo kweilo̧k eo eļap an Oktoba in 1997.

President Henry B. Eyring

Em̧ōj an RiLo̧mo̧r eo kar en̄taan innām kar jerkakpeje. Rikaļoor eo An raar ilo̧k n̄an Galilee. Raar eon̄ad aolepen bon̄ōn eo, ko̧o̧jōke ejjeļo̧k. Ke raar epaakeļo̧k parijet, ilo joraanļo̧k eo, raar jab ilo jino in kile E. E eaar ikkūr ļo̧k n̄an er, jiron̄ er ia eo ren doorļo̧k ook ko aer ie, im ke raar kōm̧m̧ane, ook ko raar obrak. Raar kairļo̧k in iak-iakwe E ioon parijet eo.

Raar lo juōn kijeek me ek ko raar kōmat ie im pilawā. Innām E eaar leļo̧k juōn kien n̄an er eo me ej jutak wōt im jerbal n̄an kōj.

“Innām ke emōj aer mōn̄ā, Jisōs eba n̄an Simon Piter, Saimōn nejin Jon, kwōj iakwe eō eļap jān rein ke? E eba n̄an e, Aaet, Irooj; kwōjeļā bwe Ij iakwe eok. E eba n̄an e, Naajdik ļam̧ ko aō” (Jon 21:15).

Armej ro rekwojarjar an Anij aolep iien rej pād ium̧win bujen eo n̄an naajdikkajjojo ilo jetōb, eļaptata ro reddik wōt ilo gospel in.

Juōn ajri emaron̄ kōm̧m̧ani men ko me najdik tōmak an ro jet. Ajri ro remaron̄ karuwaineneik juōn eo ekāāl n̄an itok ippāer n̄an juōn kweilo̧k. Ajri ro remaron̄ ettōn̄ dikdik im iak-iakwe juōn eo uwaan ekāāl ej itok n̄an juōn im̧ōn jar ak ilo juōn kūlaaj. Im ilo ad kōm̧m̧ane, Jetōb Kwojarjar enaaj m̧ōttad.

Aolep naan jej kōnono remaron̄ kōkajoor ļo̧k ak kōm̧ōjņoik ļo̧k tōmak. Jej aikuj jipan̄ jān Jetōb n̄an kōnono naan ko me renaaj naajdik im kōkajoorļo̧k.

Jemaron̄ jen pokake jipan̄ Irooj n̄an bōk ļam̧ ko, ļam ko An, n̄an Ippān ilo ijo jikin n̄an ippān Jemer im Jemād.

Ijeļā bwe Jisōs ej ri Kraist eo. Ijeļā bwe E emour. Im Ijeļā bwe E ej tōl kōj ilo jerbal in—jerbal in An—n̄an bōktok mour indeeo an ajri ro nejin Jemen.

N̄an naajdik meļeļein n̄an kōmōn̄āik.

Kōjparok Ļam̧ ko

Ļam̧ ko rem̧ōjņo̧ im rejjab maron̄ kōjparok er make. Rej aikuj kōjparok ko rejeno̧lo̧k bwe ren maron̄ eddōk ļo̧k n̄an erom̧ ājmour im kajoor. Lale pija ko kōn jet men ko me ļam̧ ko rej aikuji.

Mōn̄ā

Dān

Juōn jikin ejokne n̄an kiki

Kōjparok jān kidu auwa im kauwōtata ko jet

Wōn ro Rej Ļam ko an RiLo̧mo̧r eo?

RiLo̧mo̧r eo eaar kajjitōk ippān rikaļoor eo An n̄an leļo̧k juōn kōjparok eo ejeno̧lo̧k n̄an armej ro me rejjab kajoor ilo gospel eo ak ro uwaan Kabun̄ in rekāāl. E eaar ņa etan armej rein, “ļam̧ ko.” Rej aikuji juōn eo n̄an jipan̄ er bwe ren maron̄ kajoor ļo̧k—kajoor ilo gospel eo.

Kōļari pija ko kōn men ko me ajri ro remaron̄ kōm̧m̧ani n̄an jipan̄ ļam̧ ko an RiLo̧mo̧r eo. Innām jin̄aik juōn pija in men eo komaron̄ kōm̧m̧ane.

Iak-iakwe e juōn uwaan eo ekāāl an kūlaaj eo am̧.

Karuwaineneik juōn m̧ōttam̧ n̄an itok n̄an Piraimere.

Ajije Liahona eo

Jān tuanmiin̄:Ļam̧ Eo Ejābwābwe, jān Del Parson; pija ko pija in kidu auwa im ļam̧ © Pija ko an Getty; pija in m̧ōn menin mour © Corbis; pij ako pija in mōn̄ā im dān jān David Stoker; kōmļeļe ko jān Apryl Stott