2010
Mo̧o̧l eo kōn Jerkakpeje eo
Eprōļ 2010


Jekjek ko An Gospel

M̧ool eo kōn wāween Lōke Eo kōn Jerkakpeje eo

Pija
President Spencer W. Kimball

Juōn kar iien kūrimeej jet iiō remo̧o̧tlok, kōm kar etetal ilo iaļ ko me Jisōs eaar etetal ie. Kōm kar jolok jet awa ko rem̧m̧an ilo ta eo im jej ņa etan jikin kallib in Gethsemane im kajjion̄ lōmnak kōn en̄taan ko an ke eaar emmakit bwe ren kar dōbāāl im an kar jerkakpeje. Jaar pād iturin jikin ko eaar jar ie, ijo eo raar bōke āinwōt juōn rikalbuuj, ijo eaar kajjion̄ im kakkure.

Inabwōj in wōrwōr eo ilo jikin eo, kōm ar tallōn̄e tol caliche, ijo elōn ron̄ jiddik, kar kōm̧m̧ane jemlokin bwe en āinwōt jekjekin di eo elap ilo bōrad. Im rar jiro̧n kom bwe ijin eaar Golgotha, ijo raar dōbāāl. Kōm ar wanlaļļo̧k itulik in tōl eo n̄an am maron̄ deļo̧n̄e juōn untōō jidikdik ilo ron̄ eo, eo eaar ba bwe anbwin eo eaar babu ijin.

Kōm ar jolok jet awa ko ilo jikin kallib jidikdik eo inabwōj in lōb eo im ron̄jake bwebwenato ko kōn gospel kōn mej im Jerkakpeje eo An, ko rar bōk jikier ijin. Kōm ar riit im jar kōn itok eo an kōra ro n̄an sepulchre,angel eo an anij eaar kōdabwilļo̧k dekā eo, kōm̧m̧an bwe en jab pidodo n̄an ro rej lale.

“E Emōj An Jerkak”

Kōm kar nan̄in bwilōn̄ Ke kōm ar lo ruo enjeļ ro rar kōnaki nuknuk ko rekwojarjar im ejatōltōl eo im eaar konono n̄an Mary im ba, “Etke kōmij pukōt eo emour ibwilijin ro remij?

“E ejako ijikin, emōj an jerkak.”

Irooj eo ekar anto̧o̧n: “Nejin armej, naaj ketak E ilo pein armej re nana, im naaj debwāāl E, im ilo raan eo kein ka jilu Enaaj jekakpeje” (Luke 24:5–7).

Kōmij kememej kar bwebwenato eo ikōtaan Mary, angel ro, im Iroij:

“Kōrā, etke komij buruōmōj? Liin eaar ba n̄an er, kōnke emōj aer bōke aō Irooj, im ijjab jeļā ia

Liin eaar oktak “im lo Jisōs ej jutak, im jeļā bwe ejjab Jisōs eo.

“Jisōs eaar ba Liin, kōrā, etke kwoj buruōmōj? Wōn eo kwoj pukōte? Lieo, ej ļōmņak e ej rilale jikin kallib eo, eaar ba jan e, Ļeeņ, eļan̄n̄e kwe eo kwaar kalbwin e jiron̄ eō ia eo kwar kōbabuik ie, im inaaj bōk e.

“Jisōs eaar ba n̄an e, Mary. Eaar oktaklik, im ba n̄an e, Rabboni; eo ej ba, Maajta.

“Jisōs eba n̄an e, Jab jibwe eō, bwe Ij jan̄in wanļōn̄ ļo̧k n̄an Jema: ak etal n̄an ippān ļōm̧aro, im ba n̄an er, Ij wanļōn̄ļo̧k n̄an Jema, im Jemōm, im n̄an aō Anij, im am̧ Anij” (Jon 20:13–17). …

Aorōk in Easter

Jet iien jej kōm̧m̧ane iien m̧ōņōņō ko ad kōn ta ko rar walok ion lalin kōn wāween kōlar ko,im jejjjab lukkuun kile aurōkin unin ad kōm̧m̧ane iien m̧ōņōņō eo. Men in ej m̧ool ilo iien Ijtō, n̄e emakijkij ad kememe e iien in ijello̧k in aorōk eo eļaptata kōn Jerkakpeje eo an Irooj. Rejjab aikuj m̧ōņōņō kōnek rej kōjekdoon wāween mour eo an christ, eo ej nejin maajtōr. Jej buruōmoj kōn ro im rej n̄ae etan jerkakpeje eo an Kraist “ej juōn wāween eo rikaloor ro rar en̄jake, im jab juōn men eo eaar lukkuun walok in bōk jikin.”

Kōm jeļā mo̧o̧l eo ke aolep men kein rej lukkuun in mo̧o̧l. Kraist eaar kōnono kōn ie make n̄an Nicodemus:

“Emool, emo̧o̧l ij ba n̄an eok, kōmij kōnono men eo kōm jeļā, im kōnnaan men eo kōm ar loe, im kom̧ jab bōk am kōnaan (Jon 3:11).

Innām kōm ar kōmemej ke Peter eaar kam̧ool kake:

Innām ro nukun Israel otemjej ren kanooj jeļā, bwe Anij eaar kōmanman Jisōs eo bwe en Irooj im Kraist,Eok kom̧ ar debwāāl E?” (Jerbal 2:36).

“Ak eaar kōjekdoon eo ekwojarjar im eo em̧m̧an … ;

Im kom̧ ar m̧an Irooj in mour, eo Anij ear kejerkakpeje jān ro re mej; im kōm ar kōnnaan kake. (Jerbal 3:14–15).

Kōn an eddo men in, Piter im Jon eaar jutak im̧aan koonjeļ ro im bar ba:

“Kōm̧m̧an bwe men in en bed ippāmi, im n̄an armej in Israel ro,ke kōn etan Jisōs Kraist ri-Nazareth, eo kom ar drebāle, eo Anij eaar kōjerkake jān ro remej, aet ilo ie [em̧m̧an in kom̧ ar kein̄taane] ej jutak imaan mejami wōj im ej mour. …

“Im mour ilo ejjeļo̧k bar juōn, bwe ejjeļo̧k bar juōn āt ium̧win lan̄, im letok n̄an armej bwe jen mour ilo E” (Jerbal 4:10, 12).

Ke koonjel ro rar ron̄jake im jiron̄ ri-jililo̧k ro ruo bwe ren jab kōnnaan ak kwaļok kōn etan Jesus, rar uwaak im ba: “Men̄e emaron̄ jim̧we imaan mejen Anij n̄an eoron̄ kom elaplo̧k jen Anij, n̄e enaaj ekajet kōm.

“Bwe kōm jab maron̄ in jab kōnono men ko kōm ar loi im ron̄jake.” (Jerbal 4:19–20).

“Im ro rū jelōk kōn eļap kajoor rej kwaļok aer kōnnaan kōn an Irooj Jisōs jerkakpeje, im eļap jouj ioer otemjej” (Jerbal 4:33).

Kam̧ool eo an Piter

Kōm jeļā ke Jerkakpeje eo ej mo̧o̧l. Piter eo ekar mour eaar ba n̄an doulul in riliakļo̧k ro:

“Anij jemed eaar kejerkak Jisōs eo kom ar kain̄taane im kar totoiki ilo wōjke ko. …

“Im kōm rikennan kōn men kein; im barāinwōt Jetōb Kwojarjar, eo Anij eaar leļo̧k n̄an ro rej pokake e” (Jerbal 5:30, 32).

Jej jutak kōn leļn̄o̧n̄ imaan mejen Piter, eo eaar bōk dedeļo̧k in aolepān an jojomar ak ellā im eo eaar botake rōkōn nuknuk in tōl eo im wāween ko n̄an kōmaron̄ im kōn beran eo n̄an ujebleblo̧k im n̄an karon̄. Kajoor ta eo eaar pād ippān ilo an kar tōl armej ro rekwojarjar im jelm̧ae laļin kōn aolepān rijumaero, ro rejjab tōmak,im aolep men ko reppen. Im, āinwōt an kamineneik jerbal ko an n̄an kōm̧m̧ani ippān armej kōn elap jeļālokjen, jej lan̄lōn̄ kōn kajoor in jerbal ko an ilo kanniōk im ilo jetōb āinwōt an kar jelm̧ae rinana ro im kain̄taan ko, ruteij ro im rar bōk mour eo an, im āinwōt an kar kanan kōn jerkakpeje eo an Iroij, Kin̄ in aenōm̧m̧an, eo ekwojarjar im em̧m̧an, kin̄ in mour in, Kiin̄ im RiLo̧mo̧r. Piter kiiō eaar lukkuun m̧ool, jerbal ko an rar pen bōki, im jerbal ko an rar jab jorrān. Jaikuj bōk elap kam̧oolol kōn jerbal ko an rem̧m̧an. …

Naan in kamo̧o̧l eo an Paul

Naan in kam̧ool eo an Paul āinwōt etōr jān jon̄an n̄an kajjitōk kake. E eaar ron̄jake ainikien Kraist eo ekar jerkak:

“Saul,Saul,Etke kwoj matōrtōre Eō?” Im n̄an jeļā kōn wāween eo, Saul eaar ba, “Irooj wōn, kwe?” Im Irooj e ba, “N̄a Jisōs, eo kwōj matōrtōre” (Jerbal 9:4–5).

A Saul elap an kajoorlo̧k, im e kajoor an in naan n̄an ri-Ju ro rej jokwe ilo i Damaskōs,im kamool bwe E in Ri-Kraist” (Jerbal 9:22).

A Barnebas ej bōk e, im ān̄intok e n̄an ro rūjeļok, im bwebwenato n̄an er kōjkan an lo Irooj ilo ial eo, im kōjkan e peran in kwaļok i Damaskōs ilo etan Jisōs” (Acts 9:27).

Innām Paul eaar wōnmaanļok wōt:

“Im ke ej mōj aer kamool kōn aolep men ko kar jei kōn e, rej door E jen wōjke eo, im likūti ilowaan lōb.

“Ak Anij eaar kōjerkakpeje E jen mej:

“Im rar loe iumin elōn̄ raan rar itok n̄an ippaer jen Galilee n̄an Jerusalem, im er rikam̧ool ro an n̄an armej ro. …

“Anij eaar kōm̧m̧ane ejja wāween in wōt n̄an kōj kōn ajri ro nejier, kōn menin E eaar bar kejerkakpeje Jesus juon alen. …

Im kōn An kajerkakpeje E jān ro re mej, im e jamin bar jepļaak n̄an kōt” (Jerbal 13:29–31, 33–34). …

Kam̧ool an Joseph Smith

Jej ketak kōn kam̧ool eo an rikanaan eo rainin, Jospeh Smith, ke eaar jiron̄ armej ro kōn Jerkakpeje eo. Eļtōr George A. Smith kar kōnono jān ennaan eo an Joseph Smith āliktata ilo Juun in 1844 eo, jet wōt raan m̧okta jān mej eo an:

“Ij pojak in kōm̧m̧ane menin jortak eo n̄an armej ro an;Ta eo rikōjdat ro ad remaron̄ kōm̧m̧ane? Maan wōt ānbwin eo im kajoor eo aer enaaj jem̧ļo̧k. Komin jutak im pen ro m̧ōtta. Jab eromrom. Jab pukōt n̄an dāpij mour ko ami, bwe eo ej mijak n̄an mej kōn m̧ool eo enaaj jerwane mour indeeo. Dabij jemlokin; im jemaron̄ jerkakpeje im erom āinwōt Anij, im bed ilo aiboojoj in al, loor laajrak im drelon̄e mour indeeo.1

Kajjitōk im Uwaak an Job

Kajjitōk eo jen ippān Job elōn millions ro rar barāinwōt kajjitōk kake eo eaar jutak imaan lōb eo an riiakwe eo: “Eļan̄n̄e juōn armej enaaj mej, enaaj bar mour ke?” (Job 14:14).

Im kajjitōk eo kar uwaake em̧m̧an jan eļōn̄ iaer āinwōt juōn aorōk, ineem̧m̧an ej wun̄ir er āinwōt mōļawi ko jān lan̄. Im elōn̄ iien ko me bōro ko raar edodo kōn metak in en̄taan em̧ōj aer en̄jake mejān ma eo me aienōm̧m̧an me jab meļeļe kake.

Im ke juōn ikōōn̄ em̧wilaļ an jetōb eaar bōktok juōn kam̧ool emeņeņ n̄an ļōmņak ko me raar inepata im bōro ko me raar epotaktak, oran kein remaron̄ eliji ippān Job jitōnbōro:

“Bwe ijeļā aō ripinm̧uur emour, im bwe E enaaj jutak ilo raan ko āliktata ioon laļ in:

“Im mene kilū enaaj kakkure anbwin in, kōn bōtoktokū inaaj maron̄ lo Anij:

Eo n̄a, aet n̄a, inaaj loe kōn n̄a make, im meja renaaj loe” (Job 19:25–27).

Job eaar kwalo̧k kōnan eo am bwe naan in kamool ko an ren maron̄ jeje ilo bo̧o̧k ko im kajidikdik ilo drekā ko n̄an ebeben ko ālikin n̄an aer riiti. Kōnan eo an eaar tōbar, ke aenōm̧m̧an eaar itok n̄an ippān elon̄ aoo ko an armej ke rar riiti naan in kamo̧o̧l ko an rekajoor.

Ettōn̄ak eo an Jon

Im n̄an kōjemeļo̧ke, kōtlok bwe in riiti ettōnak eo an John rilolo eo:

“Im iar lo ro remej dik im kilep,jutak imaan mejen Anij;im bo̧o̧k ko rar bello̧k:im bar juōn bok eaar bar bello̧k, eo ej bo̧o̧k in mour:im ro ri-mej rej ekajet kōn men ko kar jeje ilo bo̧o̧k eo, ekkar n̄an jerbal ko aer.

Im lo̧meto ear leļo̧k ro re mej me raar ilo e; im Mej im Hedis raar leļo̧k ro re mej me raar ilo er, im em̧ōj ekajet er, kajjo iaer, ekkar n̄an jerbal ko aer” (Revelesōn 20:12–13).

Im āinwōt an mour, men ko rem̧m̧an rej āinwōt dān eo erreo,im mej aj āinwōt wintōr, aolep men ko ilo laļin im ko ilo mejatoto rej kwaļok kōn jerkakpeje eo an Irooj, ke e ej juon ri-kōmanman, im bwe e ej RiLo̧mo̧r n̄an laļin, im bwe e ej Nejin Anij.

Kakeememej

  1. Joseph Smith, ilo History of the church, 6:500.

Jisōs eaar ba n̄an E, ”Mary,” jen William Whittaker, ©IRI; Behold My Hands and Feet, jen Harry Anderson, © IRI

Naajdik Jiip ko Aō, jen Kamille Corry, © 1998 IRI