Mālijjon ko nan etal Ļōke Jān Mijak n̄an Tōmak ilo Jokālet eo an M̧are
Jān juōn Brigham Young University–Idaho jar in jota letok ilo Jeptōm̧ba 25, 2007.
Ālikin kar kadiwōj ļo̧k jān kaļļej ilo 1964, Ikar erom̧ juōn opiija ilo United States Army. Ikar jipan̄ kamminene eo āinwōt juōn U.S. Army Ranger. Kamminene in ņaetan Ranger ej juōn ko̧o̧j eo eppen ilo kōl in ire ko im pata ko repaak doon. Kōttōpar eo ej n̄an katakin opiija ko kabāāl ko reļļap im ro rej jab opiija.
Ranger in kamminene eo aō kar kobaik juōn leln̄an “māllijon̄ ko n̄an etale lōke,” ilo an kumi in Ranger eo ņaetaer, ko rekar kajjieon̄ āinwōt jum̧ae ko n̄an kajoor in ānbwin, maron̄, im peran. Ko̧o̧j ko in jum̧ae ko reppen, to tallōn̄ kōn to wanlōn̄ kajjim̧we dōkā ko relipopo kōn aiij 100 ne (30 m) ak elōn̄ ļo̧k, aō in bōn̄ ej em̧akūtkūt alkita ko im jineek paijin ko, im juōn night compass ko̧o̧j kijoni 10 maeļ ko (16 km) jikin ko dedōkāke—men kein rej jet māllijon̄ ko kōm kar kijenmej kaki. Juōn kōttōpar an māllijon̄ ko n̄an etale lōke kein rekar n̄an katakin Ranger ro bwe ilo wāween ko reppen im kajjeon̄ ko an tariņae, jekar maron̄ kōm̧m̧ane eļap ļo̧k jān jon̄an eo jekar ļōmņak jemaron̄ kar kōm̧m̧ane. Ritōl ro am rekar katakin kōm bwe en wōr lōke ilo kōm make im ilo kamminene eo am make. Eļōn̄ ļo̧k jān juōn ilo iien māllijon̄ ko n̄an etal lōke kōn aō jeļā kōpeļaak tariņae, ikar ļoe kainōm̧m̧an jān katak ko an māllijon̄ in lōke ko an Ranger.
Aolepen mour ko ad, jej jelm̧ae ro jet, eļap ļo̧k māllijon̄ ko n̄an etal lōke jān ro Ij kijenmej ippāer ilo kamminene eo aō. Men kein rej jab ļap māllijon̄ in lōke ko ippān juōn make ak lōke ilo ta eo rej bōke jān Jetōb eo an Anij. Rikanaan ālikin rikanaan rekar kapilōk kōj n̄an kememej ta eo jejeļā—n̄an kōjparok lōke ilo Irooj. Ilo an kar kajjeon̄ in kōkāāl tōmak eo ilo armej ro an, Jekab ekar bar kwaļo̧k n̄an er, ”Ijeļā bwe kom̧ jeļā” (2Nipai:4,50; kwaļo̧k kakobaba). Paul ekar lukkuun ļapļo̧k an kajjetjet “Kom̧in jab joļo̧k ami peran, eo eļap an jinōkjeej kake.” ( Hibru 10:35; kwaļo̧k kakobaba). Kajjojo iad rej jelm̧ae juōn ilju im jekļaj eo jeja kake. Ak eļan̄n̄e jenaaj jelm̧ae, kememej ta eo emōj ad jeļā kake, jej jelm̧ae kōn tōmak. Jej jelm̧ae kōn peran. Jej jelm̧ae kōn ļōke.
Juōn iaan māllijon̄ ko n̄an etal lōke an mour in emakijkij an jelm̧ae ilo tōre in jodikdik ilo mour in. Jokālet eo ej n̄an m̧are. Ejjelo̧k jokālet ej waļok kōn eļap kamijak jen epepen in an jodikdik ro. Ej men eo im ej kwalo̧k illu im kōm̧m̧an eļap inepata.
Mijak kōn M̧are
Ijjab lukkuun jeļā kōn aolepān wun ko ilo jōkjōk in, bōtaab en̄in, Ij tōmak, rej jet iaer:
-
Anemkwoj in ito itak ak emm̧ōkadkad. Elōn jodikdik ro rejjab kobaļok “jab pād ilo ikkure eo” ilo pukōt eo ejim̧we m̧ōttan ilo aer kōm̧m̧ane ikitōltōl eo ippān ilo kumi ko. Kōnke iktōltōl in ej waļok ippān doulul ko an ļaddik im leddik ro, jet rej bōd im ļōmņak bwe rej ippān doon ilo wāween eo ejim̧we im rej ettoļok jen wāween eo eaorōk n̄an aer pukōt eo m̧ōttaer n̄an indeeo. Ak en̄in ejjab wāween eo. Ippān doon ilo doulul ko emaron̄ kōwane juōn armej jen kōn kadkad ko raorōk kōn juōn armej eo n̄an kōm̧m̧ane kalōt eo ejim̧we.
-
Mijak in kōm̧m̧ane juōn men ebōd. Bōnbōn ko kōn jepel jej aolep jeļā. Jet jodikdik ro em̧ōj aer mour kōn metak in bōro ilo aer lo m̧are ko rejorāān an ro jiner im jemer’ ak ro m̧ōttaer’ ak em̧ōj aer jepel. Ewōr aer en̄jake ikkijen jorāān ko reļļap ilo aer ippān doon ilo doulul ko innām jepel lo̧k. Jet iien, tōprak eo ej n̄an kōm̧m̧an bwe ren mijak n̄an kepaakļo̧k m̧are ijello̧kin rej kālet armej eo ebōd.
-
Jodikdik ro rej jeliktak jān eddo. N̄an jet, ewōr juōn āliklik eļap ej kōm̧m̧an bwe en dāpij kōņaan im itok limo ko ad n̄an ro jet. Aiineļap kōn kōj make ewōr an wāween im̧we jet n̄an karum̧wijļo̧k kālet eo n̄an m̧are.
Ļōmņak kōn men ko Rebōd
Jabdewōt un eo n̄an mijake jokālet eo kōn m̧are, ej tōl lo̧k n̄an ļōmņak ko rejjab jim̧we, n̄an “ubakeļo̧k” lōke eo am n̄an ro jet. Menin, ilo an ro̧o̧lto̧k, ekōm̧m̧an bwe armej eo en ebbeer jen an bōk eddo in an n̄an an kōm̧m̧ane kālōt eo. Men̄e mijak ejjab uwaake eo n̄an karum̧wijļo̧k ak kōjekdoon m̧are, emaron̄ tōl ro jet n̄an jorāān. N̄an waanjon̄ak, jet rej kapidodoiki n̄an aer kōm̧m̧ane ļōmņak in āinwōt juōn jetōb eo eļap. Likjab in kakūrm̧ool eddo ak kallim̧ur eo ad make ilo wāween jerbal in, rej kōttar n̄an juōn men āinwōt jeje ko raar ioon wōrwōr in tampeļ eo, ko kar jeje in akkin Anij ak n̄an e jepel dān ko ak kōn bar jet m̧akūtkūt in laļ eo ekajoor bwe ej jiron̄ er kōn lōke eo bwe ej kanne kōn etan bar juōn eo juōn im make wōt jim̧we.
Jet rej reilo̧k n̄an ro jet n̄an kālet n̄an er. Juōn Stake būreejtōn ilo Brigham Young University eaar jiron̄ eō ke ejjab ekkar n̄an kōrā ro bwe ren kōtlo̧k bwe ļaddik ro jeraer ren ba n̄an e ke “ie eo wōt juōn.” Jet rej karum̧wijļo̧k kōn ekajet eo an jinen ak jemen—ekkein an juōn jemen—eo eaar kōm̧m̧ane kālet ko n̄an er ilo iien ko rem̧ootļo̧k. Ilo juōn waanjon̄ok, ewōr eddo ko relukkuun aorōk n̄an kalōt eo em̧m̧an tata juōn armej ej kōm̧m̧ane ilo mour in.
Naan in kaunjeļ jen mama im baba, jen bisop ro, im armej ro jet me rekwojarjar remaron̄ bar jipan̄. Ak ilo jemlokin in raan eo, ejjeļok juōn armej emaron̄—ak eaikuj—jiron̄ eok ta ko kwōn kōm̧m̧ani. Ļōmņak eo n̄an wōn eo kwoj m̧areiki ej an armej eo make kalōt.
“Jab kaarmejete lōke eo am̧ make, eo eļap nōbar eo ie!” Kememej bwe jaar itok n̄an mour in ilo wāween eo epen, bwe jen maron̄ kōnaan, im n̄an ad pād ilo iakwe. Jab kōm̧m̧an bwe en penļo̧k jen in kiiō! Kememej ta ko kwojeļā, im wōnm̧aanļo̧k wōt im lōke Jemed Ilan̄ im kōn wāween eo kwoj jutak kake im itoklimo im āinwōt ļaddik ak leddik eo Nejin.
Kaunjeļ ko n̄an M̧akūtkūt in Ekajet
M̧akūtkūt ekajet ej iien eo n̄an an ruo armej jeļā kajjen doon. Ej juōn iien eo n̄an jeļā kajjien ro jet, ta itoklimo ko aer, ta iminene ko aer, im ta ko rej kōttōbari ilo mour im ilo gospel eo. Ej juōn iien n̄an kwalo̧k kōttōbar ko im ettōnak ko, lo̧ke kōjatdikdik im mijak. Ej juōn iien n̄an idajon̄jon̄e ro jet bwe ren wijlepļo̧k er n̄an mour kōn gospel eo.
Eļtōr David A.Bedner an Doulul eo an Jon̄oul Ruo ro Rijilōk ro eaar kōnono kōn juōn mijinede eo eaar ro̧o̧l eo im ear jerāiki juōn jiron̄ eo eaorōk. Lein ear lukkuun kea kake leddik eo im eaar ļōmņak bwe en kōm̧m̧ane juōn an kajjitōk n̄an m̧areiki. Menin eaar waļok alikin an kar būreejtōn Gordon B. Hinckley (1910–2008) kar kaunjeļ e kōrā ro bwe ren dede kōn juōn wōt peiin dede. Likao in eaar kijenmej im kōttar ilo juōn iien eo eaitok, Eļtōr Bedner eaar ba, n̄an jiron̄ ro bwe en kōm̧akūt peea in dede eo juōn im ej kōņake. Ak men in eaar jab walo̧k. Kōn menin im un ko jet, kōn an eddo buruōn, likao in eaar bōjrak an jerāik leddik eo.
N̄an kepaakļok en̄jake in eaar walok, Eļtōr Bednar eaar ba:“Ij tōmak ke jet iami.… remaron̄ tōmak ke likao ro rekar lukkuun ekejet ak loe juōn jokālet an indeeo, men̄e jidikin, ilo juōn unin kōnono edik ej ejja kōm̧m̧ane im jekkar. Bōlen kwoj inepata kōnke waanjon̄ok in eaar jelōt jiron̄ eo em̧m̧an dettan eo im eaar likjab jen an ron̄jake naan in ko̧o̧njel ko an ri-kanan ro ijjelokin an eoron̄e juōn likao. [Ak imaron̄ ke kwaļok n̄an iok bwe] unin kōnono eo ejjab kōn diede!”1
En̄in ej bar juōn menin jipan̄. Āinwōt ke ej mōttan wōt kilen ippān doon in eaar waļok,lale bwe kwon jab likit am ekajet ioon men ko remaron̄ kōmleleik āinwōt “lale tōprak ko an armej eo im jab kajjeon̄ in lukkuun in jeļā kajjen” Jen menin, ij ba jab likit am lōmnak im kōjatdikdik ippān juōn eo im eaar kōm̧m̧ane jerbal in mijen eo an ak juōn eo im ej bōk jerbal ko ilo ward eo am. Aolep men kein remaron̄, im rej aikuj bwe ren lukkuun kwaļok kilen ujlepļo̧k, tōmak, im m̧ool. Ak ejjab aolep ien. En̄in ej unin am aikuj bwe kwon jeļā kilen jiniet. Bwe jeļā kajien juōn n̄an katak kōn būruwōn im m̧wilin im ejjab jeļā eo an kōn gospel eo.
Men eo ejjelok an kein kamo̧o̧l en̄in: jab kōm̧m̧ane ekajet ko kōn jabdewōt armej mae ien eo kwojeļā kajjien leo ak lio. Ekejet ko renana remaron̄ bōd im kabōd ko rem̧m̧an. Kom̧win peppojakjak kōn juōn armej eo eļap an aorōk ilowa, ak aorōk ej jeļo̧k tokjeņ im jab ejaake.
Jar kake
Ālkin wōt kajjeon̄ kōjerbale ekejet eo am make im jeļā eo am n̄an kōtaan eo ālkin juōn iien em̧m̧an ej aikuj am jar kōn juōn kapine. Kememej, āinwōt ļōmņak ko jet am raorōk, m̧are ej am kālōt. Irooj enaaj kōnaan bwe kwon kamineneik am ekajet. Āinwōt an kar Irooj n̄an Oliver, bwe Oliver ekar jab meļeļe; ej aikuj in bwe Irooj en leļo̧k n̄ane maron̄; ke Oliver ekar ļōmņak ijjiļo̧kin kajjitōk Ippān (D&C 9:7). Alikin an dedeļok am kōm̧m̧ane kilen ekajet ko rekkar im kōm̧m̧ane juōn lōmnak eo elukkuun dedeļok, tōmak im leke Jemed Ilan̄ bwe enaaj uwaak eok kōn men in kwoj owaar kake.
Irooj ekōnan bwe kwon kōjerbal wāween ko rem̧m̧an kōn kwe make. Ekōnan bwe kwon likit en̄jake ko am make an juōn maan ak kōra ko rej bed ippām jen ke kwar lotak. Iien eo em̧ōj am kepaak ļo̧k juōn armej kōn pālele waan, lan̄lōn̄ ium̧in jidik iien kōn jemjerā—ekejet— ippān, im kapolel kōņaan eo am̧ make bwe e en kwaļok aorōk ko am̧ im juōn eo ippān eo komaron̄ kar m̧ōņōņō in kwaļok jemjerā ko repaaktata—innām likūt men ko ewōr tokjeer n̄an Jemed Ilan̄. Ilo an jab em̧m̧an am kōm̧m̧ane kālōt ko n̄an en̄jake ko am make em,emaron̄ juōn wāween eo im ej jiron̄ iok ke ejjjab errā ilo kālōt ko am.
En wōr am Lōke ilo Irooj
Elōn iiō remo̧o̧tļok kiō jen iien eaar kōm̧m̧an ien jelm̧ae doon ko ilo kar kaminene in Ranger eo aō. Ekar wōr en̄jaake ko kōn mour e aō jen māllijon̄ ko n̄an etale lōke an raan in tariņae ko aō. Ak aer emejmej im katakin ekar pād wōt. Ewōr ad maron̄ n̄an katuki lan̄ ko jej iooni ilo mour in im kōm̧m̧an elaplo̧k n̄an bōbrae jen ad kar ļōmņak. En̄in ej men eo elap bwe jen kememej aolep iien ta kojjeļā.
“Kwon jab ubakeļok tōmak im ļōke eo am, eo ewōr kawiinin ko rellab e.” En wōr am tōmak im leke kōn ta ko kwojeļā! Innām konaaj ioone m̧āllijon̄ in etale lōke kōn peran im kam̧ooloļ, im Irooj enaaj tōl ial ko am.
Kōmļeļe ko jen Dilleen Marsh
Ippān doon ilo kurup ko emaron̄ kōm̧m̧an bwe armej eo en jo̧o̧l jen an pukōt ial in jeram̧m̧an im katak kōn kadkad in juōn eo em̧m̧an ippān n̄an an maron̄ kōm̧m̧ane kālōt eo ejim̧we.
Kwōj aikuj n̄an jeļā kajien. Lukkuun jeļā kajien juōn n̄an katak kōn būruwōn im m̧wilin im jab kōn wōt “jeļā eo an kōn gospel eo.”