I Tala Fou
Ua Amata Faaaliga Tala Faaletausaga i Mesa
O tausaga taitasi e lagolagoina ai e le Ekalesia ni faaaliga se lima i vaega eseese o le Iunaite Setete. O loo aofia atu i i faamatalaga e uiga i faaaliga taitasi.
Faaaliga i Mesa
O Le Faaaliga i Mesa, Arisona, Iesu o le Keriso, ua toe faamatala ai le tala i le soifua mai o Iesu Keriso, auaunaga, o le maliu ma le le manatu faapito, ma le Toetu faavavega. E amata le faaaliga i le aso 24 o Mati seia oo i le aso 3 o Aperila. Tagai i le www.easterpageant.org mo nisi faamatalaga.
Faaaliga i Manti
O Manti, Iuta, O Le Faaaliga o Vavega a Mamona o loo milo ai tala o le Toefuataiga o le talalelei, o le molimau i le Tusi a Mamona, ma le malaga a paionia faatuatua i le Vanu o Sanpete. E amata le faaaliga i le aso 17 o Iuni seia oo i le aso 26. Tagai i le www.mormonmiracle.org mo nisi faamatalaga.
Faaaliga i Navu
O Le Faaaliga i Navu, Ilinoi, O Se Saafiafiga ia Iosefa Samita, e faamanatu ai le talalelei toefuataiina, o le misiona faaperofeta a Iosefa Samita, ma le talatuu a uluai Au Paia i Navu. E amata le faaaliga i le aso 6 o Iulai seia oo i le aso 31 o Iulai. Tagai www.nauvoopageant.org mo nisi faamatalaga.
Faaaliga i le Mauga o Kumora
O Le Faaaliga i le Mauga o Kumora, Niu Ioka, Molimau a Amerika mo Keriso, o loo toe faamatala ai le tala i le Tusi a Mamona, e aofia ai tofotofoga o le aiga o Liae ma ana fanau, o le asiasiga tupito a Iesu Keriso i tagatanuu o Amerika, ma le mauaina e Iosefa Samita o papatusi. E amata le faaaliga i le aso 9 o Iulai seia oo i le aso 17. Tagai i le www.hillcumorah.org mo nisi faamatalaga.
Faaaliga i le Vanu o Castle
O le Faaaliga i le Vanu o Castle, Iuta, o se tala faatino faasolopito auiliili e fai i fafo, o loo faaalia ai le faato’aina o se nuu o paionia i Castle Dale, Iuta. E amata le faaaliga i le aso 29 o Iulai seia oo i le aso 7 o Aokuso. Mo nisi faamatalaga valaau i le 1-435-687-2403. O le Faaaliga i le Vanu o Castle e feauaua’i taitausaga ma le Faaaliga i Clarkston, Iuta, O Matini Harisi: O Le Tamalii Na Silafiaina, i Clarkston, Iuta.
O Faatufugaga o Musika ma Faaleaganuu E Manaomia Ona Auina Mai
O le aso mulimuli o le tausaga nei e auina mai ai e tagata o le au paia ni fatuga fou o musika ma galuega fatufatu ina ia iloiloina mo lomiga po o faatinoga e le Ekalesia, ua toe nei o ni nai vaiaso. E faagata le taliaina o fatuga e auina mai i le aso 31 o Mati, 2010.
E faaali ia musika e filifilia i le Faaaliga Musika a le Ekalesia, a o tusiga e filifilia o solo e faitauina i le Faatinoga o Fatuga o Faatufugaga Faaleaganuu. O nisi taimi e filifilia ai galuega mo lomiga i le lumanai i le Uepi saite a le Ekalesia po o mekasini a le Ekalesia. O fatuga o musika e auina mai e aofia ai pese, o pese a tamaiti, viiga, vii o tagavai, faatulagaga o viiga, ma mea fai faaili ma isi galuega.
O faatufugaga faaleaganuu o ni tusiga faaata tifaga e aofia ai tala e faatino, o tala faafaleaitu, ma tala faamusika. Ua taliaina foi tauloto ma solo faamusika i ni autu paia e mafai ona faatino.
O galuega e auina mai e tatau ona talafeagai mo le faaaogaina i iunite a le Ekalesia, e aoao atu ai mataupu faavae o le talalelei i ni ala faagaeetia, ia sa’o ona aoaoga faavae, ma ia sa’o lelei pe afai e faavae i le talafaasolopito. E talia fatuga e auina mai i gagana uma.
Mo nisi faamatalaga ma taiala mo fatuga o faatufugaga faaleaganuu e auina mai, valaau i le 801-240-6492.