O Le Peraimeri Fou a Miguel
“O lenei, e le toe tagata ese outou, po o e ua aumau, a ua nuu faatasi ma le au paia,o le aiga foi o le Atua” (Efeso 2:19).
1. O le Aso Sa muamua lava na siitia atu ai Miguel i se aai fou, na ave ai o ia e lona tina i le lotu. Sa la o atu e feiloai i lana vasega fou o le Peraimeri.
2. Ina ua la taunuu atu i le faitotoa o le potuaoga, sa uumau e Miguel le lima o Tina. “E le o lo’u faiaoga le la, Tina. O fea Sister Dominguez?”
3. Sa punou ifo Tina e talanoa ia Miguel. “Ua ese le nuu lea ua tatou nonofo ai nei, ma o lea ua ta o mai e feiloai i au uo fou—e pei o lou faiaoga fou o le Peraimeri.”
4. “Ou te le manao i se faiaoga fou,” o le tala lea a Miguel. “Ua ou fia alu i le fale i lo’u fale tuai ma i ai faatasi ma lo’u faiaoga tuai.”
5. “Ou te iloa e le faigofie le siitia i se nofoaga fou,” o le tala lea a Tina. “O le a i ai lava isi mea e tutusa. O le a e usuina pese Peraimeri, tatalo, ma faalogo i lauga.”
6. “E moi?” o le fesili lea a Miguel. “O le a se isi mea o le a tutusa?”
“O le a aoao oe e lou faiaoga fou o le Peraimeri e uiga ia Iesu—e pei ona sa faia ai e Sister Dominguez.”
7. Sa faamamulu e Miguel le lima o Tina ma saofai ifo i se nofoa i totonu o lana vasega fou o le Peraimeri.
8. Mulimuli ane …
“Tina, na sa’o lava oe! Sa matou pepese, tatalo, ma faalogologo i lauga. Na fai mai lo’u faiaoga fou o le Peraimeri e alofa Iesu ia te a’u. E tutusa lelei lava!”