Ko ha ʻAʻahi ki he Temipale Sikueá
Ko e Temipale Sōlekí
Tau ō mo kimautolu he taʻú ni ʻo vakai ki he ngaahi feituʻu mahuʻinga ʻi he Temipale Sikueá.
Ko ha ʻaho mokoʻīʻī ʻeni ʻi Sānuali. Ne afuhi e ngaahi taua ʻo e Temipale Sōlekí ʻe ha sinou foʻou. Ka ʻoku lahi ange fiefia ʻa Keití ia ʻi heʻene mokosiá. Ne fononga mai ki he Temipale Sikueá mei hono ʻapí, ʻi Lōkani ʻi ʻIutā, ke ʻaʻahi ki he kelekele ʻo e Temipale Sikueá.
Ko ha potu toputapu ia, ʻoku lahi ai ha ngaahi meʻa fakaʻofoʻofa ke te mamata mo ʻilo ki ai.
ʻOku tuʻu ʻa e ʻāngelo koula ko Molonaí ʻi ʻolunga he taua maʻolunga tahá. Ka ʻi laló, ʻoku tongitongi ai ʻi he maka kalānité, ʻa e ʻotu lea ko ʻení “Māʻoniʻoni ki he ʻEikí.”
ʻOku tongitongi ʻi he ngaahi holisi kalānite ʻo e temipalé ha ngaahi ʻīmisi ʻo e laʻaá, māhiná, māmani, ngaahi ʻaó, pea mo e ngaahi fetuʻú.
ʻOku tongitongi ʻa e Big Dipper ke tuhu ki he tuʻuʻanga moʻoni ʻo e Fetuʻu ʻo e Polé.
Ko e hā hono lōloa hono langa ʻe he kau paioniá ʻa e temipalé? Naʻe maʻu ʻe Keiti ʻa e talí ʻi ha meʻa fakaava palasa ʻo e ngaahi matapā papa lalahi ʻo e temipalé.
ʻOku ʻi ai ha ngaahi holisi ʻe niʻihi ʻo e temipalé ʻoku fute ʻe ono hono matolú (mita ʻe 2)!
Ngaahi taá naʻe fai ʻe Craig Dimond, tuku kehe ʻa ia kuo ʻosi fakaʻilongaʻi atú; peesi hanga maí: tā fakatātaaʻi ʻe Dilleen Marsh; tā ʻo e vai papitaiso he Temipale Sōlekí naʻe fai ʻe Welden C. Andersen; loto mālié: tā ʻo e temipalé naʻe fai ʻe Greg Frei; toʻohemá: tā ʻo e langa ʻo e temipalé ko e angalelei ia ʻa e Laipeli Hisitōlia ʻo e Siasí; tā ʻo e ʻū meʻangāué naʻe fai ia ʻe Lana Leishman