Den Reverensia pa Cristo i Su Evangelio
Ku e rekuerdo di loke nos wowonan a mira i nos kurasonnan a sinti por oumentá nos asombro pa e Salbador Su sakrifisio ekspiatorio.
Mi tin un amigu kerí ku ta un profesor briante, penshonado di universidat, outor prolifiko, i riba tur kos un disípulo komprometé di JesuCristo. El a bishitá e Tera Santu desena di biaha pa partisipá den konferensianan, kondusí investigashonnan akadémiko, i guia eskurshonnan. Segun e, kada biaha ku e bishitá e tera kaminda Jesus a kana, e ta maravia pasó sin duda e ta siña algu nobo, asombroso, i fasinante tokante e Salbador, Su ministerio mortal, i Su tera natal stimá. E reverensia ku mi amigu ta demostrá ora e ta papia tokante tur lokual e ta siña den e Tera Santu ta kontagioso, i su asombro tabata fundamental den su gran logronan i metanan akadémiko den su bida.
Segun mi a skucha na su eksperensianan i a sinti su entusiasmo, mi a reflekshoná riba e asombro spiritual, pa bisa asina, ku nos por sinti pa e evangelio di JesuCristo i e diferensia ku e por hasi den nos disipulado i den nos biahe pa bida eterno. E milager na kual mi ta referí ta e sensashon di emoshon, reverensia, òf asombro komun na tur ku henter nan kurason ta pone nan sentrá bida riba e Salbador i Su enseñansanan i humildemente ta rekonosé Su presensia den nan bida. Tal sentimentu di asombro, inspirá pa e influensia di e Spiritu Santu, ta stimulá e entusiasmo pa biba ku goso e doktrina di Cristo.1
E skrituranan ta kontené vários ehèmpel di kon e sensashon aki ta manifestá. E profeta Isaías, por ehèmpel, a ekspresá e profundidat di su gratitut pa Señor dor di su alegria den DjE.2 Esnan ku a skucha Jesus prediká den e snoa na Kapernaum tabata asombrá pa Su doktrina i e forsa ku kual E tabata siña.3 Tabata e mesun sentimentu aki ku a penetrá den kada fibra di e hóben José Smith su kurason ora el a lesa for di e Beibel e promé kapítulo di Santiago, kual a hib’e pa buska e sabiduria di Dios.4
Mi rumannan, ora nos di bèrdat ta den reverensha di JesuCristo i Su evangelio, nos ta mas felis, nos tin mas entusiasmo pa Dios Su obra, i nos ta rekonosé Señor Su man den tur kos. Adishonalmente, nos estudio di e palabranan di Dios tin mas nifikashon; nos orashonnan, ku mas konsiente; nos adorashon, mas reverente; nos sirbishi de e reino di Dios, mas diligente. Tur e akshonnan aki ta kontribui na e influensia di e Spiritu Santu ta mas frekuente den nos bida.5 Pues, nos testimonio di e Salbador i Su evangelio lo wòrdu fortalesé, nos lo mantené Cristo bibu den nos,6 i nos lo biba nos bida “ankrá i konstruí den DjE, i establesé den e fe, … brota den gradisimentu.”7 Ora nos ta biba di e manera aki, nos ta bira spiritualmente mas fuerte i protehá kontra kaida den e trampa di apatia spiritual.
Tal apatia ta karakterisá pa e pèrdèmentu gradual di nos eksitashon pa ta kompletamente komprometí den e evangelio di Señor. E ta kuminsá generalamente ora nos ta sinti ku nos ya kaba a haña tur e konosimentu i bendishonnan nesesario pa nos felisidat den e bida aki. E satisfakshon aki, pa bisa asina, ta pone ku nos ta tuma e donnan di evangelio komo di mes, i for di ei pa dilanti, nos ta kore e riesgo di neglishá tantu nos inmershon regular den e kosnan esensial di e evangelio di JesuCristo8 i e kombenionan ku nos a hasi. Komo konsekuensia, nos ta distansiá nos mes gradualmente for di Señor; debilitando nos abilidat pa “Skuch’E,”9 birando indiferente i insensibel pa e grandesa di Su obra. Duda tokante e bèrdatnan ku nos a haña kaba por drenta nos mente i kurason, hasiendo nos vulnerabel pa tentashonnan di e enemigu.10
Pastor Aiden Wilson Tozer, un skritor renobrá i un Cristian balente, a skirbi, “Komplasementu ta un fayo grandi pa tur kresementu spiritual.” 11 Esaki no ta eksaktamente lokual a pasa ku e pueblo di Nefi djis despues di e nasementu di Cristu? Ellos “comenzaron a asombrarse cada vez menos de un señal o prodigio del cielo, … dudando todo lo que habían visto y oído.” Di manera ku Satanas “les cegó los ojos y los condujo a creer que la doctrina de Cristo era una cosa insensata y vana.”12
Mi kerido rumannan, den Su amor perfekto i infinito i konosiendo nos naturalesa humano,13 e Salbador a establesé e kaminda pa nos pa evitá di kai den e trampa di apatia spiritual. E Salbadoor su invitashon ta duna nos un perspektiva amplio, spesialmente konsiderando e mundu kompliká den kual nos ta biba: “Aprende de mi y escucha mis palabras; camina en la mansedumbre de mi Espíritu, y en mi tendrás paz.”14 Ora nos aseptá e invitashon di e Salbador, nos ta demostrá nos humildat, nos deseo pa wòrdu siñá, i nos speransa pa bira mas manera E.15 E invitashon aki ta inkluí sirbi E i ministrá na Dios Su yunan “ku henter [nos] kurason, poder, mente i forsa.”16 E esfuerso mas esensial den e biahe aki ta, klaro, e dos mandamentunan mas grandi: pa Stima Señor nos Dios i stima nos próhimo manera nos mes.17
E tipo di komportashon aki ta parti di Su karakter dibino i tabata evidente den tur kos ku El a hasi durante Su ministerio terenal.18 P‘esei, ora nos ta dediká nos mes intenshonalmente i bèrdaderamente pa mira na Su ehèmpel perfekto,19 nos ta yega na konosé E mihó. Nos ta krese den entusiasmo i deseo pa inkorporá den nos bida e norma definitivo di kon nos mester biba, e ehèmpel ku nos mester pone, i e mandamentunan ku nos mester sigui. Tambe nos ta haña komprondementu adishonal, sabiduria, karakter dibino, i grasia pa Dios i nos próhimo.20 Mi por sigurá boso ku nos abilidat pa sinti e influensia i amor di e Salbador lo wòrdu intensifiká den nos bida, magnifiká nos fe, nos deseo pa aktua hustamente, i e motivashon pa sirbi É i otronan.21 Adishonalmente, nos gratitut pa e bendishonnan i retonan ku nos ta eksperensiá den mortalidat lo ta fuerte i ta bira parti di nos adorashon berdadero.22
Mi amigunan stimá, tur e kosnan aki ta fortalesé nos milager spiritual relashoná ku e evangelio i ta move nos pa ku alegria warda e kombenionan ku nos ta hasi ku Señor—asta mei mei di e pruebanan i retonan ku nos ta eksperensiá. Klaro, pa resultadonan aki tuma lugá, nos mester profundisá nos mes ku bèrdadero intenshon den e siñansanan di e Salbador,23hasi esfuerso pa inkorporá Su atributonan den nos manera di ta.24 Ademas, nos mester yega mas serka na DjE pa medio di nos arepentimentu,25 buska Su pordón i Su poder redentor den nos bida i warda Su mandamentunan. Señor mes a primintí ku E lo dirigí nos kaminda si nos lo konfia den DjE ku henter nos kurason, rekonosiendo E den tur nos kamindanan i no konfia den nos propio entendimentu.26
Un hòmber ku mi a topa resientemente, ku yama Wes, i ku ta asistí na e konferensia awe, a aseptá Cristo Su invitashon pa siña di dDjE i di Su evangelio i a kuminsá eksperensiá e atmirashon di Su amor despues di 27 aña di a distansiá su mes for di e kaminda di kombenio. El a bisa mi ku un dia el a haña kontakto via Facebook ku un misionero, Elder Jones, ku temporalmente tabata asigná na e área di Wes promé e bai na su mishon asigná na Panama. Ora Elder Jones a topa ku Wes su profil, sin sa di antemano ku ya kaba e tabata un miembro di Iglesia, el a sinti e guia di e Spiritu Santu i a sa ku e mester tuma kontakto inmediatamente ku Wes. El a aktua lihé riba su impreshon. Wes tabata asombrá pa e kontakto inesperá aki i a kuminsá realisá ku Señor tabata pendiente di dje apesar di su distansiamentu for di e kaminda di kombenio.
For di e momento ei, Wes i e misioneronan a kuminsá komuniká frekuentemente. Elder Jones i su kompañero a duna aktonan semanal di servisio i mensahenan spiritual ku a yuda Wes pa rekuperá su reverensia pa e Salbador i Su evangelio. El a rebibá e vlam di su testimoniooo di e bèrdat i di amor di e Salbador p‘e. Wes a sinti e pas ku ta bini for di e Konsoladó i a haña e forsa ku e tabatin mester pa regresá na e rebaño. El a bisa mi ku e eksperensia aki a tresé spiritualmente i emoshonalmente bèk na bida i a yud’é pa eliminá e sentimentunan di amargura akumulá durante e añanan pa motibu di e eksperensianan difísil ku el a pasa aden.
Manera mi bon amigu profesor atento menshoná anteriormente a opservá, semper tin algu maravioso i fasinante pa siña tokante JesuCristo i Su evangelio.27 Señor a hasi promesanan maravioso ku ta ekstendé na tur esnan, inkluso nos, ku ta buska pa siña di DjE i inkorporá Su palabranan den nos bida. Na Enok El a bisa, “He aquí, mi Espíritu [reposará] sobre ti, por consiguiente, jusitficaré todas tus palabras; y las montañas huirán de tu presensia, y los ríos se desviarán de su cauce; y tu permanecerás en mi, y yo en ti.”28 Pa medio di Su sirbidó Rei Benjamin, El a deklará, “Boso lo wòrdu yamá e yunan di Cristo, Su yunan hòmber i yunan muhé; pasobra ata’ki, e dia aki El a engendrá boso spiritualmente; pasobra boso ta bisa ku boso kurasonnan ta kambiá dor di fé den Su nòmber; di manera ku, boso ta nasé di dj’E i a bira Su yunan hòmber i Su yunan muhé.”29
P’esei, ora nos ta hasi esfuerso pa siña realmente i kontinuamente di e Salbador i sigui Su ehèmpel, mi ta primintí boso, den Su nòmber, ku Su atributonan dibino lo wòrdu skirbí den nos mentenan i kurasonnan,30 ku nos lo bira mas manera E, i ku nos lo kana ku n’E.31
Mi rumannan stimá, mi ta resa ku nos lo para semper den reverensha di JesuCristo i Su amor kompleto, infinito, i perfekto. Ku e memoria di lokual nos wowonan a mira, i nos kurasonnan a sinti por oumentá nos asombro pa e Salbador Su sakrifisio ekspiatorio, kual por sana nos di heridanan spiritual i emoshonal i yuda nos pa yega mas serka di E. Ku nos por maraviá na e promesanan grandi ku e Tata tin den Su mannan i ku El a prepará pa esnan ku ta fiel:
“De vosotros son el reino y sus bendiciones, y las riquezas de la eternidad son vuestras.
“Y el que reciba todas las cosas con gratitud será glorificado.”32
Jesus ta e Redentor di e mundu aki, i esaki ta Su Iglesia. Mi ta duna mi testimonio di e bèrdatnan aki den e nòmber di reverensia ku e ta inspirá, sagrado, i sublime di nos Salbador JesuCristo, amèn.