Kombershon na e Boluntat di Dios
Nos kombershon personal ta inkluí e responsabilidat pa kompartí e evangelio di JesuCristo ku e mundu.
Mi ta gradesí pa Presidente Russell M. Nelson su yamada profétiko pa servisio mishonal i Presidente M. Russell Ballard i Elder Marcos A. Aidukaitis nan mensahenan mishonal inspiradó di awe mainta.
Un asignashon mishonal pa Gran Bretaña na final di aña pasá a permití mi pa reflekshoná riba e susesonan spiritual ku tabata fundamental pa mi desishon pa sirbi komo un mishonero.1 Tempu mi tabatin 15 aña mi ruman hòmber mayor stimá, Joe, tabatin 20—e edat ku por a wòrdu eligí e tempu ei pa sirbi un mishon. Na Merka, pa motibu di e konflikto ku Korea, masha poko tabata permití pa sirbi. Solamente un por a wòrdu yamá di kada bario pa aña.2 Tabata un sorpresa ora nos obispu a puntra Joe pa eksplorá e posibilidat aki ku nos tata. Joe tabata preparando aplikashonnan pa skol di medisina. Nos tata, ku no tabata aktivo den Iglesia, a hasi preparashonnan finansiero pa yud’e i no tabata na fabor pa Joe bai mishon. Tata a sugerí ku Joe por a hasi mas bon dor di bai skol di medisina. Esaki tabata un problema grandi den nos famia.
Den un diskushon remarkabel ku mi ruman hòmber grandi sabio i ehemplar, nos a konkluí ku su desishon pa sirbi un mishon i atrasá su estudio tabata dependé di tres pregunta: (1) JesuCristo ta dibino? (2)I E Buki di Mormon ta e palabra di Dios? i (3) José Smith ta e Profeta di e Restorashon? Si e kontesta na e preguntanan aki ta si, ta kla ku Joe por hasi mas bon hibando e evangelio di JesuCristo na e mundu ku bira un dòkter na un fecha anterior.3
E anochi ei mi a hasi orashon ferviente i ku berdadero intenshon. E Spiritu, den manera poderoso inekibokabel, a konfirmá na mi ku e kontesta riba tur e tres preguntanan ta bèrdat. Esaki tabata un evento signifikativo pa mi. Mi a realisá ku tur desishon ku lo mi tuma pa e resto di mi bida lo wòrdu influensiá pa e bèrdatnan aki. Mi tabata sa tambe ku lo ami lo sirbi un mishon si mi a haña e oportunidat. Durante un bida di servisio i eksperensianan spiritual, mi a yega na komprondé ku kombershon berdadero ta e resultado di aseptashon konsiente di e boluntat di Dios, i ku nos por wòrdu guiá den nos akshonnan dor di e Spiritu Santu.
Mi tabatin un testimonio kaba di e dibinidat di JesuCristo komo Salbador di e mundu. E anochi ei mi a risibí un testimonio spiritual di e Buki di Mormon4 i di e Profeta José Smith.
José Smith Tabata un Instrumènt den Mannan di Señor
Bo testimonio lo ta fortalesé ora bo sa den bo kurason pa medio di orashonnan ku e Profeta José Smith tabata un instrumènt den e mannan di Señor. Durante e ocho añanan ku a pasa, un di mi asignashonnan den e Diesdos Apòstelnan tabata pa revisá i lesa tur e papelnan i dokumentonan remarkabel di José Smith i e investigashon ku a hiba na publikashon di volumennan Saints.5 Mi testimonio i atmirashon di e Profeta José Smith a wòrdu fortalesé grandemente i mehorá despues di lesa e detayenan inspiradó di su bida i ministerio profétiko pre-ordená.
José su tradukshon di e Buki di Mormon pa medio di e don i poder di Dios tabata fundamental pa e Restorashon.6 E Buki di Mormon ta internamente konsistente, bunita skirbí, i ta kontené e kontestanan di preguntanan grandi di bida. E ta un otro tèstamènt di JesuCristo. Mi ta tèstifiká ku José Smith tabata rekto, yen di fe, i un instrumènt den e mannan di Señor den tresementu dilanti di e Buki di Mormon.
E revelashonnan i eventonan registrá den e Doctrina y Convenios ta proveé e yabinan, ordenansanan, i kombenionan nesesario pa salbashon i eksaltashon. Nan no solamente ta establesé solamente e kosnan esensial rekerí pa establesé e Iglesia, pero tambe ta proveé doktrina profundo ku ta permití nos pa komprondé e propósito di bida i ta duna nos un perspektiva eterno.
Un di e hopi ehèmpelnan di José Smith su ròl profétiko ta hañá den sekshon 76 di Doctrina y Convenios. E ta un registro detayá di e vishon di shelu, inkluso e reinonan di gloria, kua e Profeta José i Sidney Rigdon a wòrdu bendishoná pa risibí riba 16 di februari 1832. E tempu ei, e mayoria grandi di iglesianan tabata siña ku e Salbador Su Ekspiashon lo no duna salbashon pa mayoria di hende. Tabata kere ku algun lo wòrdu salbá, i ku gran mayoria lo wòrdu maldishoná pa fièrnu i kondenashon, inkluyendo torturanan sin fin “di e intensidat mas teribel i indeskriptibel.”7
E revelashon den e sekshon 76 ta duna un vishon glorioso di e gradonan di gloria kaminda e gran mayoria di Tata Selestial Su yunan ku tabata balente den nan estado premortal ta wòrdu bendishoná profundamente despues di e huisio final.8 E vishon di e tres gradonan di gloria, esun mas abou ku ta surpasá tur komprendementu,“9 ta un refutashon direkto di e doktrina eróneo ku tabata fuerte e tempu ei ku e mayoria lo wòrdu maldishoná pa fièrnu i kondenashon.
Ora bo realisá ku José Smith tabatin solamente 26 aña di edat, un edukashon limitá, i tabatin poko òf ningun eksposishon na lenganan klásiko for di kua e Beibel a wòrdu tradusí, e tabata di bèrdat un instrumènt den e mannan di Señor. Den e versíkulo 17 di sekshon 76, el a wòrdu inspirá pa uza e palabra inhustu na lugá di kondenashon ku tabata uza den e Evangelio di Juan.10
Ta interesante ku 45 aña despues un lider di iglesia anglikano i un erudito klásiko ku kredensialnan akadémiko,11Frederic W. Farrar, ku a skirbi The Life of Christ12a afirmá ku e definishon di kondenashonden e King James Version di e Beibel tabata resultado di erornan di tradukshon for di hebreo i griego pa ingles.13
Den nos tempu, hopi a adoptá e konsepto ku lo no mester tin konsekuensia pa piká. Nan ta sostené e kondenashon inkondishonal di piká sin arepentimentu. Nos doktrina revelá no solamente ta refutá e idea ku mayoria hende lo wòrdu maldishoná pa fièrnu i kondenashon pero ta establesé tambe ku arepentimentu personal ta un mandamentu di rekisito previo pa partisipá di e Salbador Su Ekspiashon i heredá e reino selestial.14 Mi ta tèstifiká ku José Smith tabata berdaderamente un instrumènt den mannan di Señor den trese dilanti e Restorashon di Su evangelio!
Pa motibu di e Restorashon di e evangelio di JesuCristo, nos ta komprondé e importansia di ámbos arepentimentu i e “obranan di hustisia.”15 Nos ta komprondé e nifikashon abrumador di e Salbador Su Ekspiashon i di Su ordenansanan i kombenionan ku ta salba, inkluso esnan realisá den tèmpel.
E “obranan di hustisia” ta bini di i ta e frutanan di kombershon. Kombershon berdadero ta realisá dor di aseptashon i kompromiso pa sigui e boluntat di Dios.16 E kantidat grandi di konsekuensianan i bendishonnan ku ta resultá for di kombershon ta pas berdadero i permanente i e siguransa personal di felisidat infinito17—apesar di e tormentanan di bida.
Kombershon na e Salbador ta kambia un hòmber natural den un persona santifiká, nasé di nobo, purifiká—un kriatura nobo den Cristo Jesus.18
Hopi Ta Wòrdu Tené for di E Bèrdat Pasó Nan No Sa Unda pa Hañ’é
Kiko ta e obligashonnan ku ta resultá for di kombershon? Den prizòn di Liberty e Profeta José a nota ku hopi “ta tené for di e bèrdat pasó nan no sa unda pa han’é.”19
Den e prólogo di e Doktrina i Kombenionan, un perspektiva di Señor su propósito pa nos a wòrdu establesé. El a deklará,“Por tanto, yo el Señor, sabiendo las calamidades que sobrevendrían a los habitantes de la tierra, llamé a mi siervo José Smith, hijo, y le hable desde los cielos y le di mandamientos.” E ta sigui instruí, “Para que la plenitut de mi evangelio sea proclamada por los débiles y sencillos hasta los cabos de la tierra.”20 Esei ta inkluí tur mishoneronan di tempu kompleto. Esei ta inkluí nos kada un. Esaki mester ta un kos di gran enfoke pa tur hende ku a wòrdu bendishoná ku un kombershon na e boluntat di Dios. E Salbador ku grasia ta invitá nos pa ta Su stèm i Su mannan.21 E amor di e Salbador lo ta nos lus ku ta guia. E Salbador a siña Su disípulonan, “Bai anto, i siña tur nashon.”22 I na José Smith, El a deklará, “Predicad mi evangelio a toda criatura que no la haya recibido.” 23
Un siman despues di e dedikashon di e Tèmpel di Kirtland riba 3 di aprel, 1836, ku tabata Pasku di Resurekshon i tambe Pasku hudiu, Señor a aparesé den un vishon magnífiko na José i Oliver Cowdery. Señor a aseptá e tèmpel i a deklará, “Este es el principio de la bendición que se derrmará sobre la cabeza de los de mi pueblo.”24
Despues ku e vishon aki a sera, Moises a aparesé, “y nos entregó … las llaves del recogimiento de Israel y de las cuatro partes de la tierra, y de la conducción de las diez tribus desde el país del norte.”25
Presidente Russell M. Nelson, nos profeta stimá di awe ku tin e mesun yabinan, a siña nos hubentut e mainta aki: “Boso hòmbernan hóben a wòrdu reservá pa e tempu aki ora e rekohementu primintí di Israel ta tumando lugá. Ora boso sirbi mishonnan, boso ta hunga un ròl fundamental den e suseso sin presedente aki!”26
Pa e Salbador Su mandato pa kompartí e evangelio pa bira parti di ken nos ta, nos tin ku bira kombertí na e boluntat di Dios; nos tin ku stima nos próhimo, kompartí e evangelio restorá di JesuCristo, i invitá tur pa bin i mira. Komo miembronan di Iglesia, nos ta apresiá e Profeta José su kontesta na John Wentworth, e editor di Chicago Democrat, na 1842. E tabata pidi informashon tokante Iglesia. José a konkluí su kontesta dor di uza e “Standard of Truth” komo un prólogo na e diestres Artíkulonan di Fe. E norma ta transmití, den un manera breve, kiko mester wòrdu realisá.
“Ningun man profano no por stòp e obra di progresá; por tin persekushon, gruponan maligno por kombiná, sòldatnan por uni, kalumnia por difamá, pero e bèrdat di Dios lo sigui pa dilanti grandemente, noblemente, i independientemente, te ora e penetrá kada kontinente, bishita tur klima, pasa dor di kada pais, i zona den kada orea, te ora e propósito di Dios lo wòrdu kumplí, i e Gran Yehova bisa ku e obra ta kumplí.” 27
Esaki ta e yamada di trompèt pa generashonnan di Santunan di Delaster dia, spesialmente mishoneronan. Den e espíritu di e “Standart di Bèrdat,” nos ta gradesido ku mei mei di un pandemia mundial mishoneronan fiel a kompartí e evangelio. Mishoneronan, nos ta stima boso! Señor a pidi nos kada un pa kompartí Su evangelio den palabra i echo. Nos kombershon personal ta inkluí e responsabilidat pa kompartí e evangelio di JesuCristo ku e mundu.
E bendishonnan di kompartí e evangelio ta inkluí oumentá nos kombershon na e boluntat di Dios i laga Dios prevalesé den nos bida.28 Nos ta bendishoná otronan pa eksperensiá un “kambio poderoso” di kurason.”29 Di bèrdat tin goso eterno den yuda trese almanan nan Cristo.30 Traha pa e kombershon di bo mes i otronan ta etarea noble.31 Esaki mi ta tèstifiká den nòmber di JesuCristo, amèn.