General Conference
E Kaminda di Kombenio: E Kaminda pa Bida Eterno.
Konferensia General di aprel 2022

E Kaminda di Kombenio: E Kaminda pa Bida Eterno

Pa Elder Adeyinka A. Ojediran

Di e Setenta

E kaminda pa perfekshon ta e kaminda di kombenio, i JesuCristo ta e sentro di tur e ordenansanan i kombenionan.

Un rei poderoso tabata tin e deseo pa su yu hòmber goberná un di su reinonan. E prínsipe mester a siña i krese den sabiduria pa por a sinta riba e trono. Un dia, e rei a reuní ku e prínsipe i a kompartí su plan. Nan a akordá ku e prínsipe lo bai na un siudat diferente pa gana eksperensia. E lo enfrentá pruebanan komo tambe alegria i hopi kos bon einan. E rei e ora ei a mand’e na e siudat, kaminda e prínsipe lo mester demostrá su fidelidat na e rei i mustra ku e tabata kapas di risibí e privilegionan i responsabilidatnan ku e rei tabata tin reservá p’e. A wòrdu duná na e prínsipe e libertat pa skohe di risibí e privilegionan i responsabilidatnan aki òf no, dependé di su deseonan i su fidelidat. Mi tin sigur ku boso lo kier sa kiko a pasa ku e prínsipe. E lo a bai bèk pa heredá e reino?

Kerido rumannan, kada un di nos ta un prínsipe òf prinsesa. Nos a wòrdu mandá na mortalidat pa un amoroso Tata Selestial pa disfrutá e bendishon di un kurpa ku lo bira inmortal pa medio di e ekspiashon i resurekshon di JesuCristo. Ta spera di nos pa prepará pa bai bèk na e presensia di Dios pa medio di prueba ku nos lo hasi “ todas las cosas que el Señor su Dios les mandare”Abraham 3:25).

Pa yuda nos, e Salbador a bini pa redimí nos i mustra e kaminda pa bai bèk serka Dios. E yunan di Dios ta invitá pa bini na e Salbador i wòrdu perfekshoná den Dje. Den e skrituranan, nos ta haña e invitashon pa nos bini serka Señor ripití mas ku nobenta biaha, y mas ku mitar di esaki ta invitashonnan personal di Señor mes. Aseptando e invitashon di e Salbador ker men tuma parti di Su ordenansanan i warda nos kombenionan ku Ne. JesuCristo ta e kaminda, e bèrdat, i e bida” (Juan 14:6), i e ta invitá “a todos ellos a que vengan a él y participen de su bondad; y a nadie de los que a él vienen desecha” (2 Nefi 26:33).

Nos enseñansa i loke nos ta siñá [na otro] di evangelio ta profundisá nos kombershon na Tata Selestial i JesuCristo i ta yuda nos bira mas manera Nan. Ounke no tur kos a wòrdu rebelá tokante “e tempu eksakto i e manera ku e bendishonnan di eksaltashon [lo wòrdu] duná,” nos ta sigur di nan (M. Russell Ballard, “Hope in Christ,” Liahona, mei 2021, 55).

Alma e sumo saserdote, siñando den e tera di Zarahemla, a konta di un invitashon profundo hasí dor di JesuCristo:

“Ata’ki, e ta manda un invitashon na tur hende, pasó su brasanan di miserikordia ta ekstendé na nan, i e ta bisa: Arepentí, i ami lo risibí boso.

“Si, e ta bisa: Bini na ami i lo bo partisipá di e fruta di e palu di bida” (Alma 5:33-34

E Salbador mes ta invitá nos pa bini na Dje i tuma Su yugo riba nos pa asina nos por tin sosiegu den e mundu tumultoso aki (wak Mateo11:28–29). Nos ta bini na Cristo pa medio di “ehersé fe den Dje, arepentí tur dia, hasi kombenionan ku Dios ora nos resibí e ordenansanan di salbashon i eksaltashon, i perseverá te na fin pa medio di warda e kombenionan ei.” (General Handbook: Serving in The Church of Jesus Christ of Latter-day Saints, 1.2.1, ChurchofJesusChrist.org). E kaminda pa perfekshon ta e kaminda di kombenio, i JesuCristo ta e sentro di tur e ordenansanan i kombenionan.

Rei Benjamin a siña ku debí na e kombenionan ku nos ta hasi, nos ta bira yunan hòmber i yunan muhé di Cristo, kual a engendrá nos spiritualmente, i bou di Su kabes nos ta wòrdu hasí liber, paso “no tin otro nòmber duná pa medio di kua salbashon ta bini” (wak Mosía 5:7-8). Nos ta sigur ora nos perseverá te na fin pa medio di “sigui e ehèmpel di e Yu di e Dios Bibiente” (2 Nefi 31:16 Nefi a konsehá ku no tur kos ta kla pa simplemente drenta den e kaminda smal i règt, nos mester “pusha dilanti ku firmesa den Cristo, mustrando un puresa perfekto di speransa, i un amor pa Dios i pa tur hende” (wak 2 Nefi 31:19–20).

E doktrina di Cristo ta yuda nos haña i keda riba e kaminda di kombenio, i e evangelio ta dispuesto di e manera ku e bendishonnan primintí dor di Señor ta wòrdu risibí pa medio di e ordenansanan i kombenionan. E profeta di Dios, Presidente Russell M. Nelson a amonestá nos den su transmishon na televishon dia 16 di yanüari 2018, pa “mantené riba e kaminda di kombenio” Bo kompromiso pa sigui e Salbador dor di hasi kombenionan ku n’E i despues warda e kombenionan aki lo habri e portanan di kada bendishon spiritual i privilegio disponibel pa hòmber, muhé, i muchanan tur kaminda. … E final pa kiko kada un di nos ta hasi esfuerso ta pa wòrdu investí ku poder den un kas di Señor, seya komo famianan, fiel na kombenionan ku a wòrdu hasí den un tèmpel ku ta kualifiká nos pa e don mas grandi di Dios—esun di bida eterno” (“As We Go Forward Together,” Liahona, Apr. 2018, 7).

Dios lo no bandoná Su relashon ku, òf sin Su bendishonnan primintí di bida eterno di, kualkier fiel wardadó di kombenio. I ora nos hinra nos kombenionan sagrado, nos ta wòrdu halá mas serka e Salbador. Elder David A. Bednar a siña ayera ku kombionan i ordenansanan di evangelio ta funshoná den nos bida manera un kompas pa duna nos direkshon kardenal pa bini na Cristo i bira mas manera E.

Kombenionan ta marka e kaminda pa bai bèk ku Dios. E ordenansanan di boutismo i risibí e don di Spiritu Santu, ordenansa di saserdosio, i e Santa Sena ta guia nos na e tèmpel di Señor pa partisipá di Su ordenansanan di eksaltashon.

Lo mi kier menshoná dos kos ku nos Salbador ta enfatisá pa yuda nos warda e kombenionan ku fidelidat:

  1. Spiritu Santu, E lo siña nos i hasi nos kòrdá tur loke e Salbador a siña nos, i keda ku nos pa sèmper (wak Juan 14:16, 26). E por ta nos kompañero konstante pa guia nos riba e kaminda di kombenio. Presidente Russell M. Nelson a siña nos ku “den e dianan ku ta bini, lo no ta posibel pa sobreviví spiritualmente sin guia, direkshon, konsuelo, i influensia konstante di e Spiritu Santu” (“Revelashon pa e Iglesia, Revelashon pa Nos Bida,” Liahona, mei 2018, 96).

  2. E Salbador a instituí e ordenansa di e Santa Sena, pa nos sèmper kord’É i tin Su Spiritu huntu ku nos. Boutismo ta habri e porta pa bida eterno, i e Santa Sena ta yuda nos sigui bai dilanti ku firmesa riba e kaminda di kombenio. Ora nos tuma e Santa Sena, e ta un testimonio pa e Tata ku sèmper nos lo kòrda Su Yu. I ora nos sèmper Kord’É i warda Su mandamentunan, nos lo tin Su Spiritu ku nos. Agregá na e promesa aki, Señor ta renová e remishon di pika primintí ora nos arepentí humildemente di nos pikanan.

Ora nos permanesé fiel na nos kombenionan, nos mester hasi nos esfuerso pa sèmper tin e Spiritu pa prepará nos pa partisipá dignamente di e Santa Sena, i den mesun rosea, nos mester partisipá regularmente di e Santa Sena pa nos sèmper tin e Spiritu ku nos.

Ora nos yu muhé tabata tin sinku aña, e tabata tin un outo di bateria i e tabata stima kor’é rònt di e kas. Un anochi, e a bini serka mi i a bisa, “Papa, mi outo no ta kore mas. Nos por tuma un tiki di e gasolin di bo outo i but’e na dje asina e por kore atrobe? Porta e mester gasolin manera bo outo pa e kore.”

Mas lat mi a opservá ku e energia di e bateria tabata abou, eorei mi a bisa ku nos por logra pa e kore den mas o ménos un ora. Ku hopi entusiasmo, e a bisa, “Si! Nos lo hib’é na e pomp di gasolin.” Mi a simplemente konektá e bateria na un fuente di koriente pa e karga, i despues di un ora e por a kore e outo, alimentá pa e bateria kargá. Despues e a siña ku ta importante pa sèmper rekargá e bateria pa medio di konekt’é na un fuente di koriente.

Komo nos yu muhé a siña e relashon entre e bateria i e poder di kore su outo di hunga, asina nos ta siña tokante JesuCristo, e sakramento, i e Spiritu. Nos mester e Spiritu pa yuda nos nabegá dor di mortalidat ora nos ta warda e kombenionan fielmente, i nos mester e Santa Sena pa duna nos parti spiritual energia. Renovando nos kombenio di boutismo i partisipando di e Santa Sena ta hiba e fidelidat na tur sobrá kombenionan. Un final felis ta sigurá si nos studia i honrá ku orashon e invitashon di e Salbador i disfrutá di Su bendishonnan primintí. E a bisa, “Pa nos por mantené nos kompletamente sin mancha for di e mundu, nos mester bai e kas di orashon i ofresé nos sakramentunan riba su dia santu” (Doctrina y Convenios 59:9).

Mi ta testifiká ku esnan ku ta warda e kombenionan ta wòrdu primintí pas den e mundu aki i bida eterno den e mundu siguiente” (Doctrina y Convenios 59:23). Mi ta duna testimoio ku si boso partisipá regularmente di e emblemanan di e Salbador pa medio di e Santa Sena, boso lo tin Su Spiritu pa guia boso riba e kaminda di kombenio i keda fiel na boso kombenionan. Den e nòmber di JesuCristo, amèn.