Awor Ta e Ora
Awor ta e ora ku nos por siña. Awor ta e tempu pa nos arepentí Awor ta e tempu pa nos arepentí
Mi rumannan stimá, e konferensia aki tabata históriko na diferente manera. Nos a wòrdu bendishoná ku e orashonnan, mensahenan, i músika. Nos a wòrdu inspirá pa sievonan di Señor
Nos a haña direkshon importante pa e futuro. Mi orashon ta ku e Spiritu a papia ku boso direktamente tokante kosnan ku Señor ke pa boso hasi.
E futuro semper ta insigur. Wer ta kambia. Siklo Ekonómiko ta impredisibel. Desasternan, guera, aksidentenan, i malesa por kambia bida hopi lihé. E akshonnan aki ta pa un gran parti for di nos kontròl. Pero tin algun kos ku nos por kontrolá, inkluyendo kon nos ta dediká nos tempu kada dia.
Mi gusta e poema aki di Henry Van Dyke, publiká riba un oloshi di solo na Wells College na New York. Tin skirbí:
E sombra dor di mi dede a proyektá
A dividí e futuro for di pasado:
Promé ku esaki, e ora benidero a drumi
Den skuridat, i for di kontròl
Tras di su liña e no ta regresá,
E ora ku ta pasa, ya no ta di bo:
Un ora so a den bo mannan,—
E AWOR riba kual e sombra ta lusa.1
Si, nos mester siña di e pasado, i si, mester prepará pa e futuro. Pero solamente awor nos por hasi. Awor ta e ora ku nos por siña. Awor ta e tempu pa nos arepentí Awor ta e tempu ku nos por bendishoná otronan i “lanta e mannan ku ta kologá abou.”2 Manera Mormon a konsehá su yu Moroni, “laga nos traha ku diligensia; … pasó nos tin trabou pa hasi [miéntras] nos ta den e tabernákulo di klei aki, pa nos vense e enemigu di tur hustisia, i deskansá nos almanan den e reino di Dios.”3
E atversario nunka no ta drumi. Semper lo bai tin oposishon di e bèrdat. Mi ta ripití mi enkargo di awe mainta pa hasi e kosnan ei ku lo krese bo impulso spiritual positivo, ku lo lanta Elder Dieter F. Uchtdorf tabata papia di dje, pa tene bo pa sigui dilanti dor di kua desafio ku ta i oportunidat ku ta bin.
E impulso spiritualmente positivo ta krese ora nos ta adorá den tèmpel i krese den komprondementu di e hanchu i profundidat di e bendishonnan ku nos ta risibí einan. Mi ta roga ku boso pa kontrarestá e kaminda di mundu dor di enfoká riba e benishonnan eterno di tèmepel. Bo tempu aki ta trese bendishon pa eternidat.
Segun Iglesia ta krese, nos ta lucha pa mantené e mesun paso dor di konstruí mas tèmpel. Kuarentikuater tèmpel nobo ta aktualmente bou di konstrukshon, Hopi ta wòrdu renobá. Mi ta resa pa e profeshonalnan ku ta traha riba e proyektonan aki rònt mundu.
Den spiritu di orashon di gratitut, mi tin e plaser pa anunsiá nos plannan pa konstruí un tèmpel nobo den kada un di e lugánan ku ta sigui: Wellington, Nueva Zelandia; Brazzaville, Republika di e Congo; Barcelona, Spaña; Birmingham, Reino Uni; Cusco, Peru; Maceió, Brazil; Santos, Brazil; San Luis Potosí, Mexico; Mexico City Benemérito, Mexico; Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; i Modesto, California.
E 17 tèmpelnan aki lo bendishoná un kantidat inumerá di bidanan ambos banda di e velo. Mi ta stima boso, mi kerido rumannan. Mas importante ta ku, Señor ta stima boso. E ta bo Salbador i Redentor. E ta guia Su Iglesia. Ku nos por ta hendenan digno di Señor, ku a bisa, “Boso lo ta mi pueblo, i Mi lo ta boso Dios.”4
Pa esaki mi ta hasi orashon den e nòmber sagrado di JesuCristo, amèn.