Trapi di Fe
Keda sin kere ta blòkia nos abilidat pa mira milagernan, kaminda un mentalidat di fe den JesuCristo ta desblokia e podernan di shelu.
Kon e reto nan di bida lo afektá nos fe den JesuCristo? I ki efekto nos fe lo tin riba e goso i pas ku nos ta eksperensiá den e bida aki?
Tabata aña 1977. E telefon a rin, i e mensahe a parti nos kurason for di otro. Carolyn i Doug Tebbs tabata den e proseso pa muda pa nan kas nobo despues di a gradua. E qurum di elder a bin pa yena e vèn ku ta hiba e kosnan. Doug a wak lastu biaha patras pa ta sigur ku e kaminda tabata bashí promé ku e bek sali. Loke e no por a mira ta su yu muhé chikí, Jennie, skondí patras di e trùk na djis e mal momentu. Den un instante nan Jennie stimá a bai.
Kiko lo bai pasa despues? E doló tan profundo ku nan a sinti i e sintimentu inimaginabel di pèrdida lo krea un abismo irekonsiliabel entre Carolyn i Doug, òf e lo di un manera òf otro mara nan kurasonnan na otro i hasi nan fe sólido den e plan di Tata Selestial?
E kaminda dor di nan aflikshonnn tabata largu i doloroso pero di algun parti a bin reservanan spiritual pa no pèrdè speransa pero pa “keda den [nan] kaminda.”1 Di algun manera e pareha inkreibel aki a bira ainda mas manera Cristo. Mas komprometí. Yen di kompashon. Nan tabata kere ku Dios segun Su tempu lo konsagrá nan aflikshonnan pa nan benefisio.2
Maske e doló i e pèrdida lo no i no por bai kompletamente, Carolyn i Doug a sinti nan mes konsolá ku e siguridat ku si nan mantené nan mes firme den e kaminda di kombenio, nan Jennie stima lo ta di nan pa semper.3
Nan ehëmpel a fortalesé mi fe den e plan di Señor. Nos no ta mira tur kos. E si. Señor a bisa Jose Smith den e prizon di Liberty ku “tur e kosnan aki lo sirbi bo komo eksperensia, i lo ta pa bo bon. E Yu di Hende a desendé bou di nan tur. Abo ta mas grandi ku ne?”4
Si nos aseptá Señor Su boluntat, E ta siña nos kon pa kana ku nÉ.5 Komo misionero yòn sirbiendo na Tahiti, a pidi Mi pa duna bendishon na un baby malu. Nos a pone nos man riba su kabes i a bendishon’é pa rekuperá. Su salu a kuminsá mehorá, pero despues el a bolbe bira malu. Nos a bendishon’é un di dos biaha pero ku mesun resultado. Un di tres petishon a bin. Nos a roga Señor pa hasi Su boluntat. Un poko despues, e spiritu chikitu aki a regresá bek na su hogar Selestial.
Pero nos tabatin pas. Nos tabata ke pa e baby biba, pero Señor tabata tin otro plannan. Aseptando Su boluntat na lugá di esun di nos ta e yabi pa haña goso no opstante nos sirkunstanshanan.
E simpel fe ku nos tin den JesuCristo ora ku nos a kuminsá siña di DjE pa promé biaha por permanesé den nos kurason segun nos ta konfrontá reto nan di bida. Nos fe den DjE por i lo guia nos durante e komplikashon nan di bida. Di bèrdat, nos lo haña sa ku tin simplisidat na e otro banda di e komplikashon nan di bida6 si nos permanesé “[firme] den Cristo, ku un brio perfekto di speransa.”7
Parti di e propósito di bida ta pa permití e opstákulonan ku potensial aki wòrdu kombertí den tre nan pa ora nos ta subi e loke Ami ta yama e “trapi di fe.”un trapi pasó e ta sugerí ku fe no ta státiko. E por bai abou òf ariba di akuerdo ku e eskohonan ku nos hasi.
Segun nos ta lucha pa krese fe den Señor, e ta posibel ku nos por keda sin komprondé Dios Su amor pa nos kompletamente i nos por obedesé Su leinan dor di un sintimentu di obligashon. Kulpa por asta bira e promé kos ku ta motivá nos na lugá di amor. Kisas no a ekperensiá un konekshon real ku E ainda.
Segun nos ta buska pa oumentá nos fe, nos por wòrdu konfundí ku loke Santiago a siña. El a rekordá nos ku “fe sin obra ta morto.”8 Nos por trompeká si nos pensa ku tur kos ta dependé di nos. Muchu dependensia riba nos mes por impedí nos abilidat pa yega na e podernan di shelu.
Pero segun nos ta hala mas serka di e berdadero fe den JesuCristo, nos mentalidat ta kuminsá kambia. Nos ta rekonosé ku obediensia i fe den e Salbador ta kualifiká nos pa tin Su Spiritu semper huntu ku nos.9 Obediensia no ta iritante mas pero ta bira un búskeda.10 Nos ta rekonosé ku obediensia na Dios Su mandamentunan ta permití nos pa wòrdu konfia dor di DjE. Ku su konfiansa ta bin mas lus. E lus aki ta guia nos biahe i ta permití nos wak mas kla e kaminda ku nos mester skohe.
Pero tin mas. Segun nos fe den e Salbador oumentá, nos ta opservá un kambio sutil ku ta inkluí un komprendementu divino di nos relashon ku Dios—un movishon stabil mas aya for di “Kiko Ami kier? pa “Kiko Dios ke?” Manera e Salbador, nos kier aktua “no manera Ami kier, pero manera abo ke”11 Nos ke hasi Dios Su obra i ser un instrumento den Su mannan.12
Nos progreso ta unu eterno. Presidente Russell M. Nelson a siña ku tin asina tantu mas ku Tata Selestial kier pa nos sa.13 Segun nos ta progresá, nos ta komprondé mas mihó kiko Señor a siña Jose Smith: “Pasó si boso warda mi mandamentu nan boso lo risibí Su plenitut i wòrdu glorifiká den mi; … Mi ta bisa boso, boso lo risibí grasia riba grasia.”14
Kon haltu nos ta subi e trapi di fe ta nos desishon. Elder Neil L. Anderson a siña ku, “fe no ta pa kasualidat pero un eskoho.”15 Nos por skohe pa hasi e eskohonan nesesario pa oumentá nos fe den e Salbador.
Konsiderá e impakto di [e eskohonan hasi ora Laman i Lemuel a baha e trapi di fe miéntras Nefi a subi mas haltu. Tin un interpretashon mas kla ku e diferensha entre Nefi su reakshon di “Mi ta bai i hasi”16 versus Laman i Lemuel, ku a kaba di mira un angel, respondiendo “Kon por ta posibel ku Señor lo libra nos?”17
Keda sin kere ta blòkia nos abilidat pa mira milagernan, kaminda un mentalidat di fe den JesuCristo ta desblokia e podernan di shelu.
Asta ora ku nos fe ta debil, e man di Señor semper lo wòrdu ekstendé. 18 Hopi aña pasá mi a risibí e tarea pa reorganisá un estaka na Nigeria. Na lastu momentu tabatin un kambio den e fecha. Tabatin un hòmber den e estaka ku a disidí pa sali for di siudat e promé dia di konferensha. E no tabata kier a riska pa wòrdu yama komo e presidente di estaka.
Ora ku e tabata afó, el a hañ’é den un aksidente teribel, pero el a sali ileso. Esaki a pone konsiderá dikon su bida a wòrdu salba. El a revisá e desishon ku el a tuma. El a arepentí i a asistí humildemente na e fecha nobo di konferensia. I si, el a wòrdu yama pa ta e presidente di estaka nobo.
Elder Neal A. Maxwell a siña: “Solamente ora nos konkordá nos boluntatnan ku esun di Dios por haña felisidat kompletu. Kualkier kos ménos ta resultá den un porshon ménos.”19
Despues di hasi “tur kos ku ta na nos alkanse,”e ora ei ta tempu pa para ketu … pa wak e salbashon di Dios.”20 Mi a mira esaki ora ku mi tabata sirbi komo maestro ministrante na e famia McCormick. Kasá pa 21 aña, Mary Kay a sirbi fielmente den su yamamentu nan. Ken no tabata miembro di Iglesia i no tabatin interes pa bira un [miembro], pero e tabata stima su kasa i a skohe pa asistí na iglesia ku ne.
Un djadumingu mi a sinti e impreshon pa kompartí mi testimonio ku Ken. Mi a puntr’é si mi por hasié. Su kontesta tabata simpel i kla: “No, danki.”
Mi tabata asombrá. Mi a sinti un inspirashon i a purba pa siguié. E tabata tentador pa disidí ku mi a hasi mi parti. Pero despues di un orashon i reflekshon. mi por a mira ku ounke mi intenshon tabata korekto, mi a dependé muchu hopi riba mi mes i hopi tiki riba Señor.
Despues mi a regresá. pero ku un mentalidat diferente. Lo mi bai simplemente komo un instrumento den Señor Su mannan, ku niun otro deseo di sigui e Spiritu. Huntu ku mi kompañero fiel, Gerald Cardon, nos a kana drenta e kas di McCormick huntu.
Poko despues, mi a sinti e inspirashon pa invitá Gerald pa kanta “Yo se que vive mi señor.”21 El a wak mi ku un mirada straño, pero ku konfiansa den mi fe el a hasié. Un spiritu bunita a yena e kamber. E inspirashon a bin pa invitá Mary Kay i Kristin, nan yu muhé, pa kompartí nan testimonio. Ora ku nan a hasi esei, e Spiritu a krese mas fuerte. Defakto, despues di Kristin su testimonio, lágrimanan tabata basha bou for di Ken su bandanan di kara.22
Dios a tuma ofer. Kurasonnan no a wòrdu solamente toká pero kambiá pa semper. Bintiun aña di inkredulidat a wòrdu laba pa e poder di e Spiritu Santu. Un siman despues Ken a batisá. Un aña despues Ken i Mary a wòrdu seyá den e kas di Señor pa tempu i pa tur eternidat.
Huntu nos a eksperensiá kiko e tabata nifiká pa reemplasá nos boluntat pa Señor Su boluntat, i nos fe den E ta oumentá.
Por fabor konsiderá un par di pregunta hasí dor di Dios Su profetanan santu segun bo ta lucha pa subi e trapi di fe:
Mi ta kitá di orguyo?23
Mi ta duna espasio den mi kurason pa e palabra di Dios?24
Mi ta permití mi pruebanan wòrdu konsagrá pa mi benefisio?25
Mi ta dispuesto pa laga mi boluntat wòrdu gulí den e boluntat di e Tata?26
Si mi a sinti pa kanta e kantika “redeeming love”, Mi por sinti asina awor aki?27
Mi ta laga Dios prevalesé den mi bida?28
Si bo deskubrí bo kaminda aktual den konflikto ku bo fe den e Salbador, e or’ei por fabor buska bo kaminda bëk na DjE. Bo eksaltashon i esun di bo desendientenan ta dependé di dje.
Laga nos planta e simia di fe profundo den nos kurason. Laga nos nutri e simia nan aki segun nos ta uni nos mes na e Salbador dor di honra e konvenionan ku nos a hasi ku E. Den e nòmber di JesuCristo, amèn.