E Lus di Evangelio di Bèrdat i Amor.
Mi ta testifiká ku e lus di evangelio di e bèrdat i e amor, ta bria rònt mundu awe.
E bunita himno di e Santunan di e Delaster Dianan “La luz de la verdad” ta kapturá inekibokabelmente e entusiasmo i animashon di e plenitut di evangelio ku ta yega na henter mundu. Den e himno nos ta kanta:
¡Oíd naciones! La voz del cielo ya escuchad
¡A través de todas las tierras para que todos se regocijen!
Ángeles de gloria gritan el refran:
La verdad se restauró otra vez1
Louis F. Mönch, e outor di e alegre teksto aki, tabata un komberso Aleman ku a skibi e palabranan inspirá di e himno mientras e tabata biba na Suiza, durante su servisio misional na Europa.2 E alegria ku ta bula ora di presensiá e impakto global di e restaurashon por wòrdu klaramente tendé na e siguiente palabranan di e himno:
Danki na e kuminsamentu di e restourashon un tiki mas ku 200 aña pasá, “e lus di e evangelio di bèrdat i amor”4 awor ta bria intensamente riba tera. E profeta Jose a siña na 1820, i miones mas a siña for di e dia ei, ku Dios “Kende ta duna na tur hende generosamente i sin reproche.”5
Tempu despues di e organisashon di e Iglesia na e dèlastèr dispensashon aki, Señor a papia ku Jose Smith i a manifestá Su abundante amor pa nos ora El a bisa:
“P‘esei, Ami e Señor, sabiendo e kalamidatnan ku lo bin riba e habitantenan di e mundu, a yama mi siervo José Smith yu, i a papia ku ne di shelu, i a dun‘é mandamentunan; …
“Pa Mi kombenio sempiterno por wòrdu estables◙;
“Pa e plenitur d Mi evangelio por wòrdu proklamá paesnan suak i simpel pa e fin di mundu.”6
Despues di a risibí e revelashon aki,misioneronan a kuminsá wòrdu yama i manda na hopi nashon di mundu. Manera e profeta Nefi a antisipá, e mensahe di e evangelio restourá lo kuminsá wòrdu prediká “entre tur nashon, tribu, lenga i pueblo.”7
“E iglesia di JesuCristu di e Santunan di e Delaster Dianan a wòrdu formalmente organisá den un kabaña chikitu di palu na e parti norte di New York na 1830.
“El a tuma 117 aña, —te na1947—pa e Iglesia por a krese di e seis miembronan inisial te un mion. E misioneronan tabata un karákteristika di e Iglesia for di su promé dianan, plamando na e teranan di e nativonan Merikano, na Canadá i, na 1837, mas leu ku e kontinente di Nort Amérika te Inglatera. No hopi despues, e misioneronan tabata trahando na e kontinente Oropeo i na lugánan hopi leu manera India i e islanan di Pasifiko.
“E marka di e di dos mion miembron a wòrdu lográ djis 16 aña despues, na 1963, i e marka di tres mion den ocho añamas.”8
Suprayando e apides ku e Iglesia a krese, Presidente Russell M. Nelson resientemente a bisa: “Awe, e obra di Señor den E Iglesia di JesuCristo di e Santunan di e Delaster Dianan ta bayendo dilanti riba un ritmo hopi aselerá. E Iglesia lo tin un futuro èkstraordinario i inkomparabèl.”9
E Restourashon di e plenitut di e evangelio di JesuCristu , e organisashon di e Iglesia bibiente di Señor riba tera di nobo i su notabèl kresementu for di e tempu ei, a hasi ku e bendishonnan di saserdosio ta disponibèl rònt mundu. E ordenansanan i e kombenionan sagrado ku ta uni nos na Dios i ta pone nos riba e kaminda di e kombenionan ta manifestá klaramente “e poder di piedat.”10 Ora nos partisipá di e ordenansanan sagrado aki pa e bibunan i pa e mortonan, nos ta reuní Israel na tur dos banda di e velo i nos ta prepará e tera pa e di dos benida di e Salbador.
Na Aprel 1973, mi mayornan i ami a biahá for di nos [pais] natal Argentina pa nos wòrdu seyá den e tèmpèl. Debí ku no tabata tin tèmpel den henter Latino Amerika na e momentu ei, nos a bula mas ku 6,000 mia (9,700 km) pa ida i bueltai pa nos wòrdu seyá den e tèmpèl di Salt Lake. Ounke mi tabata tin dos aña só na e momentu ei i mi no ta kòrda henter e eksperiensia speshal ei, tres imagen hopi diferente di e biahe ei a wòrdu grabá den mi mente i a keda den mi mente te ku awe.
E promé, mi ta kòrda di mester a sintá serka di e bentana di e avion i mi a mira e nubianan blanku abou.
Enubianan bunita i briante a keda den mi mente manera ku nan tabata balanan gigante di katuna.
Otro imagen ku a keda den mi mente ta un di e personahenan prèt di un parke di dibershon den e area di Los Angeles. E personahenan ei ta difisil pa lubidá.
Pero di hopi mas importansia ta e briante i inolbidabèl imágen aki:
Mi ta kòrda klaramente di ta den un sala sagrado di e tèmpèl di Salt Lake kaminda seyamentunan di parehanan i famianan ta wòrdu efektuá pa tempu i pa tur eternidat. Mi ta kòrda e bunita altar di e Tèmpèl i e lus di solo briante ku tabata drenta a trabes di e bentana eksterior di e kamber. E tempu ei mi a sinti, i mi ta sigui sinti for di e tempu ei, e kalor, e seguridat i e konsuelo di e lus di evangelio di bèrdat i amor.
Mesun sentimentu a wòrdu reafirmá den mi kurason 20 aña despues, ora mi a drenta den tèmpèl pa wòrdu seyá un biaha mas, e biaha aki pasó mi prometida i ami a wòrdu seyá pa tempu i pa tur eternidat. Sinembargo, e biaha aki, nos no mester a biaha miles di mia pasó for di e tempu ei e tèmpel di Buenos Aires a wòrdu konstruí i dediká, i e tabata na poko distansia ku outo for di nos hogar.
Bintidos aña despues di nos kasamentu i seyamentu, nos tabata tin e bendishon di bai na e mesun tèmpel bèk, pero e biaha aki ku nos bunita yu muhé, i nos a wòrdu seyá komo famia pa tempu i pa tur eternidat.
Ora mi ta reflekshoná riba e momentunan aki, ku ta hopi sagrado den mi bida, mi a sinti mi mes hundí den un profundo i duradero alegria. Mi a sinti i te ainda mi ta sinti e amor di un Tata Selestial yen di kompashon, ku konosé nos nesesidatnan individual i nos deseonan mas sinsero.
Papiando di e rekohimentu di Israel den e delaster dianan, Señor Yehova a bisa, “Lo Mi pone Mi lei den nan i lo Mi skirbié riba nan kurason; i Ami lo ta nan Dios i nan lo ta Mi pueblo.”11 Mi ta sinti mi mes eternamente gradisí, ku for di tempu mi tabata yòn lei di Señor a kuminsá graba profundamente den mi kurasón mediante e ordenansanan sagrado na Su kas Santu. Kon fundamental ta pa sa ku E ta nos Dios, ku nos ta Su pueblo i ku, kiko ku e sirkunstansianan ku ta rondoná nos lo tá, si nos ta fiel i nos ta obedesé e kombenionan ku nos a sera, nos lo por ta “rondoná eternamente den e brasanan di su amor.”12
Durante e sesion di hende muhé di e konferensia general na òktober 2019, presidente Nelson a bisa, “Tur nos esfuersonan pa ministrá un pa otro, proklamá e evangelio, perfekshoná e Santunan i redimí e mortonan ta kondusí na e santu tèmpèl.”13
Tambe, durante e mesun konferensia general, presidente Nelson a siña: “Naturalmente ku, e goya supremo di e restourashon ta e santu tèmpel. Su ordenansanan i kombenionan sagrado ta fundamental pa prepará e pueblo ku ta klá pa risibí e Salbador den Su di dos Benida.”14
E restourashon aktivo a wòrdu karakterisá pa e konstrukshon i dedikashon di e tèmpelnan na un ritmo aselerá. Miéntras nos reuní na tur dos banda di e velo, mientras nos ta hasi sakrifisionan pa sirbi i hasi di e tèmpèl algu fundamental den nos bida, Señor realmenta ta edifiká nos—E ta edifiká Su pueblo di kombenio.
Oh, kon glorioso for di e trono ariba
E lus di evangelio ta bria di e bèrdat i amor!
Briante manera solo, e rayo selestial aki
Ta iluminá tur tera awe.15
Mi ta testifiká ku e lus di evangelio di e bèrdat i e amor, ta bria rònt mundu awe. E “obra marabioso i un milagèr” profetisá pa e profeta Isaias16 ku a wòrdu mirá pa Nefi 17 ta tumando lugá na un ritmo lihé, asta den e tempunan difisil aki. Manera José Smith profétikamente a deklará, “E estandarte di e bèrdat a wòrdu konstruí: niun man profano por detené e progreso di e obra, te ku e propositonan di Dios wòrdu kumplí, i e gran Jehová bisa ku e obra ta kla.”18
Rumannan, ku ta dispuesto i ta dediká awe na nos mes i na nos famia pa skucha e stèm di shelu, esta e stèm di nos Salbador. Pa nos por hasi i warda kombenionan ku Dios, ku ta sigurá firmemente den e kaminda ku ta guia nos bèk na Su presensia, i pa nos regosihá na e bendishon nan di e glorioso lus i e bèrdat di Su evangelio. Den nòmber di JesuCristo, amèn.