Digital Lamang: Mga Service Mission
Walang Dalawang Mission na Parehong-Pareho
Ito ang gawain ng Panginoon—lahat ay may kakaibang papel dito.
Naglingkod ako nang walong buwan bilang teaching missionary sa Los Angeles, California, bago ako lumipat sa isang service mission sa Utah. Sa kabila ng iba’t ibang assignment, alam ko na ang calling na magmisyon at tulungan ang iba na lumapit kay Cristo ay pareho lang.
Ano ang Tingin Ko Dito
Bawat missionary ay naglilingkod sa kakaibang mga assignment o tungkulin, kaya walang dalawang iskedyul ang parehong-pareho. Naglilingkod ako sa apat na magkakaibang service site linggu-linggo.
Naglilingkod ako sa bishop’s storehouse minsan sa isang linggo. Tumutulong ako sa pag-iimpake ng mga order ng pagkain para sa mga pamilyang nangangailangan, at nag-aalok ako ng kapanatagan sa lahat ng pumapasok sa mga pintuan. Nagbo-volunteer din ako sa isang free clinic bilang interpreter at patient technician. Tumutulong ako sa pag-check in ng mga pasyente, nagsasalin para sa mga nagsasalita ng Espanyol, at natututo ng mga pamamaraan mula sa hindi napakahuhusay na mga doktor.
Kapag wala ako sa clinic, gumagawa akong kasama ng magazine team sa Para sa Lakas ng mga Kabataan. Gustung-gusto kong naririnig ang mga kabataan. Ang kanilang patotoo ay nagpapalakas sa sarili kong patotoo! Tuwing Sabado, naglilingkod ako bilang temple worker.
Ang kakaiba tungkol sa mga service mission ay na pinapayagan ka nitong gamitin ang iyong libreng oras saan ka man kailangan ng Panginoon. Para sa akin, may mga araw na ang ibig sabihin niyan ay pagsama sa mga missionary na magturo ng lesson, o pag-volunteer sa isang animal shelter sa lugar. Sa ibang mga araw, ibig sabihin nito ay pag-uukol ng oras sa aking pamilya o pagbisita sa isang taong nangangailangan ng suporta.
Mga Pagpapala sa Paglilingkod Bilang Missionary
Ang misyon ko ay ang lahat-lahat sa akin. Hindi ko inakala na magkakaroon ako ng pagkakataong maglingkod sa napakaraming paraan—lalo na sa araw-araw. Bawat isa sa mga assignment ko ay nagdulot sa amin ng pamilya ko ng napakaraming pagpapala. Nagpapasalamat ako na patuloy akong nagkakaroon ng mga bagong kakilala at nakakabuo ng mga bagong pakikipagkaibigan.
Alam ko na inilalagay tayo ng Diyos sa mga lugar kung saan tayo kailangan. Kilala Niya ang bawat isa sa atin sa kakaibang paraan at binibigyan tayo ng mga pagkakataong umunlad kung paano Niya tayo kailangang umunlad. Ito ang Kanyang gawain—lahat ay may kakaibang paraan para gawin ito.