Paggamit sa Giya
Tabang gikan sa Hingpit nga Tinubdan
Bisan unsa pa nga mga panglimbasog ang imong atubangon, si Jesukristo motabang kanimo samtang ikaw modangop ngadto Kaniya.
Ang Sundanan, ni Jeanette Borup
Sa usa ka higayon o sa laing higayon kitang tanan nagkinahanglan og gamay nga tabang. Usahay daghang tabang. Ang tinuod mao nga, ang kinabuhi kasagarang mas maayo kon dili nimo sulayan nga mag-inusara.
Si Jesukristo mao ang imong hingpit nga tinubdan sa tabang, paglaom, ug kalig-on. Makatabang usab siya sa pagbag-o kanimo alang sa mas maayo—tingali bisan sa mga paagi nga wala nimo gihunahuna nga posible.
Usa ka Kausaban sa Kasingkasing
Nakasulay ka na ba nga nag-ampo nga ang Dios mopahumok sa mga kasingkasing sa imong mga kaaway? Kon mao, nakauban ka sa maayong mga tawo (tan-awa sa 3 Nephi 12:44; Moroni 7:48). Bisan kon wala kay mga kaaway sa samang kahulogan nga anaa sa Basahon ni Mormon (di ba, mga kaaway nga armado og mga hinagiban ug andam nga moatake), tingali nag-ampo ka nga pahumokon sa Dios ang kasingkasing sa usa ka tawo nga walay maayong pagtagad nimo.
Apan nakahunahuna ka na ba sa pag-ampo ug paghangyo sa Dios nga pahumokon ang imong kasingkasing? Tingali naglisod ka sa pagpasaylo sa usa ka tawo. O kanunayng dili makapugong sa imong kasuko, bisan kon dili nimo gusto. O gusto nimo nga mobati og dugang pagkamabination ngadto sa imong mga igsoon bisan kon sa tinuod ila kang surangsurangon usahay.
“[Si Jesukristo] mobag-o sa inyong kasingksaing ug sa inyong kinabuhi. Sa ginagmay nga paagi, kamo molambo ug mas mahisama Kaniya. Ang inyong koneksiyon sa pakigsaad uban Kaniya makahatag kaninyo og mas dakong access sa Iyang gahom”(Alang sa Kalig-on sa mga Kabatan-onan: Usa ka Giya sa Paghimo og mga Pagpili. [2022], 8).
Dili ba dako kana nga saad? Bisan unsa pa ang imong gipakigbisogan, bisan ang imong kaugalingong kasingkasing, si Jesukristo makatabang. Unsaon nimo sa pagdangop ngadto Kaniya karon?