Mga Tingog sa Kabatan-onan

Dili Sama sa Uban

Luis V., edad 16, Guatemala Department, Guatemala

Ganahan nga mag-piano ug magporma og mga Lego.

Paghulagway pinaagi ni Adam Howling

Ang mga batan-on karon adunay daghang mga tintasyon, sama sa ubang piho nga mga uso, ubang dili maayo nga matang sa social media ug musika, dili angay nga pinulongan, ug alkohol ug mga droga. Ang akong mga klasmeyt sa eskwelahan walay daotang tuyo, apan usahay ila kong dapiton nga sulayan kining mga butanga.

Kinahanglan kong makat-on og balibad. Sa dihang nakaila na ang akong mga klasmeyt nako, nakaamgo sila nga dili ko sama sa uban. Nakuha nako ang ilang pagtahod pinaagi sa pagpakita nila nga pwede ra ko nga mahimong normal nga tin-edyer nga dili kinahanglang mogamit og bati nga sinultihan o pamatasan.

Isip mga batan-on, kinahanglang modangop kita sa Langitnong Amahan kada adlaw ug mangayo sa Iyang tabang. Kinahanglan natong hinumdoman kanunay ang gitudlo kanato. Kinahanglan natong ipakita nga kita mga miyembro sa Ang Simbahan ni Jesukristo sa mga Santos sa Ulahing mga Adlaw. Imbes nga maimpluwensyahan sa uban, kinahanglan natong impluwensyahan ang uban aron magbag-o. Makapauswag kana sa kalibotan.