« តើហេតុអ្វីបានជាយើងត្រូវធ្វើពិធីបុណ្យជ្រមុជទឹកឲ្យបុព្វការីជនដែលបានចែកឋានទៅហើយ ? » ដើម្បីកម្លាំងនៃយុវជន ខែ កញ្ញា ២០២៣ ។
ចំគោលដៅ
តើហេតុអ្វីបានជាយើងត្រូវធ្វើពិធីបុណ្យជ្រមុជទឹកឲ្យបុព្វការីជនដែលបានចែកឋានទៅហើយ ?
ព្រះយេស៊ូវគ្រីស្ទបានបង្រៀនថា មនុស្សទាំងអស់ត្រូវតែទទួលពិធីបុណ្យជ្រមុជទឹកដើម្បីចូលទៅក្នុងនគររបស់ព្រះបន្ទាប់ពីជីវិតនេះ ( សូមមើល យ៉ូហាន ៣:៥ ) ។ ប៉ុន្តែមនុស្សជាច្រើនមិនមានឱកាសនោះទេ ។
ព្រះបានបង្ហាញថាអស់អ្នកទាំងឡាយណាដែលបានចែកឋានទៅហើយ ដែលមិនបានទទួលពិធីបុណ្យជ្រមុជទឹកអាចទទួលដំណឹងល្អរបស់ព្រះយេស៊ូវគ្រីស្ទ ដែលបានផ្សាយដល់ពួកគេនៅក្នុងពិភពវិញ្ញាណបាន ( សូមមើល ពេត្រុស ទី ១ ៣:១៨-១៩; គោលលទ្ធិ និង សេចក្តីសញ្ញា ១៣៨:៣០-៣៣ ) ។ ទ្រង់ក៏បានបង្ហាញថា អ្នកដែលនៅរស់អាចទទួលបុណ្យជ្រមុជទឹកជំនួសឲ្យមនុស្សទាំងនេះបាន ( សូមមើល កូរិនថូសទី១ ១៥:២៩; គោលលទ្ធិ និង សេចក្តីសញ្ញា ១២៤; ១២៨ ) ។ ពិធីបុណ្យជ្រមុទឹកទាំងនេះដាច់ខាតត្រូវតែធ្វើនៅទីនេះនៅលើផែនដី ។
យើងអាចស្រាវជ្រាវរកកំណត់ត្រារបស់បុព្វការីជនដែលបានចែកឋានទៅ ហើយធ្វើពិធីបុណ្យជ្រមុជទឹកឲ្យពួកគាត់នៅក្នុងព្រះវិហារបរិសុទ្ធ ។ ការណ៍នេះផ្តល់ឱកាសដល់ពួកគាត់ដើម្បីទទួលយកពិធីបុណ្យជ្រមុជទឹកដែលចាំបាច់សម្រាប់នគរសេឡេស្ទាល ។
អែលឌើរ ឌី ថត គ្រីស្តូហ្វឺសិន បានមានប្រសាសន៍ថា ៖ « ការខិតខំរបស់យើងជំនួសមរណជនបានធ្វើជាសាក្សីដ៏ជ្រាលជ្រៅថា ព្រះយេស៊ូវគ្រីស្ទ គឺជាព្រះប្រោសលោះដ៏ទេវភាពរបស់មនុស្សលោកទាំងអស់ ។ ព្រះគុណ និងសេចក្តីសន្យាទាំងឡាយរបស់ទ្រង់បានទៅដល់ សូម្បីតែអស់អ្នកដែលកាលមានជីវិត មិនបានស្វែងរកទ្រង់ផងដែរ » ( សន្និសីទទូទៅ ខែតុលា ឆ្នាំ ២០០០ [ Ensign ខែ វិច្ឆិកា ឆ្នាំ ២០០០ ទំព័រ ១១ ] ) ។