« តើខ្ញុំអាចធ្វើអ្វីបានខ្លះ ប្រសិនបើខ្ញុំមានអារម្មណ៍ថាខ្ញុំមិនមានបទពិសោធន៍ខាងវិញ្ញាណ ? » ដើម្បីកម្លាំងនៃយុវជន ខែ កញ្ញា ឆ្នាំ ២០២៣ ។
សំណួរ និង ចម្លើយ
« តើខ្ញុំអាចធ្វើអ្វីបានខ្លះប្រសិនបើខ្ញុំមានអារម្មណ៍ថាខ្ញុំមិនមានបទពិសោធន៍ខាងវិញ្ញាណ ? »
សញ្ជឹងគិត សរសេរ និងនឹកគិត
« បន្ទាប់ពីធ្វើការពេញមួយថ្ងៃ ខ្ញុំចំណាយពេលដើម្បីសញ្ជឹងគិត និងសរសេរនៅក្នុងសៀវភៅកំណត់ហេតុរបស់ខ្ញុំអំពីបទពិសោធន៍ខាងវិញ្ញាណទាំងឡាយដែលខ្ញុំបានទទួលនៅថ្ងៃនោះ ហើយនឹកគិតអំពីបទពិសោធន៍ទាំងនោះ ។ កាលណាខ្ញុំធ្វើបែបនេះ ខ្ញុំមានអារម្មណ៍សុខសាន្ត ។ វាក៏រំឭកខ្ញុំឲ្យស្វែងរកបទពិសោធន៍ខាងវិញ្ញាណជារៀងរាល់ថ្ងៃផងដែរ » ។
គីអាណា ជី អាយុ ១៦ ឆ្នាំ ហ្សាមបូអាំងហ្គា ភាគខាងជើង ប្រទេស ហ្វីលីពីន
សូមព្រះ
« ការបន្តអានព្រះគម្ពីររបស់បងប្អូន និងការអធិស្ឋានរៀងរាល់ថ្ងៃ គឺជាវិធីដ៏ល្អមួយដើម្បីបង្ហាញដល់ព្រះថាបងប្អូនចង់មានបទពិសោធន៍ខាងវិញ្ញាណ ។ ប្រសិនបើបងប្អូនមានអារម្មណ៍ថាបងប្អូនមិនមានបទពិសោធន៍ខាងវិញ្ញាណទេ ចូរសូមដល់ព្រះដោយចិត្តស្មោះសរឲ្យជួយបងប្អូនកត់សម្គាល់បទពិសោធន៍ទាំងនោះ ។ ទ្រង់ស្រឡាញ់បងប្អូន ហើយនឹងឆ្លើយតបទៅនឹងការអធិស្ឋានរបស់បងប្អូននៅពេលដែលបងប្អូនព្យាយាមធ្វើចំណែករបស់បងប្អូន » ។
អេលីយ៉ា ស៊ី អាយុ ១៥ ឆ្នាំ រដ្ឋយូថាហ៍ស. ស.រ.អ.
ចូរអត់ធ្មត់
« ចូរអត់ធ្មត់ ។ បទពិសោធន៍របស់បងប្អូននឹងមិនដូចរបស់អ្នកដទៃទេ » ។
អ៊ីសាបេឡា អេហ្វ អាយុ ១៦ ឆ្នាំ ទីក្រុងសៅប៉ូឡូ ប្រទេស ប្រេស៊ីល
រស់នៅតាមដំណឹងល្អ
« យើងនឹងទទួលបានបទពិសោធន៍ខាងវិញ្ញាណដោយការអានព្រះគម្ពីរ ស្ដាប់តាមពាក្យសំដីរបស់ព្យាការី តមអាហារ អធិស្ឋាន ទៅកាន់ព្រះវិហារបរិសុទ្ធ និងបម្រើដល់អ្នកដទៃ ។ ការណ៏ទាំងនេះជួយយើងឲ្យខិតទៅជិតព្រះគ្រីស្ទ ហើយកាន់តែទទួលបានការបំផុសគំនិតពីព្រះវិញ្ញាណបរិសុទ្ធដែលនាំឲ្យយើងមានសេចក្ដីសុខសាន្ត » ។
ណែលលី អ អាយុ ១៦ ឆ្នាំ ហ៊ីដាហ្គូ ប្រទេស ម៉ិកស៊ិក
សូមយកចិត្តទុកដាក់
« យើងត្រូវចាំជានិច្ចក្នុងការយកចិត្តទុកដាក់យ៉ាងខ្លាំងទៅលើការបំផុសគំនិតរបស់ព្រះវិញ្ញាណបរិសុទ្ធ ។ យើងអាចទទួលបានតាមរយៈរឿងតូចតាចបំផុត ។ ទោះបីជាតូចក៏ដោយ ក៏កិច្ចការទាំងនោះអាចបន្តររហូតដល់ភាពអស់កល្បជានិច្ចបានផងដែរ » ។
មើលីស្សា អេ អាយុ ១៤ ឆ្នាំ ប៉ារ៉ាអីបា ប្រទេស ប្រេស៊ីល