« ការជ្រើសរើសដើម្បីបម្រើ » ដើម្បីកម្លាំងនៃយុវជន ខែ កញ្ញា ឆ្នាំ ២០២៣ ។
ខ្ញុំអាចនឹងធ្វើ គ្រប់ទាំងអស់បាន ដោយសារ ព្រះគ្រីស្ទ
យុវវ័យចែកចាយពីរបៀបដែលព្រះគ្រីស្ទបានពង្រឹងដល់ពួកគេឲ្យធ្វើរឿងលំបាកៗទាំងឡាយ ( សូមមើល ភីលីព៤:១៣ ) ។
ការជ្រើសរើសដើម្បីបម្រើ
ខ្ញុំតែងតែចង់បម្រើបេសកកម្មមួយ ប៉ុន្តែនៅពេលខ្ញុំមានអាយុ ១៨ ឆ្នាំ ជំងឺរាតត្បាតបានចាប់ផ្តើម ។ ខ្ញុំមិនមានអារម្មណ៍ថាបានត្រៀមខ្លួនជាស្រេចដើម្បីបម្រើទេ ដូច្នេះខ្ញុំក៏បានចាប់ផ្ដើមទៅរៀននៅមហាវិទ្យាល័យ ហើយខ្ញុំបានទទួលអាហារូបករណ៍ដ៏ល្អមួយ ។ មនុស្សជាច្រើនបានផ្តល់ណែនាំថាខ្ញុំមិនគួរទៅធ្វើបេសកកម្មនោះទេ ។ ខ្ញុំមានអារម្មណ៍ថា ខ្ញុំកំពុងបាត់បង់បំណងប្រាថ្នាដើម្បីបម្រើ ។
ប៉ុន្តែបន្ទាប់មកនៅក្នុងសន្នីសីទទូទៅប្រធាន អិម រ័សុល បាឡឺដ បានមានប្រសាសន៍ថា « បើក្មួយៗស្ថិតនៅក្នុងចន្លោះអាយុបម្រើជាអ្នកផ្សព្វផ្សាយសាសនា ប៉ុន្តែមិនទាន់បានបម្រើនៅឡើយ ដោយសារតែជំងឺរាតត្បាត ឬហេតុផលផ្សេងទៀត ខ្ញុំសូមអញ្ជើញក្មួយៗឲ្យបម្រើឥឡូវនេះ » ។១ នៅពេលលោកនិយាយពាក្យថា« ឥឡូវនេះ » ខ្ញុំមានអារម្មណ៍ថាលោកនិយាយមកកាន់ខ្ញុំ—ដែល ខ្ញុំ ត្រូវតែបម្រើបេសកកម្មឥឡូវនេះ ។ ចាប់តាំងពីថ្ងៃនោះមក ខ្ញុំបានអធិស្ឋានអំពីរឿងនេះ ហើយបានទទួលការបញ្ជាក់ថាវាដល់ពេលដែលខ្ញុំត្រូវបម្រើព្រះអម្ចាស់ហើយ ។
ខ្ញុំបានទទួលការរិះគន់ជាច្រើនអំពីការសម្រេចចិត្តរបស់ខ្ញុំ ។ សូម្បីតែអាហារូបករណ៍របស់ខ្ញុំត្រូវបានគេលុបចោលដែរ ។ ប៉ុន្តែបំណងប្រាថ្នារបស់ខ្ញុំដើម្បីទៅគឺរឹងមាំគ្រប់គ្រាន់ដែលរឿងទាំងនោះមិនសំខាន់ដល់ឡើយ ។ ខ្ញុំត្រូវបានគេហៅឲ្យបម្រើនៅក្នុងបេសកកម្មក្វាតេម៉ាឡា ខាត់ស្សុលតាណែងហ្គូ ។ វាពិសេសខ្លាំងណាស់ពីព្រោះឪពុកម្តាយរបស់ខ្ញុំបានផ្សារភ្ជាប់សម្រាប់ភាពអស់កល្បជានិច្ចនៅ ក្វាតេម៉ាឡា ។
ប្រសិនបើបងប្អូនកំពុងឆ្ងល់ថាតើបងប្អូនគួរតែបម្រើបេសកកម្មឬអត់ នោះវាមិនយឺតពេលទេ ! សូមទុកចិត្តទៅលើព្រះវរបិតាសួគ៌ និងព្រះយេស៊ូវគ្រីស្ទជានិច្ច ។ ទ្រង់ទាំងទ្វេនឹងដឹកនាំយើង ហើយប្រទានពរដល់យើងជាមួយនឹងអ្វីៗដែលយើងមិនអាចស្រមៃដល់ ។
អ៊ីណក អិម សាធារណរដ្ឋ ដូមីនីក