យុវវ័យ
ខ្ញុំគឺជាអ្នកប្រែចិត្តជឿចូលសាសនាចក្រ ។ អ្វីមួយដែលទាក់ទាញខ្ញុំពីដំបូងគឺសកម្មភាពយុវវ័យ ។ សូម្បីតែឥឡូវនេះ ខ្ញុំនៅតែចូលចិត្តចំណាយពេលជាមួយមិត្តភក្ដិមកពីសាសនាចក្រ ដែលល្អ ដែលរីករាយ ហើយលើកស្ទួយ ។ ជាពិសេស ខ្ញុំចូលចិត្តទៅព្រះវិហារបរិសុទ្ធសូវ៉ាហ្វីជី ជាមួយពួកគេជារៀងរាល់សប្ដាហ៍ ។
នៅហ្វីជី មានសម្ពាធពីមិត្តភក្ដិច្រើនណាស់ ។ ជាញឹកញាប់ ហាងលក់ឥវ៉ាន់មិនសុំមើលអត្តសញ្ញាណបណ្ឌទេ ពេលទិញគ្រឿងស្រវឹង បារី ជាដើម ។ ក្មេងៗទិញវាគ្រប់ពេលទាំងអស់ ។ វាអាចជាការពិបាកក្នុងការជ្រើសរើសត្រូវ ។
អ្វីមួយដែលធ្វើឲ្យខ្ញុំបន្តរឹងមាំគឺប្អូនៗរបស់ខ្ញុំ ។ ខ្ញុំជាកូនបងគេ ដូច្នេះខ្ញុំគិតពីពួកគេគ្រប់ពេល ពេលខ្ញុំត្រូវបានល្បួងឲ្យធ្វើអ្វីដែលខុស ។ ខ្ញុំមិនចង់ឲ្យពួកគេធ្វើការសម្រេចចិត្តមិនល្អ ដោយសារឃើញខ្ញុំធ្វើវាមុននោះទេ ។ មុននឹងម្ដាយខ្ញុំទទួលមរណភាពទៅ គាត់បានឲ្យខ្ញុំសន្យាថាមើលថែប្អូនៗខ្ញុំ ហើយតែងតែនៅទីនោះសម្រាប់ពួកគេជានិច្ច ។
រហូតមកដល់ពេលនេះ ខ្ញុំជាសមាជិកសាសនាចក្រតែម្នាក់ឯងនៅក្នុងចំណោមប្អូនៗខ្ញុំ ។ ប៉ុន្តែខ្ញុំអធិស្ឋានសម្រាប់ពួកគេជារៀងរាល់ថ្ងៃ ។ ខ្ញុំថ្លែងអំណរគុណព្រះវរបិតាសួគ៌ដែលឲ្យពួកគេរស់មួយថ្ងៃទៀត ហើយខ្ញុំអធិស្ឋានថាពួកគេនឹងទទួលការចេះដឹងអំពីដំណឹងល្អរបស់ទ្រង់ ។ ពួកគេធ្វើឲ្យបន្តរឹងមាំ ។
មីខេឡា ជេ អាយុ ១៧ ឆ្នាំ ហ្វីជី