Tusitusiga Paia
Aperaamo 2


Mataupu 2

Ua tuua Uro e Aperaamo ae alu atu i Kanana—Ua afio mai Ieova ia te ia i Arana—Ua folafola mai faamanuiaga uma o le talalelei i ana fanau ma i tagata uma e ala mai i ana fanau—Ua alu o ia i Kanana ona alu atu ai lea i Aikupito.

1 O lenei, sa faia e le Alii le Atua le oge ia faateteleina lava i le laueleele o Uro, sa oo ina oti ai lo’u uso, o aArana; ae o eTara, lo’u tamā, sa nofo pea i le laueleele o Uro, o sa Kaletaia.

2 Ma sa oo ina ave e a’u, o Aperaamo, aSarai e fai ma a’u ava, ae sa ave e eNakori, lo’u uso, ia Meleka, o lē o le afafine o Arana, e fai ma ana ava.

3 O lenei sa afetalai mai le Alii ia te a’u: Aperaamo e, alu ese atu oe i fafo o lou nuu, ma mai tagata o lou aiga, ma mai le fale o lou tamā, i se laueleele o le a Ou faaali atu ia te oe.

4 O lea na ou tuua ai le laueleele o aUro, o sa Kaletaia, ou te alu i le laueleele o Kanana; ma sa ou ave Lota, le atalii o lo’u uso, ma lana ava, ma Sarai la’u ava; ma sa mulimuli mai foi lo’u etamā ia te a’u, i le laueleele sa matou ta’ua o Arana.

5 Ma sa oo ina faaitiitia le oge; ma sa nofo lo’u tamā i Arana ma mau iina, aua sa tele lafu manu i Arana; ma sa toe liliu lo’u tamā i lona aifo i tupua, o lea na nofo ai pea o ia i Arana.

6 Ae o a’u, o Aperaamo, ma aLota, le atalii o lo’u uso, sa ma tatalo atu i le Alii, ma sa efaaali mai le Alii ia te a’u, ma fetalai mai ia te a’u: Tulai, ma ave Lota faatasi ma oe; ona ua Ou faamoemoe e aveese oe i fafo mai Arana, ma fai oe o se faifeau e tauave lo’u iigoa i se olaueleele ese o le a Ou tuu atu i au fanau pe a mavae atu oe mo se tofi e faavavau, pe a latou faalogo mai i lo’u leo.

7 Aua o A’u o le Alii lou Atua; ua Ou nofo i le lagi; o le lalolagi o lo’u atuuaao; Ou te faaloaloa atu lo’u lima i luga o le sami, ma e usiusitai mai le sami i lo’u leo; Ou te faia le matagi ma le afi e avea ma a’u ekariota; Ou te fai atu i mauga—O ese mai iinei—ma faauta, e aveese i latou i se asiosio, i lea lava taimi, faafuasei lava.

8 O lo’u igoa o aIeova, ma ua Ou eiloa le iuga mai le amataga; o lea o le a i ai lo’u lima i luga o oe.

9 Ma o le a Ou faia mai ia te oe se atunuu tele, ma o le a Ou afaamanuiaina oe e lē mafuatiaina, ma faasilisili lou igoa i totonu o atunuu uma, ma o le a avea oe ma se faamanuiaga i au fanau e mulimuli mai pe a mavae atu oe, ina ia latou tauaveina i o latou lima lenei auaunaga ma le ePerisitua i atunuu uma;

10 Ma o le a Ou faamanuiaina i latou e ala i lou igoa; ona o le toatele e taliaina lenei aTalalelei o le a ta’ua i lou igoa, ma o le a faitauina o au efanau, ma o le a tutulai a’e ma faamanuia ia te oe, o lo latou itamā;

11 Ma o le a Ou afaamanuia i latou o e e faamanuia ia te oe, ma fetuu i latou o e e fetuu ia te oe; ma o oe (o lona uiga, o lou Perisitua) ma o au efanau (o lona uiga, o lou Perisitua), aua Ou te tuu atu ia te oe se folafolaga o lenei iaiā o le a i ai pea ia te oe, ma i au fanau e mulimuli mai pe a mavae atu oe (o lona uiga, o le fanau moni lea, po o le fanau totino) o le a manuia ai aiga uma o le lalolagi, i faamanuiaga lava o le Talalelei, o faamanuiaga ia o le faaolataga, o le ola faavavau lava.

12 O lenei, ina ua mavae ona afio ese le Alii mai le fetalai mai ia te a’u, ma aveese ona fofoga mai ia te a’u, sa ou faapea ifo i lo’u loto: Ua asaili atu lau auauna ia te oe ma le naunau lava; o lenei ua ou maua oe;

13 Sa e auina mai lau agelu e alaveai a’u mai atua o Elekana, ma o le a lelei ia te a’u ona faalogo atu i lou siufofoga, o lea ia tuu mai i lau auauna e tulai i luga ma alu ese i le filemu.

14 O lea o a’u, o Aperaamo, sa alu ese e pei ona sa fetalai mai ai le Alii ia te a’u, ma Lota faatasi ma a’u; ma o a’u, o Aperaamo, sa aonosefulu ma le lua tausaga le matua i le taimi na ou alu ese ai mai Arana.

15 Ma sa ou ave aSarai, o lē na ou ave e fai ma a’u ava a’o ou i ai i eUro, i Kaletaia, ma Lota le atalii o lo’u uso, ma a matou mea uma sa matou faaputuputu, ma agaga na matou imauaina i Arana, ma matou o mai i le ala e tau i le laueleele o oKanana, ma nonofo i faleie a’o matou o mai i lo matou ala;

16 O lea, o le faavavau sa fai ma o matou faapaologa ma o matou apapa ma o matou faaolataga, a’o matou malaga mai Arana e ui atu ia Seasona, e o atu ai i le laueleele o Kanana.

17 O lenei o a’u, o Aperaamo, sa ou faia se afatafaitaulaga i le laueleele o Seasona, ma faia se taulaga i le Alii, ma tatalo atu ina ia aveesea le eoge mai le fale o lo’u tamā, ina ia lē fano i latou.

18 Ma ona matou te’a atu lea mai Seasona e ala atu i le laueleele i le nuu o Sekema; sa tu lea nuu i le fanua laugatasi o More, ma ua matou oo mai ai i tuaoi o le laueleele o asa Kananā, ma sa ou osi atu se etaulaga iina i le fanua laugatasi o More, ma valaau atu i le Alii ma le naunautai, ona ua matou oo mai i le laueleele o lenei atunuu ifo i tupua.

19 Ma sa faaali mai le Alii ia te a’u i le tali mai i a’u talosaga, ma sa fetalai mai ia te a’u: O le a Ou tuu atu lenei alaueleele i au fanau.

20 Ma o a’u, o Aperaamo, sa ou tulai mai le mea sa i ai le fatafaitaulaga na ou fausia i le Alii, ma ou alu ese mai iina i se mauga i le itu i sasae o aPeteli, ma faatu lo’u faleie iina, o Peteli i sisifo, ma e’Ai i sasae; ma o iina na ou fausia ai se isi fatafaitaulaga i le Alii, ma toe ivalaau atu ai i le suafa o le Alii.

21 Ma o a’u, o Aperaamo, sa ou malaga, ma alu atu pea agai i saute; ma sa i ai pea se faaauauga o se oge i le laueleele; ma o a’u, o Aperaamo, na faia se tonu ou te alu i lalo i Aikupito, e nofo ai iina, ona sa faateteleina lava le oge.

22 Ma sa oo ina ua lata ona ou ulu atu i Aikupito, sa fetalai mai le Alii ia te a’u: Faauta, o aSarai, lau ava, o se fafine lalelei tele i le vaai atu i ai;

23 O lea, o le a oo mai, a vaai mai tagata Aikupito ia te ia, o le a latou fai ane—O ia o lana ava; ma o le a latou fasioti oe, ae o le a latou faaolaina o ia; o lea vaai ia faapenei ona e faia:

24 Tuu atu ia Sarai e fai atu i tagata Aikupito, o ia o lou tuafafine, ma o le a ola ai lou tagata.

25 Ma sa oo ina o a’u o Aperaamo, sa ou ta’u atu ia Sarai, la’u ava, mea uma na fetalai mai ai le Alii ia te a’u—O lea ou te aioi atu ai ia te oe, fai atu ia te i latou, o oe o lo’u tuafafine, ina ia lelei ia te a’u mo oe, ma o le a ola ai lo’u tagata ona o oe.