Ebʼ li loqʼlaj hu
Mosiah 26


Ch’ol 26

K’iila komon re li iglees neke’k’ame’ xb’e sa’ li maak xb’aaneb’ li ink’a’ neke’paab’an—Nayeechi’iman li junelik yu’am re laj Alma—Eb’ li neke’xjal xk’a’uxl ut neke’kub’e xha’ neke’xk’ul xkuyb’aleb’ xmaak—Eb’ li komon re li iglees li xe’maakob’, li neke’xjal xk’a’uxl ut neke’xch’olob’ lix maak re laj Alma ut re li Qaawa’ te’kuye’q xmaak; wi ink’a’ neke’xb’aanu, moko te’k’ehe’q ta sa’ ajl sa’ xyanqeb’ li tenamit re li iglees. Wan na 120–100 chihab’ ma nayo’la li Kristo.

1 Anajwan kik’ulman naq ke’wan naab’al reheb’ li tasal tenamit li toj yookeb’ chi ninqank li ink’a’ ke’ru chixtawb’al ru li raatin li rey aj Benjamin, rik’in naq kok’aleb’ sa’ li kutan naq a’an kiraatina lix tenamit, ut ink’a’ neke’xpaab’ li na’leb’ kanab’anb’il chaq xb’aaneb’ lix yuwa’eb’.

2 Ink’a’ ke’xpaab’ li k’a’ru kiyehe’ chaq chirix lix waklijikeb’ li kamenaq chi yo’yo, chi moko neke’xpaab’ chirix lix k’ulunik li Kristo.

3 Ut anajwan xb’aan xmaak’a’il lix paab’aaleb’, ink’a’ ke’ru achixtawb’al ru li raatin li Dios, ut ke’kawu li raameb’.

4 Ut ink’a’ ke’raj kub’siik xha’; chi moko ke’raj xjunajinkil rib’ rik’in li iglees. Ut ke’wan choq’ jachb’il ru tenamit chirix lix paab’aaleb’, ut jo’kan ke’kana chi junelik, sa’ li atz’ejwalejil na’leb’ ut li maak wankeb’ wi’, xb’aan naq ink’a’ ke’raj xpatz’b’al xk’ab’a’ li Qaawa’ lix Dios.

5 Ut anajwan sa’ li rawa’b’ejil laj Mosiah moko ke’wan ta jo’ xyijach ta xk’ihal lix tenamit li Dios; a’ut sa’ xk’ab’a’ li ajachok-ib’ sa’ xyanqeb’ li komon, ke’niman xk’ihaleb’.

6 Xb’aan naq kik’ulman naq ke’xb’alaq’i naab’al, rik’in lix sahil aatineb’, li wankeb’ sa’ li iglees, ut ke’xk’eheb’ chixb’aanunkil k’iila maak; jo’kan naq ki’aje’ ru naq eb’ li xe’b’aanunk re li maak, li wankeb’ sa’ li iglees, ate’tije’q xb’aan li iglees.

7 Ut kik’ulman naq ke’k’ame’ chiruheb’ laj tij, ut ke’q’axtesiik chiruheb’ laj tij xb’aaneb’ laj tzolonel; ut eb’ laj tij ke’xk’ameb’ chiru laj Alma, a’an li ataqenaqil aj tij.

8 Anajwan li rey aj Mosiah kixk’e chaq re laj Alma li wankilal sa’ xb’een li iglees.

9 Ut kik’ulman naq laj Alma moko kixnaw ta chirixeb’; a’b’an ke’wan naab’al aj yehol nawom chirixeb’; relik chi yaal, eb’ li tenamit ke’xaqli ut ke’xch’olob’ xyaalal lix maa’usilaleb’ chi naab’al.

10 Anajwan maajun wa chaq xk’ulman xkomon a’in sa’ li iglees; jo’kan naq laj Alma kich’a’ajko’ sa’ xmusiq’, ut kixtaqla naq te’k’ame’q chiru li rey.

11 Ut kixye re li rey: K’e reetal, wahi’keb’ naab’al li ke’qak’am chawu, li jitb’ileb’ xb’aaneb’ li ras riitz’in; relik chi yaal, ut tawb’ileb’ sa’ li jar paay chi maa’usilal. Ut moko neke’xjal ta xk’a’uxl chirixeb’ lix maa’usilal; jo’kan naq xe’qak’am chawu, re taaraq aatin chirixeb’ jo’ chanru lix maakeb’.

12 A’b’an li rey aj Mosiah kixye re laj Alma: K’e reetal, laa’in moko ninraq ta aatin chirixeb’; jo’kan naq aninq’axtesiheb’ sa’ aawuq’ re taaraqe’q aatin chirixeb’.

13 Ut anajwan kich’a’ajko’ wi’chik xmusiq’ laj Alma; ut xko’o ut kixpatz’ re li Qaawa’ k’a’ru tixb’aanu chirix li na’leb’ a’in, xb’aan naq naxxuwa naq tixb’aanu li k’a’ru ink’a’ us sa’ rilob’aal li Dios.

14 Ut kik’ulman naq chirix naq kixhoy x’anchalil li raam chiru li Dios, kichal lix yaab’ xkux li Qaawa’ rik’in, ut kixye:

15 Osob’tesinb’ilat laa’at, Alma, ut osob’tesinb’ileb’ li ke’kub’e xha’ sa’ li aha’ Mormon. Laa’at osob’tesinb’ilat xb’aan laa bpaab’aal q’axal nim, ka’ajwi’ rik’in li raatin lin moos aj Abinadi.

16 Ut osob’tesinb’ileb’ a’an xb’aan lix paab’aaleb’ q’axal nim, ka’ajwi’ rik’in li aatin li xaye reheb’.

17 Ut laa’at osob’tesinb’ilat xb’aan naq xaxaqab’ jun li aiglees sa’ xyanq li tenamit a’in; ut eb’ a’an te’xaqab’aaq, ut te’wanq choq’ intenamit.

18 Relik chi yaal, osob’tesinb’il li tenamit a’in li wankeb’ xch’ool chixk’amb’al aink’ab’a’; xb’aan naq rik’in lin k’ab’a’ naq te’b’oqe’q, ut weheb’.

19 Ut sa’ xk’ab’a’ naq katpatz’ok we chirix laj q’etol aatin, osob’tesinb’ilat.

20 Laa’at inmoos, ut nin’ok sa’ sumwank aawik’in naq taawanq aaayu’am chi junelik; ut laa’at tatk’anjelaq chiwu ut tatxik sa’ lin k’ab’a’, ut taach’utub’eb’ inkarneer.

21 Ut li ani taa’ab’inq re lix yaab’ inkux taawanq choq’ ainkarneer, ut a’an taak’ul sa’ li iglees, ut a’an, laa’in ajwi’ tink’ul.

22 Xb’aan naq k’e reetal, a’in lin iglees; ani anakub’e xha’ taakub’eeq xha’ choq’ re li jalb’a-k’a’uxlej. Ut ani li nekek’ul tixpaab’ lin k’ab’a’; ut a’an btinkuy xmaak chi ink’a’ ramb’il.

23 Xb’aan naq laa’in li anink’ul sa’ inb’een lix maak li ruchich’och’; xb’aan naq laa’in li bkinyo’ob’tesink reheb’; ut laa’in li nink’ehok re li ani napaab’an toj sa’ roso’jik, jun li na’ajej sa’ lin nim uq’.

24 Xb’aan naq k’e reetal, rik’in lin k’ab’a’ naq neke’b’oqe’; ut wi aneke’xnaw wu te’chalq, ut te’wanq junaq xna’aj chi junelik sa’ lin nim uq’.

25 Ut taak’ulmanq naq jo’q’e taayaab’asiiq li axkab’ trompeet, chirix a’an eb’ li maajo’q’e bxe’nawok wu te’chalq ut te’xaqliiq chiwu.

26 Toja’ ut naq te’xnaw naq laa’in li Qaawa’ lix Dios, naq laa’in aj Tojol rixeb’, a’b’an ink’a’ ke’raj toje’k rix.

27 Toja’ ut naq laa’in tinch’olob’ chiruheb’ naq maajo’q’e akeb’innaw ru; ut bte’xik sa’ li cxam junelik nakana, li kawresinb’il choq’ re laj tza ut eb’ lix anjel.

28 Jo’kan naq ninye aawe, naq li ani ink’a’ ataa’ab’inq re lix yaab’ inkux, a’an ajwi’ moko teek’ul ta sa’ lin iglees, xb’aan naq a’an moko tink’ul ta sa’ roso’jik li kutan.

29 Jo’kan naq ninye aawe: Ayu; ut ani naq’etok aatin chiwu, a’an ataaraq aatin chirix ba’ yaal jo’ chanru li maak kixb’aanu; ut wi cnaxch’olob’ lix maak chawu ut chiwu laa’in, ut dnaxjal xk’a’uxl sa’ x’anchalil xch’ool, a’an ekuyb’ilaq xmaak eeb’aan, ut laa’in ajwi’ tinkuy xmaak.

30 Relik chi yaal, ut ajo’ k’ihal sut bte’xjal xk’a’uxl lin tenamit laa’in tinkuy li q’etok aatin xe’xb’aanu chiwu.

31 Ut laa’ex ajwi’ ateekuy eemaak cherib’il eerib’; xb’aan naq chi yaal ninye eere, ani ink’a’ naxkuy xmaak li ras riitz’in naq naxye naq xjal xk’a’uxl, a’an ajwi’ xk’e rib’ rub’el tojb’a-maak.

32 Anajwan ninye aawe, Ayu; ut li ani ink’a’ tixjal xk’a’uxl chirix lix maak, a’an ajwi’ moko taak’ehe’q ta sa’ ajl sa’ xyanq lin tenamit; ut a’in taab’aanumanq chalen sa’ li hoonal a’in.

33 Ut kik’ulman naq chirix naq laj Alma kirab’i li aatin a’in, kixtz’iib’a re naq taawanq rik’in, ut re naq taaruuq chixraqb’al aatin chirix li tenamit re li iglees a’an, jo’ chanru lix taqlahom li Dios.

34 Ut kik’ulman naq laj Alma xko’o ut kixraq aatin chirixeb’ li ke’tawe’ sa’ li maa’usilal, jo’ chanru li raatin li Qaawa’.

35 Ut eb’ li ani ke’jalok xk’a’uxleb’ chirixeb’ lix maak ut ake’xch’olob’eb’, eb’ a’an kixk’e sa’ ajl sa’ xyanqeb’ li tenamit re li iglees;

36 Ut eb’ li ink’a’ ke’raj xch’olob’ankil lix maak ut xjalb’al xk’a’uxleb’ chirix lix maa’usilaleb’, eb’ a’an moko ke’k’ehe’ ta sa’ ajl sa’ xyanqeb’ li tenamit re li iglees, ut ake’sache’ reetalil lix k’ab’a’eb’.

37 Ut kik’ulman naq laj Alma kixtuqub’ chixjunil li k’a’ru na’uxman sa’ li iglees; ut ke’ok wi’chik chi wank sa’ tuqtuukilal ut chi usaak chi numtajenaq sa’ li k’a’ru na’uxman sa’ li iglees, ut ke’b’eek chi tiikeb’ xk’a’uxl chiru li Dios; naab’aleb’ li ke’xk’ul ut naab’aleb’ li ke’xkub’siheb’ xha’.

38 Ut anajwan chixjunil li k’a’aq re ru a’in ke’xb’aanu laj Alma ut eb’ li rech aj k’anjel li wankeb’ sa’ xb’eenil li iglees, ut ke’b’eek chi yalb’ileb’ anchal xq’e, ut ke’xk’ut li raatin li Dios sa’ chixjunil li k’a’aq re ru, ut ke’xnumsi li k’iila paay chi ch’a’ajkilal, ut ke’rahob’tesiik xb’aaneb’ chixjunil li moko ke’wan ta sa’ lix iglees li Dios.

39 Ut ke’xtijeb’ li ras riitz’in; ut ke’xk’ul ajwi’ axtijb’aleb’, li junjunq xb’aan li raatin li Dios, jo’ chanruheb’ lix maak, malaj li maak kixb’aanu chaq, chi taqlanb’ileb’ xb’aan li Dios naq bte’tijoq chi ink’a’ te’xkanab’, ut naq cte’b’antioxinq sa’ chixjunil li k’a’aq re ru.