Kapitulo 2
Gisaway ni Jacob ang paghigugma sa katigayonan, garbo, ug pagkadili-putli—Ang mga tawo mahimo ra nga magtinguha og katigayonan aron itabang sa ilang isigkatawo—Ang Ginoo nagsugo nga walay lalaki taliwala sa mga Nephita ang mangasawa og sobra sa usa—Gikahimuot sa Ginoo ang kaputli sa kababayen-an. Mga 544–421 B.C.
1 Ang mga pulong nga gisulti ni Jacob, ang lalaki nga igsoon ni Nephi, ngadto sa katawhan ni Nephi, human sa kamatayon ni Nephi:
2 Karon, hinigugma kong kaigsoonan, ako, si Jacob, sumala sa akong responsibilidad ngadto sa Dios, sa pagbuhat sa akong katungdanan uban ang kaligdong, ug aron dili mahugawan ang akong mga sapot sa inyong mga sala, ania ako sa templo karong adlawa aron akong ikapahayag kaninyo ang pulong sa Dios.
3 Ug kamo mismo nahibalo nga hangtod karon ako nagkugi sa akong katungdanan; apan ako niining adlawa nabug-atan tungod sa akong dako nga tinguha ug kabalaka alang sa kaayohan sa inyong mga kalag kaysa kaniadto.
4 Kay tan-awa, hangtod karon, kamo nagmasulundon sa pulong sa Ginoo, nga akong gihatag kaninyo.
5 Apan tan-awa, patalinghogi ninyo ako, ug hibaloi nga pinaagi sa tabang sa labawng makagagahom nga Tiglalang sa langit ug sa yuta makasulti ako kon unsay anaa sa inyong amga hunahuna, kon giunsa ninyo sa pagpakasala, diin nga sala hilabihan kasalawayon para kanako, oo, ug salawayon para sa Dios.
6 Oo, nakapaguol sa akong kalag ug maoy hinungdan nga miatras ko sa kaulaw sa atubangan sa akong Magbubuhat, nga ako kinahanglang mopamatuod kaninyo mahitungod sa pagkadaotan sa inyong mga kasingkasing.
7 Ug nakapaguol usab kanako nga ako kinahanglan pang mogamit og ahait nga mga pulong mahitungod kaninyo, sa atubangan sa inyong mga asawa ug sa inyong mga anak, kinsa daghan sa ilang mga pagbati hilabihan ka lumo ug bputli ug talandogon sa atubangan sa Dios, diin ang mao nga butang nakapahimuot sa Dios;
8 Ug nagtuo ko nga mianhi sila dinhi aron sa pagpamati sa makapahimuot nga apulong sa Dios, oo, sa pulong nga makapaayo sa samaran nga kalag.
9 Busa, bug-at para sa akong kalag nga ako mapugos sa pagpamulong, tungod sa higpit nga sugo nga akong nadawat gikan sa Dios, aron pahimangnoan kamo sumala sa inyong mga salaod, nga makapadako hinuon sa mga samad niadtong mga nasamaran na, imbis nga hupayon ug ayohon ang ilang mga samad; ug sa mga wala pa masamad, imbis nga magbusog sa makapahimuot nga pulong sa Dios tusokon hinuon og punyal ang ilang mga kalag ug samaran ang huyang nilang mga hunahuna.
10 Apan, bisan sa kadako sa tahas, kinahanglan nga akong buhaton sumala sa higpit nga amga sugo sa Dios, ug sultihan kamo mahitungod sa inyong pagkadaotan ug pagkasalawayon, sa presensya sa mga putli og kasingkasing, ug sa masulub-on nga kasingkasing, ug ubos sa panan-aw sa bmahait nga mata sa Makagagahom nga Dios.
11 Busa, kinahanglang sultihan ko kamo sa kamatuoran sumala sa akayano sa pulong sa Dios. Kay tan-awa, dihang nangutana ako sa Ginoo, ingon niini ang pulong nga miabot kanako, nag-ingon: Jacob, mosulod ka sa templo pagkaugma, ug ipahayag ang pulong nga akong ihatag kanimo alang niini nga katawhan.
12 Ug karon tan-awa, akong kaigsoonan, mao kini ang pulong nga akong ipahayag kaninyo, nga daghan kaninyo ang nagsugod sa pagpangita og bulawan, ug pilak, ug tanang matang sa mahalon nga aoro, diin kini nga yuta, nga mao ang byuta nga gisaad nganha kaninyo ug sa inyong binhi, nga hilabihan kaabunda.
13 Ug ang maamumahong kamot nagpahiyom diha kaninyo sa hilabihang kahimuot, mao nga nakabaton kamo og daghang katigayonan; ug tungod kay ang uban kaninyo nakabaton og mas daghan kay sa inyong kaigsoonan agibayaw kamo sa garbo sa inyong kasingkasing, ug mipatikig sa inyong mga liog ug mipataas sa mga ulo tungod sa kamahal sa inyong sapot, ug midaog-daog sa inyong kaigsoonan tungod kay nagtuo kamo nga mas maayo kamo kay kanila.
14 Ug karon, akong kaigsoonan, nagtuo ba kamo nga mohatag ang Dios kaninyo og kaangayan niining mga butanga? Tan-awa, sultihan ko kamo, Dili. Apan siya mohimaraot kaninyo, ug kon kamo magpadayon niining mga butanga ang iyang mga paghukom siguradong diha-diha moabot kaninyo.
15 O nga unta ipakita niya nga makahimo siya sa pagsamad kaninyo, ug sa usa ka pagpamilok mahimo ra niya kamong tumbahon sa yuta!
16 O nga unta ipalayo niya kamo gikan niini nga daotang mga binuhatan ug pagkasalawayon. Ug, O nga unta maminaw kamo sa pulong nga iyang gisugo, ug dili tugotan nga kining agarbo sa inyong mga kasingkasing molaglag sa inyong mga kalag!
17 Hunahunaa ang inyong kaigsoonan nga sama sa inyong kaugalingon, ug higalaa ang tanan ug pagmanggihatagon sa inyong amga butang, aron bsila maadunahan usab sama kaninyo.
18 Apan sa dili pa kamo mangita og mga akatigayonan, pangitaa ninyo ang bgingharian sa Dios.
19 Ug human nga kamo makabaton og paglaom kang Kristo makaangkon kamo og katigayonan, kon kamo mangita niini; ug kamo magtinguha niini alang sa katuyoan sa apagbuhat og maayo—sa pagsapot sa hubo, ug pagpakaon sa gigutom, ug paghatag og kagawasan sa mga bihag, ug paghatag og kahupayan sa masakiton ug sa nanag-antos.
20 Ug karon, akong kaigsoonan, namulong ako kaninyo mahitungod sa garbo; ug kamo nga mipaantos sa inyong silingan, ug milutos kaniya tungod kay nagmapahitas-on kamo sa inyong mga kasingkasing, sa mga butang nga gihatag kaninyo sa Dios, unsa man ang inyong ikasulti niini?
21 Wala ba kamo magtuo nga ang maong mga butang salawayon ngadto kaniya nga naglalang sa tanang tawo? Ug ang usa ka binuhat sa iyang panan-aw sama ka bililhon sa laing tawo. Ug ang tanang tawo gikan sa abog; ug sa mao gihapon nga katuyoan siya milalang kanila, nga sila motuman sa iyang amga sugo ug mohimaya kaniya hangtod sa hangtod.
22 Ug karon akong taposon ang akong pagpamulong kaninyo mahitungod niini nga garbo. Ug kon wala pa lang unta kinahanglana nga mamulong ako kaninyo mahitungod sa mas bug-at nga kalapasan, mas malipay unta ang akong kasingkasing tungod kaninyo.
23 Apan ang pulong sa Dios naghasol kanako tungod sa inyong mas bug-at nga mga salaod. Kay tan-awa, sa ingon niini miingon ang Ginoo: Kini nga katawhan nag-anam na sa pagkahimong daotan; wala sila makasabot sa mga kasulatan, kay nangita sila og ikapasangil sa ilang paghimo og mga buhat nga malaw-ay, tungod sa mga butang nga nasulat bahin ni David, ug ni Solomon nga iyang anak.
24 Tan-awa, si David ug si aSolomon tinuod nga adunay daghang basawa ug puyo-puyo, nga ang maong butang salawayon sa akong atubangan, miingon ang Ginoo.
25 Busa, sa ingon niini miingon ang Ginoo, gidala ko kini nga katawhan paggawas sa yuta sa Jerusalem, pinaagi sa gahom sa akong bukton, aron akong mapasanay ang usa ka amatarong nga sanga gikan sa bunga sa mga bat-ang ni Jose.
26 Busa, Ako ang Ginoong Dios dili motugot nga kini nga katawhan mobuhat sama sa gibuhat nila sa karaan.
27 Busa, akong kaigsoonan, paminaw kanako, ug patalinghogi ang pulong sa Ginoo: Kay walay bisan kinsang lalaki nga magbaton gawas sa ausa lamang ka asawa; ug dili siya magbaton og mga puyo-puyo;
28 Kay Ako, ang Ginoong Dios, nahimuot sa akaputli sa mga babaye. Ug ang mga buhat nga malaw-ay mga salawayon sa akong atubangan; sa ingon niini miingon ang Ginoo sa mga Panon.
29 Busa, kini nga katawhan magsunod sa akong mga sugo, miingon ang Ginoo sa mga Panon, o atunglohon ang yuta tungod kanila.
30 Kay kon Ako, miingon ang Ginoo sa mga Panon, mopasanay og abinhi alang kanako, Akong mandoan ang akong katawhan; kay kondili mopatalinghog sila niining mga butanga.
31 Kay tan-awa, Ako, ang Ginoo, nakakita sa kasubo, ug nakadungog sa pagbangotan sa mga anak nga babaye sa akong katawhan sa yuta sa Jerusalem, oo, ug sa tanang yuta sa akong katawhan, tungod sa pagkadaotan ug pagkasalawayon sa ilang mga bana.
32 Ug Ako dili motugot, miingon ang Ginoo sa mga Panon, nga ang mga pangamuyo sa matahom nga mga anak nga babaye niini nga katawhan, nga Akong gidala pagawas sa yuta sa Jerusalem, modangat ngari kanako batok sa mga lalaki sa akong katawhan, miingon ang Ginoo sa mga Panon.
33 Kay dili sila mobihag sa mga babaye nga anak sa akong katawhan tungod sa ilang pagkalumo, kondili moduaw ako kanila pinaagi sa mapintas nga tunglo, bisan ngadto sa kalaglagan; kay dili sila magbuhat og mga amalaw-ay, sama nila sa karaan, miingon ang Ginoo sa mga Panon.
34 Ug karon tan-awa, akong kaigsoonan, nasayod kamo nga gihatag kini nga mga sugo ngadto sa atong amahan, nga si Lehi; busa, nasayod kamo niini kaniadto pa; ug nahiagoman ninyo ang dakong panghimaraot; kay gibuhat ninyo kining mga butanga nga dili unta ninyo angayang buhaton.
35 Tan-awa, amas labaw ang nahimo ninyong pagkadaotan kay sa mga Lamanita, nga atong kaigsoonan. Gipasakitan ninyo ang mga kasingkasing sa inyong malumo nga mga asawa, ug nawala ang pagsalig sa inyong mga anak, tungod sa ngil-ad ninyong mga ehemplo kanila; ug ang mga gihambin sa ilang mga kasingkasing nakaabot sa Dios batok kaninyo. Ug tungod sa kahigpit sa pulong sa Dios, nga midangat batok kaninyo, daghang kasingkasing ang namatay, gisamaran og lawom nga mga samad.