Mga Kasulatan
Jacob 1


Ang Basahon ni Jacob
ang Igsoon ni Nephi

Ang mga pulong nga iyang gisangyaw ngadto sa iyang kaigsoonan. Gilupig niya sa katarongan ang tawo kinsa nagtinguha sa pagdaot sa doktrina ni Kristo. Pipila ka pulong mahitungod sa kasaysayan sa katawhan ni Nephi.

Kapitulo 1

Si Jacob ug Joseph nagtinguha sa pag-awhag sa katawhan aron motuo kang Kristo ug motuman sa Iyang mga sugo—Si Nephi namatay—Ang pagkadaotan mipatigbabaw taliwala sa mga Nephita. Mga 544–421 B.C.

1 Kay tan-awa, nahitabo nga kalim-an og lima ka tuig ang milabay sukad sa pagbiya ni Lehi sa Jerusalem; busa, si Nephi mihatag kanako, asi Jacob, og usa ka bsugo mahitungod sa cgagmay nga mga palid, diin gikulit kini nga mga butang.

2 Ug gihatagan niya ako, si Jacob, og sugo nga magsulat ko dinhi niini nga mga palid og pipila ka butang nga akong gihunahuna nga labing bililhon; nga dili ko kinahanglang maghisgot, apan gamay lamang, mahitungod sa kasaysayan niini nga katawhan nga gitawag og katawhan ni Nephi.

3 Kay siya miingon nga ang kasaysayan sa iyang katawhan kinahanglan nga ikulit ngadto sa uban pa niyang mga palid, ug nga gikinahanglan nga tipigan nako kini nga mga palid ug ihatag kini ngadto sa akong mga binhi, gikan sa usa ka henerasyon ngadto sa mosunod nga mga henerasyon.

4 Ug kon adunay mga pagsangyaw nga sagrado, o pagpadayag nga mahinungdanon, o pagpanagna, nga kinahanglan akong ikulit ang mga aulohan niana dinhi niini nga mga palid, ug hisgotan kana kutob sa mahimo, tungod ug alang kang Kristo, ug tungod ug alang sa among katawhan.

5 Kay tungod sa pagtuo ug dakong kahingawa, sa pagkatinuod gipakita ngari kanamo ang mahitungod sa among katawhan, unsang mga butang ang amahitabo gayod kanila.

6 Ug nakaangkon usab kami og daghang pagpadayag, ug sa espiritu sa daghan nga pagpanagna; busa, nahibalo kami mahitungod kang aKristo ug sa iyang gingharian, nga moabot.

7 Busa makugihon kaming naghago uban sa among katawhan, aron unta kami makaawhag kanila sa apagduol kang Kristo, ug pag-ambit sa pagkamaayo sa Dios, aron makasulod sila sa iyang bkapahulayan, basin unya sa bisan unsang pamaagi makapanumpa siya diha sa iyang kapungot nga sila dili gayod cmakasulod, sama sa dpagkapukaw sa kasuko niadtong mga adlaw sa pagsulay samtang ang mga anak ni Israel didto sa ekamingawan.

8 Busa, nagtinguha kami sa tabang sa Dios aron among maawhag ang tanang tawo nga dili amobatok sa Dios, sa bpaghagit kaniya ngadto sa kasuko, apan nga ang tanang tawo motuo kang Kristo, ug mamalandong sa iyang kamatayon, ug mopas-an sa iyang ckrus ug moantos sa pagbiaybiay sa kalibotan; busa, ako, si Jacob, midawat sa responsibilidad sa pagtuman sa sugo sa akong igsoon nga si Nephi.

9 Karon nagkatigulang na si Nephi, ug nakita niya nga hapit na siya amamatay; busa, siya bmidihog og usa ka tawo nga mahimong hari ug magmando sa iyang katawhan karon, sumala sa mga paghari sa cmga hari.

10 Kay ang katawhan naghigugma kang Nephi sa hilabihan, kay siya usa man ka talagsaong tigpanalipod kanila, nga migamit sa aespada ni Laban sa pagpanalipod kanila, ug naghago sa tibuok niyang mga adlaw alang sa ilang kaayohan—

11 Busa, ang katawhan nagtinguha nga magpabilin sa ilang panumdoman ang iyang ngalan. Ug kinsa kadtong magmando puli kaniya gitawag sa katawhan, nga ikaduhang Nephi, ikatulong Nephi, ug uban pa, sumala sa pagmando sa mga hari; ug mao kana ang tawag sa katawhan kanila, bisan unsa pa man ang ilang mga ngalan.

12 Ug nahitabo nga si Nephi namatay.

13 Karon ang mga tawo nga dili mga aLamanita mga bNephita; bisan pa, gitawag sila og mga Nephita, mga Jacobita, mga Josephita, mga cZoramita, mga Lamanita, mga Lemuelita, ug mga Ishmaelita.

14 Apan ako, si Jacob, dili moila kanila karon pinaagi niini nga mga ngalan, apan akong atawagon sila nga mga Lamanita ang nagtinguha sa paglaglag sa katawhan ni Nephi, ug kadtong mga mahigalaon ni Nephi akong tawagon nga mga bNephita, o ckatawhan ni Nephi, sumala sa mga paghari sa mga hari.

15 Ug karon nahitabo nga ang katawhan ni Nephi, ubos sa paghari sa ikaduhang hari, nagsugod sa pagpatig-a sa ilang mga kasingkasing, ug nagpatuyang sa daotan nilang mga kalihokan, sama ni David sa karaan nga nagtinguha og daghang amga asawa ug mga puyo-puyo, ug ni Solomon usab, nga iyang anak.

16 Oo, ug nagsugod usab sila sa pagpangita og daghang bulawan ug pilak, ug nagkaanam og pagkamapagarbohon.

17 Busa ako, si Jacob, mihatag kanila niini nga mga pulong samtang ako nagtudlo kanila didto sa atemplo, human ko makadawat sa akong bbuluhaton gikan sa Ginoo.

18 Kay ako, si Jacob, ug ang akong igsoon nga si Joseph agidihogan nga mga pari ug mga magtutudlo niini nga katawhan, pinaagi sa kamot ni Nephi.

19 Ug gibuhat namo ang among mga akatungdanan ngadto sa Ginoo, sa pag-angkon sa bresponsibilidad, nga manubag sa mga sala sa katawhan sa kaugalingon namong mga ulo kon kami dili motudlo kanila sa pulong sa Dios pinaagi sa tanang kakugi; busa, pinaagi sa paghago sa tibuok namong kusog posibleng dili mahugawan sa ilang cdugo ang among mga sapot; kay kondili, mahugawan unya sa ilang dugo ang among mga sapot, ug dili unya kami makita nga walay lama sa kataposang adlaw.