Dagiti Nasantuan a Kasuratan
Helaman 3


Kapitulo 3

Adu a Nephite ti agdappat iti daga nga agpa-amianan—Agbangonda iti sementado a balbalay ken adu a kasuratan ti indulinda—Pinullo a ribu ti mapasurot ken mabuniagan—Iturong ti balikas ti Dios dagiti tao iti pakaisalakananda—Agtugaw ni Nephi a lalaki nga anak ni Helaman iti pangukoman. Agarup 49–39 S.C.

1 Ket ita napasamak iti maikapat-a-pulo-ket-tallo a panagturay dagiti ukom, awan ti panagsusupanget kadagiti tao ni Nephi malaksid iti sangkabassit a palangguad nga adda iti simbaan, a nakaigapuan ti babassit nga ikakayakay dagiti tao, ar-aramid a narisut iti naggibusan ti maikapat-a-pulo-ket-tallo a tawen.

2 Ket awan ti sinnupanget dagiti tao iti maikapat-a-pulo-ket-uppat a tawen; wenno immadu ti sinnupanget iti maikapat-a-pulo-ket-lima a tawen.

3 Ket napasamak iti maikapat-a-pulo-ket-innem a tawen, wen, adu ti sinnupanget ken ikakayakay; iti dayta nakaad-adu ti pimmanaw iti daga a Zarahemla, ket napanda iti daga iti aamianan a mangtawid iti daga.

4 Ket nagbiaheda iti nalaus ti kaatiddogna, iti kasta nakadanonda iti adadakkel a bagi ti danum ken adu a karayan.

5 Wen, ket nagwarasda iti amin a paset ti daga, iti ania man a paset a saan a maibilang a ragangirang ken awanan iti kayo, gapu iti adu a nagindeg a nagtawid idi iti daga.

6 Ket ita awan ti paset ti daga a ragangirang, malaksid iti kaykayo; ngem gapu iti kakaro ti apanangdadael dagiti tao nga immuna a nangtawid iti daga nanaganan iti bragangirang.

7 Ket adda bassit a kayo iti rabaw ti daga, nupay kasta nagbalin dagiti tao a napan sadiay a nalaus ti laingda nga agtrabaho iti semento; ngarud nagbangonda iti balbalay a sementado, a nagnaedanda.

8 Ket napasamak nga immadu ken nagsaknapda, ket napanda iti abagatan a daga ken iti amianan a daga, ket nagsaknapda isu a nangrugi nga inaplaganda ti rabaw ti sangabukel a daga, manipud iti baybay iti abagatan agingga iti baybay iti amianan, manipud iti baybay iti alaud agingga iti baybay iti daya.

9 Ket nagindeg dagiti tao nga adda iti daga iti amianan kadagiti tolda, ken kadagiti sementado a balay, ket impalubosda a dumakkel ti ania man a kayo nga agtubo iti rabaw ti daga, tapno iti saan a mabayag addanto kayo a pagbangonda iti balbalayda, wen, dagiti siudadda, ken dagiti temploda, ken dagiti sinagogada, ken dagiti santuarioda, ken amin a kita ti pasdekda.

10 Ket napasamak iti kinakisang ti kayo iti daga iti amianan, adu ti impatulodda babaen ti abapor.

11 Ket kasta ti inaramidda tapno makaaramid dagiti tao iti amianan a daga iti adu a siudad, a naaramid iti kayo ken iti semento.

12 Ket napasamak nga adu kadagiti atao ni Ammon, a nayanak a Lamanite, ti napan met itoy a daga.

13 Ket ita adu ti kasuratan a nakailanadan dagiti aramid dagitoy a tao, ti adu kadagitoy a tao, a nabatad ken dakkel, maipanggep kadakuada.

14 Ngem adtoy, ti apagkasangagasut a paset ti nailanad nga aramid dagitoy a tao, wen, ti pakaammo dagiti Lamanite ken dagiti Nephite, ken ti gubgubatda, ken sinnupangetda, ken ikakayakay, ken ti panangaskasabada, ken dagiti padtoda, ken ti panagbaporda, ken panagaramidda iti bapor, ken ti panagbangonda kadagiti atemplo, ken kadagiti sinagoga ken santuarioda, ken kinalintegda, ken kinadangkesda, ken ti panagpapatayda, ken ti panagtakawda, ken ti panagsamsamda, ken amin a wagas ti pagbasolan ken kinamannakiabigda, saan a mailanad iti daytoy nga aramid.

15 Ngem adtoy, adu ti libro ken adu ti kasuratan a nadumaduma, ket intalimeng ida dagiti Nephite.

16 Ket anaipaimada iti tunggal kaputotan babaen dagiti Nephite, uray pay a natnagda iti pagbasolan ket napapatayda, nasamsam, ken naanupan, ken napapanaw, ken napapatay, ken naiwaraswarasda iti rabaw ti daga, ken nailaokda kadagiti Lamanite agingga a bsaandan a maawagan iti Nephite, iti panagbalinda a nadangkes, ken nasabrak, ken nakaam-amak, wen, iti panagbalinda a Lamanite.

17 Ket ita agsubliak manen iti pakaammok; ngarud, napasamaken dagiti imbagak kalpasan dagiti dakkel a sinnupanget, ken panangriribuk, ken gubgubat, ken ikakayakay, dagiti tao ni Nephi.

18 Naggibus ti maikapat-a-pulo-ket-innem a tawen a panagturay dagiti ukom;

19 Ket napasamak nga adda pay la dakkel a sinnupanget iti daga, wen, uray pay iti maikapat-a-pulo-ket-pito a tawen, ken kasta met iti maikapat-a-pulo-ket-walo a tawen.

20 Nupay kasta nagtugaw ni Helaman iti pangukoman nga addaan iti linteg ken panagpapatas; wen, sinurotna a tungpalen dagiti annuroten, ken ti panangukom, ken dagiti bilin ti Dios; ket nagtultuloy nga inaramidna dagiti banag a maiparbeng iti imatang ti Dios; ket nagna iti wagas ti amana, isu a rimmang-ay iti daga.

21 Ket napasamak a naaddaan iti dua nga annak a lallaki. Intedna iti inauna ti nagan a aNephi, ket iti ub-ubing, ti nagan a bLehi. Ket nangrugida a dimmakkel iti wagas ti Apo.

22 Ket napasamak a nangrugi a napukaw dagiti gubat ken sinnupanget, iti sangkabassit, kadagiti tao dagiti Nephite, iti arinunos ti maikapat-a-pulo-ket-walo a tawen a panangituray dagiti ukom kadagiti tao ni Nephi.

23 Ket napasamak iti maikapat-a-pulo-ket-siam a tawen a panagturay dagiti ukom, nga adda nagtultuloy a naipasdek a kappia iti daga, amin malaksid dagiti nalimed a kinnunsabo nga impasdek ni aGadianton a mannanakaw iti nagindeganen a paset ti daga, a saan nga ammo iti dayta a panawen dagiti adda iti ulo ti gobierno; ngarud saanda a nadadael iti daga.

24 Ket napasamak nga iti daytoy met la a tawen adda nalaus a panagdur-as iti simbaan, iti kasta rinibu ti nangikappeng iti bagbagida iti simbaan ket nabuniaganda nga agbabawi.

25 Ket dakkel ti dimmur-asan ti simbaan, ket adu ti parabur a naipaay kadagiti tao, nga uray pay dagiti nangato a saserdote ken dagiti maestro a mismo saan a marukod ti siddaawda.

26 Ket napasamak a dimmur-as ti aramid ti Apo iti panamuniag ken ikakanunong iti simbaan ti Dios, adu a kararua, wen, pinullo a ribu.

27 Kasta ti pannakakitatayo a manangngaasi ti Apo kadagiti amin nga, iti kinapudno ti puspusoda, umawag iti nasantuan a naganna.

28 Wen, kasta ti pannakakitatayo a silulukat ti aruangan ti langit iti bamin, uray pay kadagiti mamatinto iti nagan ni Jesucristo, nga Anak ti Dios.

29 Wen, makitatayo nga asino man a kumpet iti abalikas ti Dios, a bnaalisto ken nabileg, a mamagsina amin a panangballaibo ken panangsilo ken dagiti panangallilaw ti sairo, ken mangiturong iti tao ni Cristo iti cnailet ken akikid a dana a mangballasiw iti dayta agnanayon a dtaaw ti ladingit a naisagana a mangalimon iti nadangkes—

30 Ken mamasanglad iti kararuada, wen, ti saan a matay a kararuada, iti amakanawan ti Dios iti pagarian iti langit, a makikatugaw ken ni Abraham, ken ni Isaac, ken ni Jacob, ken kadagiti amin a nasantuan nga ammatayo, tapno saandan a rummuar.

31 Ken iti daytoy a tawen adda agtultuloy a ragragsak iti daga a Zarahemla, ken iti amin a lugar iti aglawlaw, uray pay iti amin a daga a tinagikua dagiti Nephite.

32 Ket napasamak nga adda kappia ken aglaplapusanan a rag-o iti nabati iti maikapat-a-pulo-ket-siam a tawen; wen, ken kasta met nga adda agtultuloy a kappia ken aglaplapusanan a rag-o iti maika-limapulo a tawen a panagturay dagiti ukom.

33 Ket iti maika-limapulo-ket-maysa a tawen a panagturay dagiti ukom adda met kappia, malaksid iti kinapalangguad a nangrugi a simrek iti simbaan—saan nga iti simbaan ti Dios, ngem iti puspuso dagiti tao a nagkuna a kameng iti simbaan ti Dios—

34 Ket naitag-ayda iti akinapalangguad, uray pay iti pannakaparparigat dagiti adu a kabsatda. Ita dakkel daytoy a kinadakes, a namagsagaba iti ad-adu a napakumbaba a paset dagiti tao iti nalabes a pannakaparparigat, ken agkayaw-at iti adu a rigat.

35 Nupay kasta, masansanda a anagayuno ken bnagkararag, ket pimmigsada a pimmigsa iti ckinapakumbabada, ken timmibkerda a timmibker iti pammati ken ni Cristo, agingga iti napno ti kararuada iti rag-o ken linglingay, wen, iti dpannakapatarnaw ken ti epannakapasanto ti puspusoda, pannakapasanto a dimteng gapu iti fpanangiturongda iti puspusoda iti Dios.

36 Ket napasamak a naggibus met ti maika-limapulo-ket-dua a tawen iti kappia, malaksid ti aglaplapusanan a kinapalangguad a simmeksek iti puspuso dagiti tao; ket gapu dayta ti aglaplapusanan a akinabaknang ken ti idudur-asda iti daga; ket dimmakkel kadakuada iti inaldaw.

37 Ket napasamak iti maika-limapulo-ket-tallo a tawen ti panagturay dagiti ukom, natay ni Helaman, ket nangrugi a nagturay ni Nephi nga inauna a lalaki nga anakna kas sukatna. Ket napasamak a nagtugaw iti pangukoman nga addaan iti linteg ken panagpapatas; wen, tinungpalna dagiti bilin ti Dios, ken nagna iti wagas ti amana.