1 Ket ita napasamak nga idi maisao ni Nephi dagitoy a balikas, adtoy, adda lallaki nga ukom a kameng met ti nalimed a bunggoy ni Gadianton, ket nagpungtotda, ket impukkawda ti ibubusorda kenkuana, a kinunada kadagiti tao: Apay a diyo tiliwen daytoy a tao ket idatagyo, tapno makedngan a maibatay iti naaramidna a krimen?

2 Apay a kitaenyo daytoy a tao, ken denggenyo a mangsusik kadagitoy a tao ken mangbusor iti paglintegantayo?

3 Ta adtoy, imbaga ni Nephi kadakuada ti maipanggep iti kinarugit ti paglinteganda; wen, adu a banag ti imbaga ni Nephi a di maisurat; ket awan ti imbagana a maisuppiat kadagiti bilin ti Dios.

4 Ket nakaunget kenkuana dagidiay nga ukom gapu ta nalawag ti ^apanagsaona kadakuada maipanggep kadagiti nalimed nga aramidda iti sipnget; nupay kasta, awan turedda a nangdisso kenkuana, ta nagamakda di la ket mamin-ano ta ipukkawda ti maibusor kadakuada.

5 Ngarud pinukkawanda dagiti tao, a kinunada: Apay nga ipalubosyo a susikennatayo daytoy a tao? Ta adtoy kednganna amin dagitoy a tao, uray pay iti pakadadaelan; wen, ken kasta met a maala kadatayo dagitoy dadakkel a siudadtayo, tapno awan ti pagyanantayo kadakuada.

6 Ket ita ammotayo a saan a mapasamak ti kastoy, ta adtoy, nabilegtayo, ken dadakkel dagiti siudadtayo, ngarud awan ti bileg kadatayo dagiti kabusortayo.

7 Ket napasamak a kasta ti panangsugsogda kadagiti tao nga agpungtot ken ni Nephi, ken namagsusupanget kadakuada met laeng; ta adda sumagmamano a nangipukkaw: Adaywanyo daytoy a tao, ta nasayaat a tao, ta awan duadua a mapasamakto dagiti banag nga imbagana malaksid no agbabawitayo;

8 Wen, adtoy, umayto amin a pangngeddeng nga impaneknekna kadatayo; ta ammotayo a namaneknek kadatayo a sililinteg maipanggep iti basbasoltayo. Ket adtoy aduda, ket nalawag nga ^aammona amin a banag a maidissuor kadatayo a kas iti pannakaammotayo iti basbasoltayo;

9 Wen, ket adtoy, no saan a propeta saanna koma a maipaneknek ti maipanggep kadagitoy a banag.

10 Ket napasamak a napilit dagiti tao a nagtarigagay a mangdadael ken ni Nephi gapu iti butengda, ket dida dinissuan; ngarud rinugianna manen ti nagsao kadakuada, iti pannakakitana iti panangayon kenkuana dagiti dadduma kadagiti matada, iti kasta nagbuteng dagiti nabati kadakuada.

11 Ngarud napilitan nga agsao kadakuada iti ad-adu pay a kinunana: Adtoy, kakabsatko, diyo kadi nabasa nga inikkan ti Dios iti bileg ti maysa a tao, a ni Moises, a mangbasnot iti danum ti Nalabaga a ^aBaybay, ket nabingay ti agsumbangir, iti kasta nagna dagiti Israelite, nga isuda dagiti ammatayo, iti namaga a daga, ket nagrikep ti danum kadagiti buyot dagiti Egipsio ket ginaburanna ida?

12 Ket ita adtoy, no inikkan ti Dios daytoy a tao iti bileg, apay a pagpipinnapilitanyo, ket kunayo a dinak inikkan iti bileg a pakaammuak iti maipanggep kadagiti pangngeddeng a maipaay kadakayo malaksid no agbabawikayo?

13 Ngem, adtoy, saan la a diyo patien dagiti balikasko, ngem diyo pay patien amin dagiti balikas nga imbaga dagiti ammatayo, ken kasta met dagiti balikas nga imbaga daytoy a tao, a ni Moises, nga addaan iti kasta a naindaklan a pigsa a naited kenkuana, wen, dagiti balikas nga imbagana maipanggep iti yaay ti Mesias.

14 Wen, dina kadi insurat nga umay ti Anak ti Dios? Ket iti ^apanangitag-ayna iti gambang nga uleg iti langalang, itag-aynanto met ti umay.

15 Ket kas iti kaadunto ti kumita iti dayta nga uleg ti ^aagbiagto, ken kastanto met ti kaadu ti kumita iti Anak ti Dios nga addaan pammati, nga addaan iti sibabawi nga espiritu, ti ^bagbiag, uray pay iti dayta biag nga agnanayon.

16 Ket ita adtoy, saan la a pinaneknekan ni Moises dagitoy a banag, ngem dagiti pay ^aamin a nasantuan a propeta, manipud kadagidi aldawna agingga kadagiti aldaw ni Abraham.

17 Wen, ket adtoy, nakita ni ^aAbraham ti yaayna, ket napno iti ragsak ket nagrag-o.

18 Wen, ket adtoy kunak kadakayo, saan la nga ammo ni Abraham dagitoy a banag, ngem ^aadu sakbay dagiti aldaw ni Abraham ti naawagan babaen ti ^burnos ti Dios; wen, uray pay iti urnos ti Anakna; ket daytoy tapno maipakita kadagiti tao, iti naindaklan nga adu a ribu a tawen sakbay ti yaayna, nga umay pay kadakuada ti pannakasubbot.

19 Ket ita kayatko a maammuanyo, nga uray pay kadagidi aldaw ni Abraham adun dagidi propeta a nangpaneknek kadagitoy a banag; wen, adtoy, nakabatbatad ti pammaneknek ni propeta ^aZenos; a puon ti nakapapatayanna.

20 Ket adtoy, kasla met ni ^aZenock, ken ni Ezias, ken kasta met ni ^bIsaias, ken ni ^cJeremias, (ni met la Jeremias ti propeta a nangpaneknek iti pannakadadael ti ^dJerusalem) ket ita ammotayo a nadadael ti Jerusalem a maibatay kadagiti balikas ni Jeremias. O apay ngarud a saan nga umay ti Anak ti Dios, a maibatay iti padtona?

21 Ket ita susikenyo kadi a nadadael ti ^aJerusalem? Kunaenyo kadi a saan a napapatay dagiti ^blallaki nga annak ni Sedekias, amin malaksid ni ^cMulek? Wen, ket diyo kadi makita a kaduatayo ti bukel ni Sedekias, ket napapanawda iti daga a Jerusalem? Ngem adtoy, saan la a dagitoy—

22 Napapanaw ni amatayo a Lehi iti Jerusalem gapu iti panangpaneknekna kadagitoy a banag. Pinaneknekan met ni Nephi dagitoy a banag, ken kasta met ti dandani amin nga ammatayo, agpapan pay kadagitoy a panawen; wen, pinaneknekanda ti ^ayaay ni Cristo, ket ur-urayenda, ket nagragsakda iti aldawna a dumteng.

23 Ket adtoy, isu ti Dios, ket adda kadakuada, ket nagpakita kadakuada, tapno subbotenna ida; ket intedda kenkuana ti dayag, gapu iti dayta a dumteng.

24 Ket ita, iti pannakakitak nga ammoyo dagitoy a banag ket diyo maliklikan ida malaksid no agulbodkayo, ngarud iti daytoy nagbasolkayon, ta sinupringyo ^aamin dagitoy a banag, iti laksid ti adu unay a pammaneknek a naawatyo; wen, uray no naawatyon amin dagiti banag, agpadpada a bambanag iti langit, ken amin a bambanag nga adda iti daga, kas pammaneknek a pudnoda.

25 Ngem adtoy, sinupringyo ti kinapudno, ken ^aimmalsakayo a maibusor iti nasantuan a Diosyo; ken agpapan itoy a kanito, idinto koma a kawesanyo ti bagbagiyo kadagiti ^bgameng ti langit, nga awan ti narugit, ken awan ti makaumay a saan a nadalus, ap-apitenyo ti pungtot a maibusor iti aldaw a ^cpanangukom.

26 Wen, maluluomkayon iti daytoy a kanito, gapu kadagiti nadawel a pammapatayyo ken ^apanagdederrepyo ken kinadangkes, para iti agnanayon a pannakadadael; wen, ket malaksid no agbabawikayo umayto kadakayo iti saan a mabayag.

27 Wen, adtoy addan kadagiti ridawyo; wen, mapankayo iti pangukoman, ket agsukimatkayo; ket adtoy, napapatay a sidadawel ti ukomyo, ket ^anaudatal iti darana; ket pinapatay a sidadawel ^bti kabsatna, a nagpanggep nga agtugaw iti pangukoman.

28 Ket adtoy, agpadada a kameng ti nalimed a bunggoyyo, a ni Gadianton ti ^anangirugi ken dakes a nagpanggep a mangdadael kadagiti kararua dagiti tao.