1 Uye zvakaitika kuti mazuva aEta aive mumazuva aKorianduma; uye ^aKorianduma aive mambo wenyika yose.

2 Uye ^aEta aive muporofita waIshe; nokudaro Eta akauya mumazuva aKorianduma, uye akatanga kuporofita kuvanhu, nokuti haaikwaniswa ^bkurambidzwa pamusana peMweya waIshe wakanga uri maari.

3 Nokuti ^aaichema kubvira mangwanani, kana kusvika mukunyura kwezuva, achikurudzira vanhu kuti vatende kuna Mwari mukutendeuka nokuti ^bvangazoparadzwa, achiti kwavari ^cnerutendo zvose zvinhu zvinozadzikiswa—

4 Nokudaro, ani zvake anotenda kuna Mwari anogona kuve nechokwadi ^anetarisiro yenyika iri nani, hongu, kana nzvimbo kurudyi rwaMwari, iri tariro inouya nerutendo, uchive ^bmusimboti kumweya yevanhu, zvinovaita kuti vave nechokwadi uye vasimbe, vakawanza mabasa ^cakanaka nguva dzose, vachitungamirirwa ^dmukurumbidza Mwari.

5 Uye zvakaitika kuti Eta akaporofita zvinhu zvikuru nezvinoshamisa kuvanhu, zvavasina kutenda, nokuti vakanga vasingazvione.

6 Uye zvino ini Moronai, ndinotaura maererano nezvinhu izvi; ndingaratidze kunyika kuti ^arutendo zvinhu ^bzvinotarisirwa uye ^czvisingaonekwe; nokudaro musaite nharo nokuti hamuzi kuzviona, nokuti hamuwane umbowo kudakara rutendo rwenyu ^drwaedzwa.

7 Nokuti rwaive rutendo rwakaita kuti Kristu azviratidze kumadzibaba edu, mushure mekunge amuka muvafi; uye haana kuzviratidza kwavari kudakara vave nerutendo maari, nokudaro, zvinoreva kuti vamwe vaive nerutendo maari, nokuti haana kuzviratidza kunyika.

8 Asi pamusana perutendo rwevanhu akazviratidza kunyika, uye akarumbidza zita raBaba, uye akagadzira nzira kuti vamwe vagove vadyi vechipo chekudenga, kuti vatarisire zvavasati vaona.

9 Nokudaro, nemiwo makafanira kuve netariro, uye mugove vadyi vechipo, kana mukangoita rutendo chete.

10 Tarisai rwaive rutendo rwakaita kuti vekare ^avadaidzwe muhurongwa hutsvene hwaMwari.

11 Nokudaro, nerutendo mutemo waMosesi wakapiwa. Asi muchipo cheMwanakomana wavo Mwari vakagadzira imwe nzira ^ayakanyanya kunaka; uye rutendo rwakaita kuti zvizadzikiswe.

12 Nokuti kana pasina ^arutendo muvana vevanhu Mwari havagone kuita ^bchishamiso mukati mavo; nokudaro, havana kuzviratidza kudakara vave nerutendo.

13 Tarisai, rwaive rutendo rwaAruma naAmureki rwakaita kuti ^atirongo rikoromokere pasi.

14 Tarisai, rwaive rutendo rwaNifai naRihai rwakauyisa ^akushanduka kwemaRamani, zvekuti vakabhabhatidzwa nemoto neMweya ^bMutsvene.

15 Tarisai, rwaive rutendo ^arwaAmoni nehama dzake ^brwakaunza chishamiso chikuru kumaRamani.

16 Hongu, kana avo vose vakaita ^azvishamiso vakazviita ^bnerutendo, kana avo vakanga varipo Kristu asati auya neavowo vakauya shure kwake.

17 Uye rutendo rwakaita kuti vadzidzi vatatu vavimbiswe kuti ^ahavazofa; uye havana kuvimbiswa izvi kudakara vave neruvimbo.

18 Uye hakuna kana panguva ipi zvayo akamboita zvishamiso asina kutanga aratidza rutendo; nokudaro vakatanga vatenda muMwanakomana waMwari.

19 Uye kwaive nevazhinji vaive nerutendo rwakasimba zvikuru, kana Kristu ^aasati auya, vasina kuchengetwa vari kunze ^bkwechidzikatidzo, asi zvirokwazvo vakaona nemaziso avo zvinhu zvavakanga vaona neziso rerutendo, uye vakafara.

20 Uye tarisai, taona muzvinyorwa zvino kuti mumwe wavo mukoma waJaredhi; nokuti rutendo rwake rwaive rwukuru muna Mwari, zvekuti Mwari pavakaisa ^amunwe wavo havana kuuvanza kuti usaonekwe nemukoma waJaredhi, pamusana peshoko ravakanga vataura kwaari, shoko iri riri raakanga awana nerutendo.

21 Uye mushure mekunge mukoma waJaredhi aona munwe waIshe, pamusoro ^apekuvimbiswa kwakanga kwaitwa mukoma waJaredhi pamusana perutendo, Ishe havana kuzogona kumuvanzira kana chimwe chinhu; nokudaro vakamuratidza zvinhu zvose, nokuti akanga asisagone kuchengetwa ari kunze ^bkwechidzikatidzo.

22 Uye rutendo rwakaita kuti madzibaba angu ^avavimbiswe kuti zvinhu izvi zvichauya kuhama dzavo nekumaJentairi; naizvozvo Ishe vandiudza ini, hongu, kunyange Jesu Kristu.

23 Uye ndakati kwavari: Ishe maJentairi achaseka zvinhu izvi, pamusana ^apekusasimba kwedu mukunyora; nokuti Ishe makatiita vakuru mukutaura mazwi nerutendo, asi hamuna kutiita ^bvakuru mukunyora; nokuti makaita vanhu vose kuti vagone kutaura chaizvo, nekuda kweMweya Mutsvene uyo wamakavapa;

24 Uye makatiita kuti tinyore zvishoma-shoma, pamusana pekuipa kwemaoko edu. Tarisai, hamuna kutiita vakuru ^amukukunyora sezvamakaita mukoma waJaredhi, nokuti makamuita kuti zvinhu zvaakanyora zvikure kana sekuita zvamakaita, kuita kuti vanhu vazviverenge.

25 Makaitawo kuti mazwi edu ave nesimba uye ari makuru, kana tisingagone kuanyora; nokudaro, kana tave kunyora tinobva taona kusasimba kwedu, uye tonetsekana nekuronga mazwi edu; uye ndinotya kuti maJentairi ^aachaseka mazwi edu.

26 Uye zvino pandakange ndataura izvi, Ishe vakataura kwandiri, vachiti: Zvirema ^azvinoseka, asi vachachema; uye nyasha dzangu dzakakwana kune vanyoro, kuti havazoita zvinhu pamusana pekusasimba kwenyu;

27 Uye kana vanhu vakauya kwandiri ndichavaratidza ^akusasimba kwavo. ^bNdinopa kuvanhu kushaya simba kuti vave vakapfava; uye ^cnyasha dzangu dzinokwana kuvanhu vose ^dvanozvininipisa pamberi pangu, nokuti kana vakazvirereka pamberi pangu, uye vaine rutendo mandiri, zvino ndichaita kuti ^ezvisina simba zvive nesimba kwavari.

28 Tarisai, ndicharatidza kumaJentairi kusasimba kwavo, uye ndicharatidza kwavari kuti ^arutendo, ruvimbo nerudo rwakadzama zvinounza kwandiri—chisipiti chekururama kwose.

29 Uye ini Moronai, ndanzwa mazwi aya, ndakanyaradzwa, uye ndikati: Imi Ishe, kuda kwenyu kwakarurama ngakuitwe, nokuti ndinoziva kuti munoshanda muvana vevanhu maererano nerutendo rwavo;

30 Nokuti mukoma waJaredhi akati kugomo Zerini, ^aIbva—uye rikabva. Uye dai akanga asina rutendo ringadai risina kubva; nokudaro munoshanda kana vanhu vave nerutendo.

31 Nokuti ndiko kuzviratidza kwamakaita kuvadzidzi venyu; nokuti pavakanga vave ^anerutendo, uye vachitaura nemuzita renyu, imi makabva mazviratidza kwavari nesimba guru.

32 Uye ndinoyeukawo kuti makati makagadzirira munhu imba, hongu, kana pakati ^apemazimba-makuru aBaba venyu, umo munoita kuti munhu ave ^bnetariro yakanyanya kunaka; nokudaro munhu anofanira kutarisira, kana kuti haangazogashira nhaka munzvimbo yamakagadzira.

33 Uye zvakare, ndakarangarira kuti makati ^amakada nyika, kana kusvika pakupa upenyu hwenyu kuti mufire nyika, kuti mungahutore zvakare kuti mugogadzirira nzvimbo vana vevanhu.

34 Uye zvino ndave kuziva kuti ^arudo urwu rwamuinarwo kuvana vevanhu rudo rwakadzama; nokudaro, kunze kwekunge vanhu vave nerudo rwakadzama havagone kugara nzvimbo iya yamakavagadzirira muzimba guru raBaba venyu.

35 Nokudaro, ndinoziva nechinhu ichi chamataura, kuti kana maJentairi asina rudo rwakadzama, pamusoro pekusasimba kwedu, kuti muchavaratidza, uye movatorera ^achipo chavo, hongu, kana icho chavakanga vatogashira, uye mopa avo vachazowana zvakanyanya.

36 Uye zvakaitika kuti ndakanamata kuna Ishe kuti vanzwire maJentairi ^anyasha, kuti vave nerudo rwakadzama.

37 Uye zvakaitika kuti Ishe vakati kwandiri: Kana vasina rudo rwakadzama hazvinei kwauri, iwe une rutendo; nokudaro, nhumbi dzako ^adzichacheneswa. Uye pamusana pekuti waona ^bkusasimba kwako uchasimbiswa, kana kusvika mukugara munzvimbo iyo yandakagadzira muzimba guru raBaba vangu.

38 Uye zvino ini Moronai, ndinooneka maJentairi, hongu, nekuhama dzanguwo dzandinoda, kudakara tasangana pamberi pechigaro ^achekutonga chaKristu, apo pachaziva vose vanhu kuti ^bnhumbi dzangu hadzina kusvibiswa neropa renyu.

39 Uye zvino ndipo pamuchaziva kuti ^andakaona Jesu, nekuti akataura neni ^btakatarisana, nokuti akanditaurira nokupfava kuri pachena, sekutaura kunoita munhu kune mumwe nemururimi rwangu, maererano nezvinhu izvi;

40 Uye ndakanyora mashomanani chete, pamusana pekutadza kunyora kwangu.

41 Uye zvino, ndinokukuridzirai kuti ^amutsvake iye Jesu uyu akanyorwa nezvake nevaporofita nevaapositori, kuti nyasha dzaMwari Baba, naiyewo Ishe Jesu Kristu, neMweya Mutsvene, ^bunopupura nezvavo, ungave uye ugogara mamuri nariini. Ameni.