INcwadzi yaMormon

Ngaloko-ke, ingulokufinyetiwe kwembhalo webantfu bemaNefi futsi kanjalo nemaLamani—Yabhalelwa emaLamani layinsali yendlu yaka-Israyeli; kanjalo neliJuda kanye nakuweTive—Yabhalwa ngendlela yekuyaleta, kanjalo nangemoya wekuphrofetha kanye newekwembulelwa—Yabhalwa futsi yavalwa, yafihlwa eNkhosini, kute ingonakaliswa—Kute iphume ngesipho kanye nangemandla aNkulunkulu ekuhunyushweni kwayo—Yavalwa ngesandla saMoroni, yaphindze yafihlwa eNkhosini, kute iphume ngesikhatsi lesifanele ngendlela yeweTive—Kuhunyushwa kwayo ngesipho saNkulunkulu.

Lokufinyetiwe lokutsatfwe eNcwadzini ya-Etheri, lokungumbhalo webantfu baJaredi, labebahlakatwe ngesikhatsi iNkhosi iphambanisa lulwimi lwebantfu, ngesikhatsi bakha umbhoshongo kute bafinyelele ezulwini—Lokutokhombisa insali yendlu yaka-Israyeli kutsi ngutiphi tintfo letinkhulu iNkhosi leyatentela bokhokho babo. Nekutsi batati tivumelwano teNkhosi, nekutsi abakalahlwa ingunaphakadze—Futsi kanjalo nekukholwisa liJuda kanye neweTive kutsi Jesu unguKhristu, Nkulunkulu waPhakadze, lotibonakalisa kuto tonkhe tive—Futsi manje, uma kukhona emaphutsa ngemaphutsa ebantfu; ngaloko-ke, ungatigceki tintfo taNkulunkulu, kute utfolakale ungenasici esihlalweni sekwehlulela saKhristu.