1 Whakarongo mai, E koutou ngā Tauiwi, kia rongo ai i ngā kupu a Ihu Karaiti, te Tama a te Atua ora tonu, kua whakahaua au e ia kia kōrero atu au e pā ana ki a koutou, nana rā, kua whakahau ia ki ahau kia tuhia, e mea ana:

2 Tahuri, e koutou ngā Tauiwi katoa, mai i ā koutou āhuatanga kino; ā, rīpenetā i ā koutou mahinga kino, i ā koutou rūkahu me ā koutou tinihanga, i ā koutou mahi pūremu, i ā koutou mōrikarika huna, i ā koutou whakapakoko, i ā koutou kōhurutanga, i ā koutou mahi tohunga teka, i ā koutou pūhaehae, i ā koutou tautohetohe, i ā koutou whakarihariha me ā koutou mōrikarika katoa, ā, haere mai ki ahau, kia rumakina i runga i tōku ingoa, kia whiwhi ai koutou i tētahi murunga i ō koutou hara, kia whakakīa nei ki te Wairua Tapu, kia tatauria ngātahitia me tōku iwi ko rātou nei nō te whare o Iharaira.