Arami

Pukapuka a Moromona

Ko te Whakatakinga me ngā Kōrero Whakaaturanga
1 Nīwhai
2 Nīwhai
Hākopa
Enoha
Haroma
Ōmoni
Ko ngā Kupu a Moromona
Mōhia
Arami
Heramana
3 Nīwhai
4 Nīwhai
Moromona
Ētere
Moronai
He Rārangi Tohutoro mō te Pukapuka a Moromona

Arami

Upoko 1
Ka whakaako a Neho i ngā whakaakoranga teka, ka whakapūmautia e ia tētahi hāhi, ka whakaurua mai te mahi tohunga teka, ā, ka patua a Kiriona—Ka whakamatea a Neho mō ana hara—Ka hōrapa haere ngā mahi tohunga teka me ngā whakahāweatanga ki waenganui i te iwi—Ka mahi ngā pirihi mō ō rātou ake oranga, ka atawhaitia te hunga pōhara e te iwi, ā, ka whai oranga te Hāhi. Takiwā 91–88 M.K.
Upoko 2
Ka whai a Amariki hei kīngi, ā, ka whakaparahakotia e te reo o te iwi—Ka whakatūria ia hei kīngi e ana kaiaru—Ka pakanga atu ngā Amariki ki ngā Nīwhai, ā, ka hinga rātou—Ka whakakotahi ngā Rāmana me ngā Amariki i ō rātou tauā, ā, ka hinga rātou—Ka patu a Arami i a Amariki. Takiwā 87 M.K.
Upoko 3
Kua whaitohungia ngā Amariki e rātou anō e ai ki te kupu poropiti—Kua kangaia ngā Rāmana mō tā rātou haututū—Ka kūmea iho e te tangata ō rātou ake kanga ki runga i a rātou anō—Ka hinga anō tētahi atu tauā Rāmana i ngā Nīwhai. Takiwā 87–86 M.K.
Upoko 4
Ka rumakina e Arami ngā tāngata manomano i uru ai ki te hāhi—Ka uru mai te hara ki roto i te hāhi, ā, ka raru te kāneke whakamuatanga o te hāhi—Ka whakataua a Nīwhaihā hei kaiwhakawā matua—Ka aro atu a Arami, koia te pirihi teitei, ki te minitatanga. Takiwā 86–83 M.K.
Upoko 5
Me rīpenetā, ā, me pupuri i ngā whakahaunga kia whakaorangia ai te tangata, me whānau mai anō, me whakamā ō rātou kākahu mā roto i te toto o te Karaiti, kia māhaki, ā, kia tīhore iho i a rātou anō te whakapehapeha me te pūhaehae, me te mahi i ngā mahinga tika—Ka karangatia e te Hepara Pai Tana iwi—He tamariki nā te rēwera te hunga e mahi ana i ngā mahinga kino—Ka whakaatu a Arami i te pono o tana whakaakoranga me te whakahau i te tangata kia rīpenetā—Ka tuhia ngā ingoa o te hunga tika i roto i te pukapuka o te oranga. Takiwā 83 M.K.
Upoko 6
Ka whakamākia te hāhi i Harahemara, ā, ka whakatikahia—Ka haere a Arami ki Kiriona ki te kauhau. Takiwā 83 M.K.
Upoko 7
Ka whānau mai te Karaiti i a Mere—Māna ngā hereherenga o te mate e wewete me te waha i ngā hara o Tōna iwi—Ka whiwhi te hunga e rīpenetā ai, e rumakina ai, ā, e pupuri ai i ngā whakahaunga i te oranga tonutanga—Tē taea e te pokenga te whiwhi i te kīngitanga o te Atua—Ko te whakaiti, te whakapono, te tūmanako, me te aroha noa ngā mea me whai hei uru atu. Takiwā 83 M.K.
Upoko 8
Ka kauhau a Arami ā, ka rumaki i Mereki—Ka whakaparahakotia ia i Amonaiha, ā, ka wehe atu—Ka whakahaua ia e tētahi anahera kia hoki atu me te karanga atu i te rīpenetātanga ki te iwi—Ka whakawhiwhia ia e Amureke, kātahi ka kauhau tahi atu rāua i Amonaiha. Takiwā 82 M.K.
Upoko 9
Ka whakahau a Arami i te iwi o Amonaiha kia rīpenetā—Ka aroha te Ariki ki ngā Rāmana i ngā rā whakamutunga—Ki te whakarērea te māramatanga e ngā Nīwhai, ka whakangaromia rātou e ngā Rāmana—Ka haere mai te Tama a te Atua ākuanei—Māna e hoko te hunga e rīpenetā, e rumaki, ā, e whakapono anō i Tōna ingoa. Takiwā 82 M.K.
Upoko 10
He uri whakaheke a Rīhai i a Mānahe—Ka takina e Amureke i tā te anahera whakahau kia tiakina a Arami e ia—Ka tohua ngā tāngata e ngā inoi a te hunga tika—Ka whakatakotohia te tūāpapa o te whakangaromanga e ngā rōia me ngā kaiwhakawā kino. Takiwā 82 M.K.
Upoko 11
Ka whakaritea te pūnaha pūtea Nīwhai—Ka tautohe a Amureke ki a Tēroma—Kāore te Karaiti e whakaora i te tangata i roto i ō rātou hara—Ka whakaorangia anake te hunga e whiwhi i te kīngitanga o te rangi—Ka ara ake ngā tāngata katoa i roto i te oranga mutunga kore—Kāore he matenga a muri i te Aranga. Takiwā 82 M.K.
Upoko 12
Ka kōrero a Arami ki a Tēroma—Ka whakamōhiotia atu ngā mea ngaro a te Atua ki te hunga whakapono anake—E whakawākia ana te tangata e ō rātou whakaaro, ō rātou whakapono, ā rātou kupu me ā rātou mahinga—Ka mate ā-wairua te hunga kino—He āhuatanga whakamātautau tēnei oranga ira tangata—Ka pahawa ake te Aranga i te mahere o te hokonga me te murunga hara mā roto i te whakapono—Kua whai kerēme te hunga rīpenetā ki te aroha mā roto i te Tama Kotahi Anake. Takiwā 82 M.K.
Upoko 13
Ka karangatia ngā tāne hei pirihi teitei nā ō rātou whakapono nui me ā rātou mahi pai—Me whakaako rātou i ngā whakahaunga—Ka whakamākia rātou mā roto i te tika, ā, ka tomo atu ki roto i te okiokinga o te Ariki—Ko Merekihereke tētahi o ēnei—E whakapuaki ana ngā anahera i ngā rongo whakahari puta noa i te whenua—Mā rātou te haerenga mai a te Karaiti e whakapuaki. Takiwā 82 M.K.
Upoko 14
Ka hereheretia, ā, ka patua a Arami rāua ko Amureke—Ka tahuna te hunga whakapono me ā rātou karaipiture tapu e te ahi—Ka whakawhiwhia korōriatia ēnei e te Ariki—Ka pākarukaru, ā, ka hingahinga iho ngā pakitara o te whareherehere—Ka whakaputaina a Arami rāua ko Amureke, ā, ka whakamatea ō rātou kaitāwai. Takiwā 82–81 M.K.
Upoko 15
Ka haere a Arami rāua ko Amureke ki Hiromo kia whakapūmautia te hāhi—Ka mahu a Arami i a Tēroma, ka uru ia ki roto i te hāhi—Ka rumakina ngā mea tokomaha, ā, ka whaiora te Hāhi—Ka haere a Arami rāua ko Amureke ki Harahemara. Takiwā 81 M.K.
Upoko 16
Ka whakangaromia te iwi o Amonaihā e ngā Rāmana—Ka ārahina ngā Nīwhai e Hōrama kia wikitōria ai i runga i ngā Rāmana—Ka kauhau a Arami rāua ko Amureke me ētahi atu mea tokomaha i te kupu—Ka whakaako rātou, nā, hei muri i Tana Aranga ka puta mai te Karaiti ki ngā Nīwhai. Takiwā 81–77 M.K.
Upoko 17
I ngā tama a Mōhia te wairua o te poropititanga me te whakakitenga—Ka haere rātou i ō rātou ake huarahi ki te whakapuaki i te kupu ki ngā Rāmana—Ka haere a Amona ki te whenua o Ihimaera, ā, ka meinga ia hei pononga nā kīngi Ramoni—Ka whakaora a Amona i ngā kāhui a te kīngi, ā, ka patua ōna hoariri i ngā wai o Hepuha. Ko ngā whiti 1–3, takiwā 77 M.K.; ko te whiti 4, takiwā 91–77 M.K.; me ngā whiti 5–39, takiwā 91 M.K.
Upoko 18
Ka whakaaro a kīngi Ramoni ko Amona te Wairua Nui—Ka whakaako a Amona i te kīngi e pā ana ki te Hanganga, ngā mahinga a te Atua ki te tangata me te hokonga e puta mai ana mā roto i te Karaiti—Ka whakapono a Ramoni, ā, ka hinga ia anō nei kua mate. Takiwā 90 M.K.
Upoko 19
Ka whiwhi a Ramoni i te māramatanga o te oranga mutunga kore, ā, ka kite ia i te Kaihoko—Ka hinga iho tōna whare i tētahi āhuatanga, ā, ka kitea ngā anahera maha—Ka tiakina mīharotia a Amona—Ka rumaki ia i ngā mea tokomaha, ā, ka whakapūmautia tētahi hāhi i waenganui i a rātou. Takiwā 90 M.K.
Upoko 20
Ka tonoa atu a Amona e te Ariki ki Mironi kia whakaputaina ai ōna teina i te hereherenga—Ka tūtaki a Amona rāua ko Ramoni i tō Ramoni matua, koia te kīngi i runga i te whenua katoa—Ka ākina te kīngi koroua e Amona kia whakaae ki te tukunga atu o ōna teina. Takiwā 90 M.K.
Upoko 21
Ka whakaako a Arona i ngā Amareki mō te Karaiti me Tōna Whakamārietanga—Ka whakahereheretia a Arona rātou ko ana teina i Mironi—Whai muri iho i tā rātou whakaputanga, ka whakaako rātou i roto i ngā whare karakia, ā, ka whakatahuri mai i ngā tāngata tokomaha—Ka tukuna e Ramoni te mana kōwhiringa whakapono ki te iwi i roto i te whenua o Ihimaera. Takiwā 90–77 M.K.
Upoko 22
Ka whakaako a Arona i te matua o Ramoni mō te Orokohanganga, te Takanga a Arama, me te mahere o te hokonga mā roto i te Karaiti—Ka whakatahuritia te kīngi rātou ko tōna whare—Ka whakamāramatia te whakarohenga o ngā whenua i waenganui i ngā Nīwhai me ngā Rāmana. Takiwā 90–77 M.K.
Upoko 23
Kua whakapuakina atu te mana kōwhiri whakapono—Ka whakatahuritia ngā Rāmana i roto i ngā pā e whitu—Ka karangatia rātou e rātou anō ko ngā Anati-Nīwhai-Rīhai, ā, ka whakawāteahia rātou i te kanga—Ka whakaparahako ngā Amareki me ngā Amurono i te pono. Takiwā 90–77 M.K.
Upoko 24
Ka whakaeke mai ngā Rāmana ki te iwi o te Atua—Ka hari ngā Anati-Nīwhai-Rīhai i te Karaiti, ā, ka torona iho e ngā anahera—He pai kē ake te mate ki a rātou i te whawhai mō ō rātou oranga—Ka whakatahuritia ngā Rāmana tokomaha. Takiwā 90–77 M.K.
Upoko 25
Ka whānui haere te riri Rāmana—Ka mate ngā uri o ngā pirihi a Noa pērā i tā Apinati i poropiti ai—Ka whakatahuritia mai ngā Rāmana, ā, ka hono mai ki ngā Anati-Nīwhai-Rīhai—Ka whakapono rātou ki te Karaiti, ā, ka puritia te ture a Mohi. Takiwā 90–77 M.K.
Upoko 26
Ka whakakorōria a Amona i roto i te Ariki—Ka whakakahangia te hunga whakapono e te Ariki, ā, ka hoatu mātauranga ki a rātou—Mā te whakapono ka kumea e te tangata ngā wairua manomano ki te rīpenetātanga—Kei te Atua te mana katoa, ā, e mārama ana ki ngā mea katoa. Takiwā 90–77 M.K.
Upoko 27
Ka whakahau te Ariki i a Amona kia ārahina te iwi o Anati-Nīwhai-Rīhai ki te wāhi haumaru—Ka pau te kaha o Amona i tana tūtaki ki a Arami—Ka tukuna e ngā Nīwhai te whenua o Herehona ki ngā Anati-Nīwhai-Rīhai—Ka karangatia rātou ko te iwi o Amona. Takiwā 90–77 M.K.
Upoko 28
Ka hinga ngā Ramana i tētahi pakanga nui whakaharahara—Ka patua ngā mea manomano—Ka whakatauhia te hunga whakarihariha ki tētahi āhuatanga auē mutunga kore; ka riro i te hunga tika tētahi haringa mutunga-kore. Takiwā 77–76 M.K.
Upoko 29
E hiahia ana a Arami ki te karanga atu i te rīpenetātanga i runga i te ngākau nui anahera—Ka tukuna e te Ariki he kaiako mō ngā iwi katoa—Ka whakakorōria a Arami i te mahi a te Ariki me te waimārietanga o Amona rātou ko ana teina. Takiwā 76 M.K.
Upoko 30
Ka taunu a Koriho, arā, te ātete-Karaiti, i te Karaiti, i te Whakamārietanga me te wairua o te poropititanga—Kāore he Atua, tāna i whakaako ai, kāore tētahi takanga o te tangata, ā, kāore he Karaiti—Ka whakaatu a Arami, nā, ka haere mai te Karaiti, ā, e tohua mai ana e ngā mea katoa he Atua—Ka tonoa mai e Koriho tētahi tohu kātahi ka pākia ia kia reo kore ai—I puta mai te rēwera ki a Koriho me te mea nei he anahera, ā, nāna ia i whakaako he aha tāna e kī ai—Ka takahia iho a Koriho, ā, ka mate. Takiwā 76–74 M.K.
Upoko 31
Ka whakahaere a Arami i tētahi mīhana ki te whakahoki i ngā Hōrama whakaparahako—Ka whakakore ngā Hōrama i te Karaiti, ka whakapono ki tētahi tikanga kōwhiringa pōti teka, ā, ka koropiko i runga i ngā karakia tātaitanga—Ka kī ngā mihingare i te Wairua Tapu—Ka horomia ake ō rātou whakamamaetanga i te haringa o te Karaiti. Takiwā 74 M.K.
Upoko 32
Ka whakaako a Arami i te hunga rawakore kua whakaitia iho rātou e ō rātou whakamamaetanga—He tūmanako te whakapono i roto i tērā mea kāore e kitea ana engari he pono—Ka whakaatu a Arami ka minita ngā anahera ki ngā tāne, wāhine, me ngā tamariki—Ka whakataurite a Arami i te kupu ki tētahi kākano—Me whakatō, ā, me whāngai—Kātahi ka tupu hei rākau hei reira hutia ai te hua o te oranga tonutanga. Takiwā 74 M.K.
Upoko 33
I whakaako a Henohi kia inoi te tangata, ā, kia koropiko te tangata i ngā wāhi katoa, ā, ka whakatahuritia atu ngā whakawākanga nā te Tama—I whakaako a Hēnoka he mea whakatau iho te whakaaroha nā te Tama—I mairangatia ake e Mohi tētahi momo o te Tama a te Atua i te koraha. Takiwā 74 M.K.
Upoko 34
Ka whakaatu atu a Amureke kei roto te kupu i te Karaiti ki te whakaoranga—Ki te kore e whakamahia tētahi whakamārietanga, ka ngaro ngā tāngata katoa—Ka aro atu te ture a Mohi katoa ki te whakaherenga o te Tama a te Atua—ko te whakapono me te rīpenetātanga te pūtaketanga o te mahere mau tonu o te hokonga—Me inoi mō ngā manaakitanga ā-tinana me ngā manaakitanga ā-wairua—He wā tēnei oranga kia whakarite ai ngā tāngata ki te tūtaki i te Atua—Whakatutukihia tō whakaoranga i runga i te wehi i te aroaro o te Atua. Takiwā 74 M.K.
Upoko 35
Ka whakangaro te kauhautanga o te kupu i te tinihanga a ngā Hōrama—Ka panaia atu e rātou ngā mea i whakatahuritia, kātahi rātou ka hono atu ki te iwi o Amona i Herehona—Ka pōuri a Arami nā te whakarihariha o te iwi. Takiwā 74 M.K.
Upoko 36
Ka whakaatu atu a Arami ki a Heramana mō tana whakatahuritanga whai muri iho i tana kitenga atu i te anahera—I mamae ia i ngā mamaetanga o tētahi wairua kua whakatauhia atu ki te ao rēwera; i karanga ake ia ki te ingoa o Ihu, kātahi ia ka whānau mai i te Atua—I kī tana wairua i te haringa āhuareka—I kite ia i ngā huinga anahera e whakawhetai ana i te Atua—He tokomaha ngā kaiuru i kai ai, ā, i kite ai pērā i tāna kai me tāna kite. Takiwā 74 M.K.
Upoko 37
Ka tiakina ngā papa parāhe me ērā atu karaipiture kia whakaorangia ai ngā wairua—I whakangaromia ngā Iarere nā tō rātou whakarihariha—Me muna ā rātou oati huna me ā rātou kawenata huna i te iwi—Me rūnanga tahi ki te Ariki i āu mahinga katoa—Pērā i tā te Riahona i ārahi i ngā Nīwhai ka ārahina pērāhia te tangata e te kupu a te Karaiti ki te oranga tonutanga. Takiwā 74 M.K.
Upoko 38
I whakahāwea a Hipirona mō te tika—Kei roto i te Karaiti te whakaoranga, koia te oranga me te māramatanga o te ao—Parairehia ōu mate kanehe. Takiwā 74 M.K.
Upoko 39
He mōrikarikatanga te hara onioni—Nā ngā hara onioni a Korianato kīhai ngā Hōrama i whiwhi i te kupu—Ka whakaorangia te hunga whakapono katoa i ora ai i mua i tā te Karaiti hokonga. Takiwā 74 M.K.
Upoko 40
Ka pahawa ake i te Karaiti te aranga o ngā tāngata katoa—Ka haere te hunga mate tika ki te pararaiha, ā, ka haere te hunga mate kino ki te pōuritanga ki tua kia tāria ai te rā o tō rātou aranga—Ka whakahokia ngā mea katoa ki tō rātou āhuatanga pai, ā, ki tō rātou āhuatanga tika rawa i te Aranga. Takiwā 74 M.K.
Upoko 41
Hei te Aranga ka haere mai te tangata ki roto i tētahi āhuatanga o te harikoa mutunga kore, o te pōuritanga mutunga kore rānei—Kīhai rawa te whakarihariha i te harikoa—Kāore i ngā tāngata kikokiko te Atua i te ao—Ka whiwhi anō ia tangata, ia tangata i ngā āhuatanga whaiaro me ngā āhuatanga ā-tangata i whiwhi ai i te oranga i te wā o te Whakahokinga. Takiwā 74 M.K.
Upoko 42
He whakamātautauranga tēnei oranga kia taea ai e te tangata te rīpenetā me te mahi ki te Atua—Ka pahawa ake te matenga o te tīnana me te matenga o te wairua i te Takanga—Ka pahawa ake te hokonga mā roto i te rīpenetātanga—Ka whakamārietia ngā hara o te ao e te Atua ake anō—Mā te hunga e rīpenetā te whakaaroha—Ka tau te tika o te Atua ki runga i ērā atu tāngata katoa—Ka pahawa ake te whakaaroha nā te Whakamārietanga—Ka whakaorangia te hunga rīpenetā anake. Takiwā 74 M.K.
Upoko 43
Ka kauhau a Arami rātou ko ana tama i te kupu—Ka huri atu ngā Hōrama me ētahi atu kaitītore Nīwhai hei Rāmana—Ka haere mai ngā Rāmana ki te pakanga ki ngā Nīwhai—Ka whakakākahutia ngā Nīwhai e Moronai ki ngā tōpuni tauwhāinga—Ka whakakitea e te Ariki te rautaki a ngā Rāmana ki a Arami—Ka tiaki ngā Nīwhai i ō rātou kāinga, ō rātou tika, ō rātou whānau, tō rātou whakapono hoki—Ka karapotia ngā Rāmana e ngā tauā o Moronai rāua ko Rīhai. Takiwā 74 M.K.
Upoko 44
Ka whakahau a Moronai i ngā Rāmana kia hohou ai te rongo ki te kore ka whakangaromia—Ka whakaparahako a Herahemena i taua kōrero, ā, ka tīmata anō te whawhai—Ka hinga ngā Rāmana i ngā tauā a Moronai. Takiwā 74–73 M.K.
Upoko 45
Ka whakapono a Heramana ki ngā kupu a Arami—Ka poropititia e Arami te whakangaromanga a ngā Nīwhai—Ka manaakitia, ā, ka kangaia e ia te whenua—Kua kahakina ake pea a Arami e te Wairua, pērā i a Mohi—Ka tupu haere te tītorehanga i te hāhi. Takiwā 73 M.K.
Upoko 46
Ka whakatapeha a Amarikaia hei kīngi ia—Ka hāpaingia e Moronai te kara o te herekoretanga—Ka whakaopeope ia i te iwi kia tiakina tō rātou hāhi—E karangatia ana te hunga whakapono tūturu ko ngā karaitiana—Ka tiakina ētahi mōrehu o Hōhepa—Ka tahuti atu a Amarikaia rātou ko ngā kaitītore ki te whenua o Nīwhai—Ka whakamatea te hunga e kore nei e tautoko i te kaupapa o te herekoretanga. Takiwā 73–72 M.K.
Upoko 47
Ka meinga a Amarikaia hei kīngi i runga i ngā Rāmana mā te tinihanga, te kōhuru me te whakangārahu—He kino ake, ā, he matakakā ake ngā kaitītore Nīwhai i ngā Rāmana. Takiwā 72 M.K.
Upoko 48
Ka whakaohokia ngā Rāmana e Amarikaia ki ngā Nīwhai—Ka whakaritea e Moronai tana iwi ki te tiaki i tō te Karaitiana kaupapa—Ka harikoa ia i runga i te herekoretanga, ā, he tangata mārohirohi ia nā te Atua. Takiwā 72 M.K.
Upoko 49
Kīhai i taea e ngā Rāmana ngā pā tūwatawata o Amonaiha me Noa—Ka kangaia e Amarikaia te Atua, ā, ka oati ia ki te inu i te toto o Moronai—Ka whakakaha tonu a Heramana rātou ko ana teina i te Hāhi. Takiwā 72 M.K.
Upoko 50
Ka whakatūwatawata a Moronai i ngā whenua o ngā Nīwhai—Ka waihanga rātou i ngā pā hou maha—I tū ngā pakanga me ngā whakangaromanga i ngā Nīwhai i ngā rā o ō rātou whakarihariha me ō rātou mōrikarika—Ka hinga a Moriatono rātou ko ana kaitītore i a Teanakuma—Ka mate a Nīwhaihā, ā, ka whakakīngia te nohoanga whakawā e tana tama a Pahorana. Takiwā 72–67 M.K.
Upoko 51
Ka whai ngā tāngata kīngi ki te whakarerekē i te ture, ā, ki te whakatū kīngi—Ka tautokona a Pahorana rātou ko ngā tāngata herekore e te reo o te iwi—Ka ākina ngā tāngata kīngi e Moronai ki te tiaki i tō rātou whenua, ā, kia whakamatea rānei—Ka mau i a Amarikaia rātou ko ngā Rāmana ngā pā tūwatawata maha—Ka pana atu a Teanakuma i te whakaekenga Rāmana, ā, ka whakamatea a Amarikaia i tōna teneti. Takiwā 67–66 M.K.
Upoko 52
Ka whakakapi a Amonoro i a Amarikaia hei kīngi mō ngā Rāmana—Ka ārahi a Moronai rātou ko Teanakuma, ko Rīhai i ngā Nīwhai i tētahi pakanga i wikitōria ai i runga i ngā Rāmana—Ka whakahokia te pā o Mureke, ā, ka whakamatea a Hākopa te Hōrama. Takiwā 66–64 M.K.
Upoko 53
Ka whakamahia ngā mauhere Rāmana ki te whakatūwatawata i te pā o Mōmona—Ka ahu mai ngā wikitōria Rāmana nā ngā tītorehanga i waenganui i ngā Nīwhai—Ka riro i a Heramana te mana whakahau i ngā tama taiohi rua mano o te iwi o Amona. Takiwā 64–63 M.K.
Upoko 54
Ka whakawhitiwhiti kōrero a Moronai rāua ko Amonoro e pā ana ki te whakawhitiwhiti mauhere—Ka tonoa e Moronai kia hoki atu ai ngā Rāmana me te whakamutu i ā rātou whakaekenga kōhuru—Ka tonoa e Amonoro kia whakatakotohia iho e ngā Nīwhai ā rātou patu, ā, kia heke iho rātou ki raro i te mana o ngā Rāmana. Takiwā 63 M.K.
Upoko 55
Kāore a Moronai e whakaae ki te whakawhitiwhiti mauhere—Ka whakapoapoahia ngā kaitiaki Rāmana kia haurangi ai, ā, ka whakaputaina ngā mauhere Nīwhai—Ka riro te pā o Kire i runga i te whakaheke toto kore. Takiwā 63–62 M.K.
Upoko 56
Ka tonoa atu e Heramana tētahi pukapuka ki a Moronai, e kōrero ana mō te āhuatanga o te pakanga ki ngā Rāmana—Ka whai wikitōria nui a Anatipu rāua ko Heramana i runga i ngā Rāmana—Ka mīharo nui te kaha o te whawhai a ngā tama taiohi rua mano a Heramana, ā, kāore i whakamatea te mea kotahi o rātou. Ko te whiti 1, takiwā 62 M.K.; ko ngā whiti 2–19, takiwā 66 M.K.; ā, ko ngā whiti 20–57, takiwā 65–64 M.K.
Upoko 57
Ka kōrero a Heramana mō te rironga i a Anatipara me te tuohutanga me te tiakanga nō muri mai o Kumeni—Ka māia te whawhai o āna taiohi Amona; ka toutūngia ngā mea katoa, engari kāore tētahi i whakamatea—Ka tuku pūrongo a Kire e pā ana ki te whakamatenga me te mawhititanga o ngā mauhere Rāmana. Takiwā 63 M.K.
Upoko 58
Ka mau i a Heramana rātou ko Kire, ko Teomonere te pā o Manati i runga i te mahere rautaki—Ka hoki atu ngā Rāmana—Ka tiakina ngā tama o te iwi o Amona i a rātou e tū kaha ana ki te tiaki i tō rātou herekoretanga me tō rātou whakapono. Takiwā 63–62 M.K.
Upoko 59
Ka tono atu a Moronai ki a Pahorana kia whakakahangia ngā tauā a Heramana—Ka riro i ngā Rāmana te pā o Nīwhaihā—E riri ana a Moronai ki te kāwanatanga. Takiwā 62 M.K.
Upoko 60
Ka komekome a Moronai ki a Pahorana e pā ana ki te whakaaro kore o te kāwanatanga ki ngā tauā—Ka tukuna te hunga tika e te Atua kia whakamatea—Me whakapau ngā Nīwhai i tō rātou kaha katoa me ō rātou mea katoa ki te whakaputa i a rātou anō i ō rātou hoariri—Ka whakatūpato a Moronai i te Kāwanatanga ka whawhai atu ia ki a rātou ki te kore rātou e tuku āwhina atu ki āna tauā. Takiwā 62 M.K.
Upoko 61
Ka kōrero atu a Pahorana ki a Moronai e pā ana ki te ngangaretanga me te haututūtanga ki te kāwanatanga—Ka riro i ngā tāngata-kīngi a Harahemara, ā, kei roto rātou i tētahi whakaritenga me ngā Rāmana—Ka tono a Pahorana i te āwhina a te tauā ki ngā kūpapa. Takiwā 62 M.K.
Upoko 62
Ka hīkoi atu a Moronai ki te āwhina i a Pahorana i te whenua o Kiriona—Ka whakamatea ngā tāngata-kīngi e kore nei e whakaae ki te tiaki i tō rātou whenua—Ka riro anō a Pahorana rāua ko Moronai i a Nīwhaihā—Ka hono atu ngā Rāmana tokomaha ki te iwi o Amona—Ka whakamate a Teanakumu i a Amonoro kātahi ka patua ia anō hoki—Ka āia atu ngā Rāmana i te whenua, ā, ka houhia te rongo—Ka hoki atu a Heramana ki te minitatanga, ā, ka whakatupuria ake e ia te hāhi. Takiwā 62–57 M.K.
Upoko 63
Ka riro i a Hipirona me Heramana whai muri ngā tuhinga tapu—Ka hūnuku atu ngā Nīwhai tokomaha ki te whenua whakateraki—Ka waihanga a Hakota i ētahi kaipuke, ka mānu atu i te moana i te uru—Ka hinga ngā Rāmana i a Moronaihā i te pakanga. Takiwā 56–52 M.K.