1 Li raatin laj Jakob, riitz’in laj Nefi, li kixye re lix tenamit laj Nefi:

2 K’ehomaq reetal, ex was wiitz’in raarookex inb’aan, laa’in, aj Jakob, rik’in naq b’oqb’ilin xb’aan li Dios, ut k’ojob’anb’ilin jo’ chanru lix santil k’anjelil, ut rik’in naq osob’tesinb’ilin xb’aan li was aj Nefi, li nekeril jo’ ^arey malaj jo’ aj tenq’ahom eere, ut li chapchookex wi’ re taakole’q eerix; k’ehomaq reetal, nekenaw naq q’axal k’i li na’leb’ inyehom eere.

3 A’ut nekexwaatina wi’chik, xb’aan naq watawom lix chaab’ilal lee raam. Relik chi yaal, k’a’jo’ naq nink’oxlak cherix; ut laa’ex ajwi’ nekenaw naq junelik wanjenaq chi jo’kan. Xb’aan naq kin’elajin cheru chi yalb’il anchal inq’e; ut kink’ut cheru li raatin lin yuwa’, ut kexwaatina chirix chixjunil li k’a’aq re ru tz’iib’anb’il, chalen chaq sa’ xyo’ob’tesinkil li ruchich’och’.

4 Ut anajwan, k’ehomaq reetal, tinwaj raj eeraatinankil chirix li k’a’ru wan, ut li toj taachalq; jo’kan naq tinye eere li raatin laj ^aIsaias li tz’iib’anb’il. Ut a’an li aatin kiraj li was naq tinye eere. Ut nekexwaatina choq’ re lee chaab’ilal, re textzoloq ut teenima xloq’al lix k’ab’a’ lee Dios.

5 Ut anajwan, li tz’iib’anb’il aatin tinye a’an li kixye laj Isaias chirix chixjunil lix junkab’al laj Israel; jo’kan ut, naru xjuntaq’eetankil eerik’in, xb’aan naq laa’ex xkomonex lix junkab’al laj Israel. Ut wan chik naab’al li na’leb’ yeeb’il xb’aan laj Isaias li naru xjuntaq’eetankil eerik’in xb’aan naq laa’ex xkomonex lix junkab’al laj Israel.

6 Anajwan ut, a’an a’in li aatin: ^aJo’ka’in naxye li Qaawa’ Dios: K’e reetal, tintaqsi li wuq’ reheb’ laj Gentil, ut tinxaqab’ li ^bweetalil chiruheb’ li tenamit, ut te’xk’ameb’ chaq laa walal sa’eb’ li ruq’, ut eb’ laa rab’in k’amb’ilaqeb’ sa’ xb’eeneb’ xtel.

7 Ut eb’ li rey te’wanq choq’ yuwa’b’ej aj ch’olanihom aawe, ut li ixqi rey reheb’ choq’ na’b’ej aj ch’olanihom aawe; te’xkub’si rib’ chi ch’och’ chawu, ut te’xreq’ lix poqsil laa woq; ut taanaw naq laa’in li Qaawa’; xb’aan naq ink’a’ te’xutaanaq li ani ^aneke’oyb’enink we.

8 Ut anajwan laa’in, aj Jakob, nawaj raj aatinak ka’ch’inaq chirix li aatin a’in. Xb’aan naq k’ehomaq reetal, li Qaawa’ xk’ut chiwu naq eb’ li ani wankeb’ chaq ^aJerusalen, li koo’el wi’ chaq laa’o, ak kamsinb’ileb’ chik ut ^bk’amb’ileb’ chik chi preexil.

9 A’ut li Qaawa’ xk’ut chiwu naq eb’ a’an ^ate’sutq’iiq wi’chik. Ut kixk’ut ajwi’ chiwu naq li Qaawa’ Dios, lix Santil Dios laj Israel, tixk’utb’esi rib’ chiruheb’ sa’ li tz’ejwalej; ut chirix naq tixk’utb’esi rib’ te’xraple ut ^bte’xk’e chiru krus, jo’ chanru li raatin li anjel li kixye chaq we.

10 Ut chirix naq te’xkawob’resi li raameb’ ut te’xjipob’resi lix k’a’uxleb’ chirix lix Santil Dios laj Israel, k’ehomaq reetal, taachalq lix ^araqb’a-aatin lix Santil Dios laj Israel sa’ xb’eeneb’. Ut taachalq xkutankil naq te’sak’e’q ut te’tawasiiq.

11 Jo’kan naq chirix naq tiikisinb’ileb’ chaq yalaq b’ar, xb’aan naq jo’ka’in naxye li anjel: naab’aleb’ te’tawasiiq sa’ li tz’ejwalej, ut ink’a’ te’kanab’aaq chi oso’k, sa’ xk’ab’a’ lix tijeb’ li ani tiikeb’ chi paab’ank; eb’ a’an te’jek’iiq, ut te’sak’e’q, ut xik’ te’ile’q; a’ut li Qaawa’ taaruxtaanaheb’ ru, jo’kan ut, ^anaq te’k’ame’q ^bchixnawb’al chirix laj Tojol rixeb’, eb’ a’an ^cte’ch’utub’aaq wi’chik sa’eb’ lix ch’och’ileb’ li reechanihom.

12 Ut osob’tesinb’ilaqeb’ laj ^aGentil, eb’ li kitz’iib’ak wi’ li profeet, xb’aan naq k’ehomaq reetal, wi taa’uxq naq te’xjal xk’a’uxl ut ink’a’ te’xpleeti Sion, ut ink’a’ te’xjunaji rib’ rik’in li nimla ^btz’eqb’eetal iglees a’an, eb’ a’an te’kole’q, xb’aan naq li Qaawa’ Dios tixtz’aqob’resi ru lix ^csumwank li kixk’uub’ choq’ reheb’ li ralal xk’ajol; ut xb’aan a’in naq li profeet xtz’iib’a li na’leb’ a’in.

13 Jo’kan naq eb’ li neke’pleetink re Sion, ut re lix tenamit li Qaawa’ re li sumwank, te’xreq’ lix poqsil li roqeb’; ut ink’a’ ^ate’xutaanaq lix tenamit li Qaawa’. Xb’aan naq lix tenamit li Qaawa’, a’aneb’ li ^bneke’oyb’enink re; xb’aan naq eb’ a’an toj neke’royb’eni lix k’ulunik li Mesias.

14 Ut k’ehomaq reetal, jo’ chanru li raatin li profeet, li Mesias tixxaqab’ wi’chik rib’ ^axkab’ sut chixk’amb’aleb’ chaq wi’chik; jo’kan naq ^btixk’utb’esi rib’ chiruheb’ rik’in wankilal ut nimla loq’alil, re ^cte’sache’q li xik’ neke’ilok reheb’, naq taawulaq xkutankil naq te’xpaab’ a’an; ut maa’ani tixsach li napaab’ank re a’an.

15 Ut eb’ li ink’a’ neke’paab’ank re, ^ate’sachmanq, rik’in ^bxam, jo’ ajwi’ rik’in kaq-sut-iq’, ut rik’in hiik, ut rik’in hoyok kik’, ut rik’in ^cyajel, ut rik’in we’ej. Ut te’xnaw naq li Qaawa’ a’an li Dios, lix Santil Dios laj Israel.

16 ^aXb’aan naq ma taamaq’e’q tab’i’ chiru li kaw xmetz’ew li yoob’il xb’aan, malaj taakole’q tab’i’ li ani ^bk’eeb’il chi preexil jo’ chanru li chaq’rab’?

17 A’ut jo’ka’in naxye li Qaawa’: Lix ^apreexeb’ li kaw xmetz’ew te’isiiq ajwi’, ut lix yohom li xuwajel te’kole’q chiru; xb’aan naq li ^bDios Kaw Xmetz’ew ^ctixkoleb’ chaq lix tenamit re li sumwank. Xb’aan naq jo’ka’in naxye li Qaawa’: Laa’in tinpleeti li ani taapleetinq aawe—

18 Ut eb’ li neke’rahob’tesink aawe tink’e chixtiweb’ tz’aqal lix tib’eleb’; ut te’kalaaq rik’in tz’aqal lix kik’ileb’ chanchan rik’in ki’il viin; ut chixjunil li tz’ejwalej te’xnaw naq laa’in, li Qaawa’, aj Kololin aawe ut aj ^aTojolin aawix, li ^bKaw Xmetz’ew re laj Jakob.