2 Nephi 4
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Tsir 4

Lehi tu n’asefo no fo na ohyira hɔn—Owu na wosie no—Nephi tuw noho wɔ Nyame ne papayɛ ho—Nephi dze no werɛ hyɛ Ewuradze mu afebɔɔ. Bɛyɛ mfe 588–570 Ansaana wɔbɔwo Christ.

1 Na afei, emi, Nephi, mekã dza ɔfa nkɔnhyɛ a m’egya akã ho nsɛm no, dza ɔfa aJoseph a wɔdze no kɔr Egypt no ho.

2 Na hwɛ, nokwar dɛ, ɔhyɛɛ nkɔm a ɔfa n’asefo ho. Na ankɔnhyɛsɛm a ɔkyerɛwee no, nnyɛ akɛse. Na ɔhyɛɛ nkɔm a ɔfa hɛnho, na hɛn ndaamba mbasantsen so ho; wɔakyerɛw no wɔ ayewa mprɛtse no do.

3 Dɛm ntsi, ber a m’egya dze ne kasaa a ɔfa Joseph no nkɔnhyɛ ho baa ewiei ekyir no, ɔfrɛɛ Laman ne mbabanyin na ne mbabaa, na ɔkãa kyerɛɛ hɔn dɛ: Hwɛ, me mbabanyin na me mbabaa, hom a hom yɛ am’abakan ne mbabanyin na mbabaa, mepɛ dɛ hom yɛ aso tsie me nsɛm.

4 Na Ewuradze Nyankopɔn akã dɛ: aSusuampaara dɛ hom bɛda ho edzi me mbrasɛm do no hom bɛyɛ prɔmprɔm wɔ asaase yi do; na susuampaara dɛ hom nnkɛda ho edzi me mbrasɛm do no wobotwa hom efi m’enyi do akyen.

5 Mbom hwɛ, me mbabanyin na me mbabaa, murunntum nnkɔ me nda mu gyedɛ megya me anhyira egu hom do; na hwɛ, minyim dɛ sɛ wɔtsetse hom wɔ bkwan a ɔsɛ dɛ hom fa do no do a, hom nnkɛman efi ho.

6 Dɛm ntsi, sɛ wɔapaa hom a, hwɛ migya me nhyira gu hom do, ama mpaa no woeyi efi hom do na wɔdze egu hom aawofo hɔn etsifi.

7 Dɛm ntsi, osian me nhyira ntsi, Ewuradze Nyankopɔn aremma kwan ma hom nnhera, dɛm ntsi, bobohu hom nye hom asefo mbɔbɔr afebɔɔ.

8 Na ɔbaa dɛ aber a m’egya kasaa kyerɛɛ Laman ne mbabanyin na ne mbabaa wiei no, ɔmaa wɔdze Lemuel ne mbabanyin na ne mbabaa baa n’enyim.

9 Na ɔkasaa kyerɛɛ hɔn dɛ: Hwɛ, me mbabanyin na me mbabaa, hom a hom yɛ me babanyin a otsĩa ebien ne mbabanyin na mbabaa; hwɛ, migya hom nhyira kor noara a medze gyaa Laman ne mbabanyin na mbabaa no; dɛm ntsi, wɔrennsɛɛ hom korakora; mbom ewiei no wobehyira hom asefo.

10 Na ɔbaa dɛ m’egya kasaa kyerɛɛ hɔn wiei no, hwɛ, ɔkasaa kyerɛɛ aIshmael ne mbabanyin, nyew, na ne fidua nyinara so mpo.

11 Na ɔkasaa kyerɛɛ hɔn wiei no, ɔkasaa kyerɛɛ Sam dɛ: Nhyira akã ɔwo nye w’asefo; na ibenya asaase no edzi dɛ mbrɛ wo nua Nephi nyae. Na wɔbɛkan w’asefo akã n’asefo ho; na ebɛyɛ dɛ wo nuabanyin mpo, na w’asefo ayɛ dɛ n’asefo na wobehyira wo wɔ wo nda nyinara mu.

12 Na ɔbaa dɛ aber a m’egya, Lehi, kasaa kyerɛɛ ne fifo nyinara wiei, dɛ mbrɛ ɔtse wɔ n’akoma mu na Ewuradze no Sunsum a ɔwɔ no mu tse no, ne nda sãe. Na ɔbaa dɛ owui, na wosiee no.

13 Na ɔbaa dɛ no wu ekyir no, annkyɛr biara na osian Ewuradze no kɔkɔbɔ no ntsi Laman na Lemuel na Ishmael hɔn mbabanyin no hɔn bo fuuw me.

14 Na emi, Nephi, wɔhyɛɛ me dɛ menkasa nkyerɛ hɔn dɛ mbrɛ n’asɛm no se; osiandɛ makã nsɛm pii akyerɛ hɔn dada na m’egya so dɛmara, ansaana oruwu; dɛm nsɛm no mu pii na wɔakyerɛw wɔ me amprɛtse binom do; ɔyɛ abakɔsɛm ntsi wɔakyerɛw wɔ me mprɛtse binom do.

15 Na aiyinom do na mekyerɛw nsɛm a ofi m’akoma mu, na kyerɛwsɛm a woekrukye wɔ ayewa mprɛtse do. Na me kra enyi gye kyerɛwsɛm ho, na m’akoma bdwendwen ho, na mekyerɛw ma me mba ama cwoeesua na woenya ho mfaso.

16 Hwɛ, me akra n’enyi gye Ewuradze ne ndzɛmba ho; na bm’akoma kɔ do dwendwen ndzɛmba a mehu na matse ho daa nyina.

17 Naaso iyi ekyir no, Ewuradze ne apapayɛ kɛse no ama mehu no ndwuma akɛse a ɔyɛ nwanwa no na m’akoma atsẽa mu dɛ: O bɔwerɛhonyi a ɔtse dɛ emi! Nyew, m’akoma dzi awerɛhow osian mo honam ntsi; me kra dzi yaw osian m’emumuyɛ ntsi.

18 Woetwa mo ho ehyia, ɔnam nsɔhwɛ ntsi na bɔn a ɔnnkyɛr na awɔatõtõ me yi.

19 Na sɛ mepɛ dɛ megye m’enyi a, m’akoma si nkrum osian me bɔn ntsi; naaso, minyim nyia medze mo werɛ atwer no.

20 Me Nyame na ɔayɛ me boafo; na ɔagye me wɔ m’amandzehu mu wɔ sar no do; na ɔakora mo do wɔ esu no bun kɛse no mu.

21 Ɔdze no a ahyɛ me mã araa dze ekodu mo honam ne nhyewee mpo.

22 Ɔama enyimguase akã am’atamfo araa ma hɔnho awosow wɔ m’enyim.

23 Hwɛ, ɔtsee mo sũ wɔ adzekyee, na ɔnam aenyido-adzehu do maa me nyimdzee adzesaaber no mu.

24 Na da no mobɔɔ ampaa dzendzenndzen wɔ n’enyim; nyew, memaa me ndze do wɔ sor; na abɔfo sianee baa bɔsoom me.

25 Na Sunsum no dze n’atsaban abɛfaa me kɔr bepɔw tsentsen bi do. Na m’enyiwa ehu ndzɛmba akɛse, nyew, dza ɔsõ ma ɔdasanyi mpo; dɛm ntsi wɔabra me dɛ mma mennkyerɛw.

26 O nkyii, sɛ mehu ndzɛmba akɛse a ɔtse dɛm a, sɛ Ewuradze akotow ama adasamba na oehu adasa mbɔbɔr kɛse a ɔtse dɛm a, ɔyɛ adɛn ntsi na ɔwɔ dɛ mo sũ wɔ m’akoma mu na me kra kyinkyin wɔ awerɛhow bɔnsa mu, na mofɔn, na m’ahoɔdzen pa, wɔ m’amandzehu ntsi?

27 Na ɔyɛ dɛn ntsi na ɔwɔ dɛ amigyaa moho mu ma bɔn, dɛ osian mo honam ntsi a? Nyew, ɔyɛ dɛn ntsi na ɔwɔ dɛ mema bnsɔhwɛ kwan, ma abɔnsam nya kwan wɔ m’akoma mu sɛɛ cm’asomdwee na ɔtseetsee me kra? Ebɛnadze ntsi na osian me tamfo ntsi mo bo bofuw?

28 Soɛr, me kra! mma nnka wo bɔn mu. Dzi dɛw, O m’akoma, na mma mma me kra ne atamfo no kwan bio.

29 Mma wo bo mmfuw bio osian m’atamfo ntsi. Mma mma m’ahoɔdzen mmpa osian m’amandzehu ntsi.

30 Dzi dɛw, O m’akoma, na sũ frɛ Ewuradze, na kã dɛ: O Ewuradze, mibeyi wo ayɛw afebɔɔ; nyew, me kra bedzi dɛw wɔ wo mu, me Nyankopɔn, na mo nkwagye abotan.

31 O Ewuradze, ana ebɔpon me kra? Ana ebɛgye me efi m’atamfo nsamu? Ana ebɛyɛ me ma sɛ muhu abɔn a moho apopo?

32 Nkyɛ wɔatow hɛl mbobow no mu wɔ m’enyim daa nyina, osiandɛ am’akoma abobɔ na mo sunsum abotow! O Ewuradze, ana ennkɔtow wo tsenenee mbobow no mu wɔ m’enyim, ma manantsew mbɔnsa no mu, na manantsew wo bkwan petee no mu?

33 O Ewuradze, ana edze wo tsenenee atar no bɛkyekyer moho? O Ewuradze, ana ibobue kwan ama me ma meguan efi m’atamfo enyim? Ana ebɛyɛ mo kwan tɔɔtseen wɔ m’enyim? Ana ennkɛfa fintsidua bi ato mo kwan mu—na mbom ebɛma mo kwan mu ayɛ petee wɔ m’enyim, na ennkɔbobɔw mo kwan, na mbom me tamfo no kwan?

34 O Ewuradze, medze mo werɛ atwer wo, na wo mu na medze mo awerɛ bɔtwer afebɔɔ. Meremmfa mo bwerɛ nntwer honam abasa osiandɛ minyim dɛ mpaa akã nyia ɔdze no cwerɛ twer honam abasa. Nyew, mpaa akã nyia ɔdze no werɛ twer ɔdasanyi anaa ɔdze honam yɛ n’abasa.

35 Nyew, minyim dɛ dza obiara bebisa efi Nyankopɔn hɔ no, ɔdze bɛma no akwa. Nyew, sɛ bmemmbisa dza cɔnnsɛ a, me Nyankopɔn dze bɛma me; dɛm ntsi, mebɛma me ndze do ama wo; nyew, mubosũ afrɛ wo, me Nyankopɔn, me tsenenee botan. Hwɛ, me ndze bɔfow aba wo nkyɛn afebɔɔ, mo dbotan na me Nyankopɔn a ewɔ hɔ daapem. Amen.