Kyerɛwsɛm
2 Nephi 17


Tsir 17

Ephraim na Syria tu Judah do sa—Ɔbaabun bɔwo Christ—Fa to Isaiah 7 ho. Bɛyɛ mfe 559–545 Ansaana wɔbɔwo Christ.

1 Na ɔbaa dɛ Uzziah ba Jotham, ne ba Ahaz Judahhen no n’aber do, na Syriahen Rezin, na Remaliah ba Pekah, Israelhen no wɔfowee kɔr Jerusalem dɛ wɔnye no rokɔkõ na woenntum no.

2 Na wɔkãa kyerɛɛ David fi dɛ: Syria abɔbɔ aEphraim mu. Na n’akoma wosowee, nye ne man akoma dɛ mbrɛ kwaa mu ndua wosow wɔ mframa enyim.

3 Nna Ewuradze see Isaiah dɛ: Afei si mu kɔ kehyia Ahaz, ɔwo na wo ba aShearjashub, wɔ etsifi nsutaae no ano a ɔwɔ ɔtanhofo kwã tsempɔn mu no;

4 Na se no dɛ: Hwɛ yie, na yɛ komm; amma nnsuro, eso mma w’akoma nntu wɔ ngyantsia ebien no ntsi, wɔ Rezin na Syria na Remaliah ba no hɔn ebufuhyew no ntsi.

5 Osiandɛ Syria apam apam wo do mbusu, Emphraim so, ɔnye Remaliah ba no dɛ;

6 Hom mma yɛnkɔ Judah do, na yɛnkɛhaw no, na ayembubu mu mfa, na yɛnhyɛ Tabeel ba no hen wɔ mu.

7 Mbrɛ Ewuradze Nyankopɔn se nye yi, Orinngyina, eso ɔremmba mu.

8 Osiandɛ Syria tsir nye Damascus, na Damascus tsir nye Rezin; na obodu mfe eduosia enum na woebubu Ephraim posoposo dɛ ɔnnyɛ ɔman bi bio.

9 Na Ephraim ne tsir nye Samaria, na Samaria tsir nye Remaliah ba no. Sɛ hom arenngye nndzi a, ampaara hom rinntsintsim.

10 Na Ewuradze kasaa bio kyerɛɛ Ahaz, dɛ:

11 Bisa Ewuradze wo Nyankopɔn hɔ aasɛnkyerɛdze bi; osian kɔ bun mu o, ɔkrɔn kɔ sor o.

12 Mbom Ahaz see dɛ: Mirimmbisa, eso amoronnsɔ Ewuradze nnhwɛ.

13 Na ɔsee dɛ: O David fi, afei hom ntsie, aso ɔyɛ adze ketseaba ma hom dɛ hom haw nyimpa, na hom bɛhaw me Nyankopɔn so yi?

14 Dɛm ntsi, Ewuradze nankasa bɛma hom asɛnkyerɛdze—Hwɛ, aɔbaabun benyinsen, awo ɔbabanyin, na wɔato no dzin bImmanuel.

15 Buter na ewo na obedzi, ber a ohu dɛ ɔpow bɔn, na ɔsan mu yi papa no.

16 Na ansaana aabofra no botum apow adze bɔn na ɔafa papa no, asaase no a ho yɛ nkɔw no hɔn bahemfo beenu nyina bɔpoow no.

17 Ewuradze dze nda bi abɛba ɔwo, na wo man, na w’egya fi do a ofitsi nda a bEphraim tsewee fii Judah ho no ɔmmba da; mekyerɛ Assyriahen no.

18 Na ɔbɛba dɛ da no Ewuradze bɔbɔ anhwiroma afrɛ wansema a ɔwɔ Egypt asaase ano noho no, na adowa a ɔwɔ Assyria asaase do no.

19 Na wɔbɛba, na hɔn nyina abɛgyegye bɔnsa a wɔayɛ afo no mu, nye abotan, mpaapaae mu na nsoɛ nyina do, na nhaban nyina do.

20 Da no na Ewuradze dze oyindam a wɔabɔ no paa, hɔn a wɔwɔ esuegya no, a ɔnye aAssyriahen bbeyi tsir, ɔnye anan ho nhwi, na woeyi abɔdwesa so.

21 Na ɔbɛba dɛ da no obi abɛnyɛn ɔnantwiburwa na nguan ebien;

22 Na ɔbɛba dɛ numfonsu dodow a wɔbɛma no ntsi wobedzi buter; na obiara a ɔaka asaase no do no bedzi buter na ewo.

23 Na da no mu no ɔbɛba dɛ, beebiara mbrɛ nkyɛ wenyin ndua apem a odzi andwetɛbona apem wɔ, bɛdan nkɔkrɔw ɔnye nsoɛ ara nko.

24 Egyen-menaba ɔnye egyen na wɔdze bɛba hɔ, osiandɛ asaase nyinara bɛyɛ nkɔkrɔw na nsoɛ.

25 Na nkoko a nkyɛ wɔdze sɔwsɔw tutu do nyina no, ennkɔkɔ hɔ bio, wɔ nkɔkrɔw ɔnye nsoɛ ho hu ntsi, na wobegya anantwi akɔ do, na anguan etsiatsia do.