1 Na Ewuradze see me dɛ: Fa ɔpon kɛse, na fa ɔdasanyi ne nsaano kyerɛw dza ɔfa, ^aMaher-shalal-hash-baz ho;

2 Na mebɛma adasefo ^anokwafo, Ɔsɔfo Uriah, na Jeberechiah ba Zechariah, ma wɔakyerɛw.

3 Na mokɔr ^ankɔnhyɛnyibaa ne nkyɛn; na onyinsenee woo ɔbabanyin. Nna Ewuradze see me dɛ: To no dzin, Maher-shalal-hash-baz.

4 Na hwɛ, ^aabofra no ^brinnya nyimdzee nnfrɛ, M’egya, na Me nã no, ansaana wɔabɔsoa Damascus ahonya na Samaria ^casadze edzi Assyriahen enyim akɔ.

5 Na Ewuradze kasaa kyerɛɛ me bio dɛ:

6 Susuampa dɛ ɔman yi apow ^aShiloah esu a ɔpem nyaa, na hɔn ho asɛpɛw ^bRezin nye Remaliah ba no ho yi;

7 Dɛm ntsi, afei, hwɛ, Ewuradze esutsen no mu esu a ɔyɛ dzen na ɔdɔɔ sõ no reba ^ahɔn do, Assyriahen ɔnye n’enyimnyam nyina na ɔbɛba abɔfow n’esuka nyina na ɔatra n’esukɔn nyina do;

8 Na ^aobodua Judah mu; na oeyir etwa mu akɔ; obodu kɔn ho mpo; na n’atsaban mu han bɛhyɛ w’asaase ne tɛtɛr nyina mã, O ^bImmanuel.

9 O aman, ^ahom nka mbɔ mu, na wɔbɔdwerew hom ara; ekyirekyir asaasedofo nyina, hom nyɛ aso: hom mmia, na wɔbɔdwerew hom.

10 Hom mbɔ mu mfa apam na ɔbɛyɛ kwa; hom nka asɛm no, na orinngyina; ^ana Onyame kã hɛn ho.

11 Na Ewuradze dze nsa dzendzen kasaa dɛm kyerɛɛ me, na ɔdze kyerɛkyerɛɛ me, dɛ mma mennantsew ɔman yi no kwan do, dɛ:

12 Mma hom mmfrɛ dza ɔman yi frɛ no ^aTsirdoapam nyina dɛ Tsirdoapam a; eso mma hom nnsuro hɔn suro, eso mma hom akoma nntu.

13 Dɔm Ewuradze no, ɔno na hom mbu no krɔnkrɔn na ɔno na ^aɔnyɛ hom suro, na ɔnyɛ hom akomatu.

14 Na ɔbɛyɛ ^akrɔnkrɔnbea ama hom, ^bfintsiw bo, na patatsir botan ama Israel efiefi ebien nyina, na ɔayɛ apafir na efir ama hɔn a wɔtse Jerusalem.

15 Na dodowara ^abefintsiw do na wɔahwehwe ase, na woebubu, na wɔatotɔ efir mu, ma wɔakyekyer hɔn.

16 Ɔwoara kyekyer dase no, sɔw ^ambra no ano wɔ m’esuafo mu.

17 Na emidze mobɔtweɔn Ewuradze a ^aɔdze n’enyim suma Jacob fi, na mahwɛ no kwan.

18 Hwɛ, emi ɔnye mba a Ewuradze dze ama me no, yɛyɛ ^ansɛnkyerɛdze nye anwanwadze wɔ Israel mu ofi dɔm Ewuradze a ɔtse Zion bepɔw do no hɔ.

19 Na sɛ wɔse hom dɛ, Hom mbisa ^aasamamfrɛfo ɔnye ^babayifo a wosu twɔtwɔw na wɔyɛ huhuhuhu no a: ^caso onntwar dɛ ɔman bi wobisa hɔn Nyame hɔ adze? Aso mma wommbisa atseasefo ho asɛm ^dwɔ ewufo hɔ?

20 Wɔnkɔ mbra ɔnye adasesɛm no hɔ; sɛ ^awɔannkasa dɛ mbrɛ asɛm yi tse a, ɔnodze nna ɔkyerɛ dɛ kan bi nnyi hɔn mu.

21 Na ^awobodua mu etwa mu, na adzen hɔn, na ɔkɔm adze hɔn; na ɔbɛba dɛ ɔkɔm nya dze hɔn a, hɔn ahom bɛtsew hɔn, na wɔadom hɔn hen na hɔn Nyankopɔn, na wɔadandan hɔn enyi akɔ sor.

22 Na wɔbɔhwɛ famu so, na hwɛ, ahokyer, nye sum nye ahoguan kusuwwyɛ nye yi; na wobosun hɔn egu sumpɔrwa no mu.