2 Nephi 15
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Tsir 15

Ewuradze No wenyin ture (Israel) bɛyɛ ɔmamfo na wɔbɔbɔ no mu mba apetse—Ndom bɛba hɔn do wɔ hɔn gyedzi asehwe mu na wɔabɔ hɔn apetse no—Ewuradze bɛma frankaa do na ɔakã Israel aboa ano—Fa to Isaiah 5 ho. Bɛyɛ mfe 559–545 Ansaana wɔbɔwo Christ.

1 Ma montow mo dɔfo pa andwom a ɔfa no, wenyin ture ho. Mo dɔfo pa nyaa wenyin ture wɔ asaaseber koko bi do:

2 Na ɔgyee ho ban, na ɔtasee mu abo, na ɔtsetsɛɛw mu awenyindua a wɔasan mu yie eyi, na ɔtoow abantsentsen wɔ mu, na otuu nsatwer so wɔ mu; na n’enyi daa kwan dɛ ɔbɔsow wenyin aba, na ɔsoow kwaa mu wenyinaba.

3 Na afei, O Jerusalem atsefo, nye Judah mbarimba, meserɛ hom, hom mbu emi na mo wenyin ture ntamu atsɛn.

4 Ebɛnadze na aka dɛ nkyɛ meyɛ mema mo wenyin ture bio a mennyɛe? Ɔyɛ dɛn ntsi na m’enyi daa kwan dɛ ɔbɔsow wenyinaba a, ɔsoow kwaa mu wenyin aba yi?

5 Na afei, hom nkɔ hɔ; mebɛkã dza medze me bɛyɛ mo wenyin ture makyerɛ hom—amibeyi no ho ban ma mbowa eedzi, mubobubu no ho ɔfasu ma woeetsiatsia do.

6 Na mobɔto no pan; wonnkotwitwa ho, eso wɔnnkɔdɔw ho; na obofuw ankɔkrɔw na nsoɛ: na mebɛhyɛ nsuwusiw so dɛ mma bɔnntɔ nsu nngu do.

7 Na Dɔm Ewuradze no awenyin ture nye Israel fi, na Judah mbarimba nye no kwã a n’enyi gye ho; na ɔhwɛɛ batsɛmbu kwan, na hwɛ, emimdzi; ɔhwɛɛ ndzeyɛtsenenee kwan, mbom hwɛ nkeka mu a.

8 Wondue, hɔn a wɔdze aofi toa ofi do, kodu dɛ ɔkwan bi nnyi hɔ, na hom bnkotsee tsena asaase do!

9 M’asomu dze, dɔm Ewuradze na ɔse, ampaara, adan pii bɛyɛ afõ, dza ɔsõsoe na ɔyɛ fɛw, dɛ obi nntsena mu.

10 Nyew, wenyin ture acre du bɛma abath kor pɛr, na homer kor bɛma ephah kor pɛr.

11 Wondue, hɔn a wɔsoɛr anapahema akedzi nsãdzen ekyir, na wɔkyɛr kesi anago na wɔma, bnsã fram hɔn!

12 Na nsankutsen na bɛnta, na mpintsin na atɛntɛbɛn, na wenyin, wɔ hɔn aponto ase; na awɔmmfa Ewuradze ne nyɛe nnyɛ dze, ne nsaanodwuma so wɔnndwendwen ho.

13 Dɛm ntsi, na me man etu kɔ ndɔmmum mu, wɔ anyimdzee a wonnyi ntsi; na ɔkɔm dze hɔn enyimnyamfo, na nsukɔm rehyew hɔn nyimpadodow.

14 Dɛm ntsi, na hɛl atrɛ n’akɔndɔ mu, na ɔahan n’anomu petoo; na hɔn enyimnyam, na hɔn nyimpadodow, na hɔn pɔmpɔmpɛ, na nyia n’enyi gye, worisian kɔ mu yi.

15 Na obi a ɔnnsɛ bi aba famu, na nyimpa kɛse abrɛ noho adze, na enyimnyamfo enyi akã famu.

16 Mbom dɔm Ewuradze dze, wohuhor no wɔ aatsɛmbu mu, na Nyame Krɔnkrɔnnyi no dze, wɔtsew no ho wɔ ndzeyɛtsenenee mu.

17 Ɔno na nguambaa bedzidzi dɛ hɔn edzidzibea do na ahɔho bedzi hɔn a wɔatɔ angoa no hɔn asaasefõ no.

18 Wondue, hɔn a wɔdze aegyangyandze homa twe emumuyɛ, na bɔn b ma wɔdze hwiir ntampee twe;

19 Hɔn a wɔkã dɛ, wɔmma aɔnyɛ no har, ɔnyɛ n’edwuma ntsɛm ma byɛnhwɛ, na ma Israel Krɔnkrɔnnyi no n’apam mbɛn na ɔmbra, ma yenhu.

20 Wondue, hɔn a awɔfrɛ bɔn dɛ papa, na papa dɛ bɔn; hɔn a wɔdze bsum yɛ kan, na wɔdze kan yɛ sum; hɔn a wɔdze wenwen yɛ fenemfenem, na fenemfenem yɛ wenwen!

21 Wondue, hɔn a wɔyɛ hɔnankasa hɔn enyi do anyansafo, na wɔyɛ hɔnankasa hɔn enyi do abadwembafo!

22 Wondue, hɔn a wɔyɛ akatakyi wɔ nsãnom mu, na ahoɔdzenfo wɔ nsãdzen no fora mu.

23 Hɔn a wobu emumuyɛfo bem gye akyɛdze, na awɔgye ɔtseneneenyi ne nsamu tsenenee!

24 Dɛm ntsi, dɛ mbrɛ aogya hyew bmburonan, na gyaframee hyew cnkyɛkyɛr guanee no, dɛmara na hɔn ndwow bɔprɔw, na hɔn nhyiren botu afa sor dɛ huntuma; osiandɛ wɔapow dɔm Ewuradze ne mbra, na woebu Israel Krɔnkrɔnnyi no n’asɛm denyimtsia.

25 Dɛm ntsi na Ewuradze an’ebufuw redzɛw ne man do, na ɔatsen ne nsa etsia hɔn, na ɔabɔ hɔn; ma akoko hihim, na hɔn efun ayɛ dɛ abɔntsen do wura. Iyi nyinara mu, n’ebufuw, nntɔree na ne nsa da ho ara tsen.

26 Na ɔbɛma afrankaa do ama amanaman a wɔwɔ ekyirekyir, na ɔabɔ bnhwiroma afrɛ hɔn a wɔwɔ asaase ano: na, hwɛ, wɔdze cahoɔhar bɛba ntsɛmara. Hɔn mu obiara remmberɛ eso orimmfintsiw.

27 Obiara ronntɔ nkom anaa ɔnnda; eso hɔn asen mu abɔdo rennsan, eso hɔn mpaboa ho ahoma renntsew;

28 Hɔn a hɔn egyen menaba ano yɛ hwironhwirom, na hɔn egyen nyina akonkom; wobobu hɔn mpɔnkɔ ananadze dɛ ɔtwerɛbo na hɔn nhwiir dɛ ekyinehyia-mframa; hɔn pow bɛyɛ dɛ awendadze dze.

29 Wɔbɔpow dɛ aawendadzemba: nyew, wɔbɔpow, na wɔatɔ afonam na wɔdze akɔ sɔnn, na obi nnyi hɔ a ɔbɛgye.

30 Na wɔbɔpow ahyɛ hɔn do da no dɛ po a ɔroworɔw: na sɛ obi hwɛ asaase a, hwɛ, sum na ahoguan, na kan ahyɛ sum wɔ sor hɔ.