2 Nephi 20
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Tsir 20

Assyria ne nsɛɛe tse dɛ Mbrɛ wobesi asɛɛ emumuyɛfo wɔ Mbaa a Otsĩa Ebien no mu—Ewuradze ba bio a, ekyir no nyimpa kumaabi na wɔbɛka—Jacob n’asefo bɛsan wɔ da no mu—Fa to Isaiah 10 ho. Bɛyɛ mfe 559–545 Ansaana wɔbɔwo Christ.

1 Wondue hɔn a wɔhyehyɛ mmom a ɔnntsen, na kyerɛwfo a wɔkyerɛw dza ɔkyea;

2 Dɛ wɔredan ohianyi efi aatsɛmbu ho, ma woeehwim me man ehiafo hɔn ndzinoa ma bekunafo aayɛ hɔn afonam, na aama woeetwa ngyanka edwoo!

3 Na hom bɛyɛ dɛn wɔ aɔsera da no mu, na ɔsɛɛ a ofi ekyirekyir reba no mu? woana hɔ na hom boguan akɛgye mboa? na henfa na hom bɛdan hom enyimnyam egya?

4 Adaduafo ase nko ara na wɔbɔbɔ hɔn mu adze na wɔahwehwe atɔfo ase. Na iyi nyina mu no n’ebufuw nndanee, mbom ɔda ho ara atsen ne nsa mu.

5 O, Assyria, due, m’ebufuw abaa, hɔn nsamu poma nye ahɔn ebufuhyew!

6 aƆman enyisomakyerɛfo mu na mobɔsoma no ma wɔaakɔ hɔn do, m’ebufuw man no ho na mebɛhyɛ no mbra, dɛ ɔnkɔfow asadze, na ɔnkɛfa afonam na onketsiatsia hɔn do dɛ abrɔn mu dɛtse.

7 Naaso ɔnndwen dɛm, eso n’akoma nnsusu dɛm; na dza ɔwɔ n’akoma mu nye dɛ ɔbɛsɛɛ, na oetwitwa amanaman a wɔdɔɔ sõ akyen.

8 Na ɔkã dɛ: Ana m’asafohen nyinara nnyɛ ahemfo bi a?

9 Aso Calno nntse dɛ Carchemish bi a? Aso Hamath nntse dɛ Arpad? Aso Samaria nntse dɛ Damascus bi a?

10 Dɛ mbrɛ ame nsa akã abosom wɔ ahendzi no a hɔn egu-honyi kyɛn Jerusalem ɔnye Samaria dze no.

11 Aso nnyɛ, dza medze mayɛ Samaria ɔnye n’abosom dɛmara so na medze mebɛyɛ Jerusalem ɔnye n’abosom bi a?

12 Dɛm ntsi ɔbɛba dɛ sɛ Ewuradze wie n’edwuma nyina yɛ wɔ Bepɔw Zion ɔnye Jerusalem do a, mobɔtwe aAssyriahen n’akokodur beduaba no aso, nye n’enyimenam enyimnyam no.

13 Na aɔakã dɛ: Me nsamu ahoɔdzen ɔnye me nyansaa na medze mayɛ, na meyɛ ɔbadwembafo; na matwe aman no hɔn ahe no, na metwa hɔn edwoo agye hɔn akoradze na mesun hɔn a wɔtsetse nhengua do megu dɛ ɔkakaben.

14 Na me nsa akã amanaman ahonya no dɛ berɛbuw, na dɛ mbrɛ wɔtase nkyirefuwa a wɔadan egya no dɛmara na matase asaase nyina; na obi nnyi hɔ a ɔbɔɔ atsaban mu, eso ɔhaan anomu, anaaso osũu twɔtwɔw.

15 aAso bekuma bɛhyehyɛ noho wɔ nyia ɔdze twa adze no do? Anaa seradaa bɛhyehyɛ noho wɔ nyia ɔtwetwe no do? Dɛ gyama abaa bi him nyia ɔma do no do, anaadɛ poma bɛma no ho do dɛ ɔnnyɛ dua!

16 Dɛm ntsi na Ewuradze, dɔm Ewuradze ɔbɛma ɔfɔn aba n’abran do, na ɔasɔ an’enyimnyam ase dɛ ogya a ɔredzɛw.

17 Na Israel kan no bɛdan ogya, na ne Krɔnkrɔnnyi no adan gyaframee, na ɔbɛhyew amen no nsoɛ nye no nkɔkrɔw nyina da kor.

18 Na ɔbɛma no kwaa ɔnye no mfuwa enyimnyam aasã, ofitsi ɔkra do kesi nyimpadua do; na ɔayɛ dɛ aber a frankaakitsafo rotɔ bitsi.

19 No kwaa mu andua nkaa no bosuar, dɛ abofra botum akan.

20 Na ɔbɛba adɛm da no mu dɛ, Israel nkaa no ɔnye bJacob fifo hɔn a woefi nsa no, cnnkɔtwer nyia ɔbobɔɔ hɔn no bio, na wɔbɔtwer Ewuradze, Israel Krɔnkrɔnnyi no nokwar mu.

21 aNkaa no bɛsan aba, Jacob nkaa no bɛba Onyame katakyi no nkyɛn.

22 Na kaansa wo man Israel tse dɛ mpoano anhwea mpo a, nkaa ara na wɔbɛsan aba; aɔhyew no a wɔahyɛ ho ɔmom no dze ndzeyɛtsenenee bbɛpem.

23 Na Dɔm Ewuradze Nyankopɔn adze ɔhyew bɛba asaase nyina mu.

24 Dɛm ntsi, mbrɛ Dɔm Ewuradze Nyankopɔn se nye yi: O me man a etse Zion, mma nnsuro Assyria; sɛ abaa na ɔdze bɔhwe wo, na ɔama no poma do wɔ wo do, a Egypt dze no mpo a.

25 Na aka kakrabaabi na ebufuhyew no abɔ adze, na n’ebufuw adan ayɛ hɔn sɛɛe.

26 Na dɔm Ewuradze behim mpirebi wɔ no do, dɛ aMidian ekumii wɔ Oreb botan do no, na n’abaa bɛkyerɛ po no do, ɔama do dɛ Egypt dze no.

27 Na ɔbɛba wɔ da no mu dɛ an’adzesoa beyi efi wo batsir do, na kɔndua efi wo kɔn ho, na akɔndua no asɛɛ wɔ bngo sera no ntsi.

28 aƆaba Aiath, oetwa mu wɔ Migron; ɔdze no ndɔsoaba rugu Michmash.

29 Wɔafa akoko ntamu; wɔakɔsoɛ Geba: Rama suro; Saul Gibeah eguan.

30 O Gallim babaa, ma wo ndze do; ma wɔntse no wɔ Laish, O Anathoth ɔbɔbɔfo.

31 Madmenah ayɛ oguamfo, Gebim atsefo aboa hɔn ano ruguan.

32 Ndɛ da yi ara wobesianka Nob: ɔpopo ne nsa ho gu Zion babaa ne bepɔw no do, Jerusalem koko no a.

33 Hwɛ, Ewuradze, dɔm Ewuradze, dze hu bɛpempan ndubaa no na andupɔn atsentsen no wɔbɔtotow ato famu, na dza wɔwowaree no abrɛ adze.

34 Na ɔdze dadze etwitwa kwaa mu adɔtɔ, na Lebanon nam ɔkatakyi nsa do ahwe ase.