Tsir 12
Isaiah hu da a odzi ekyir temple no, Israel no mboano, na mfe apem atsɛmbu na asomdwee—Wɔbɛbrɛ hɔn a wɔyɛ ahopɔw na ewurkadze adze wɔ Edwuradze ne mbae a Otsĩa Ebien no mu—Fa to Isaiah 2 ho. Bɛyɛ mfe 559–545 Ansaana wɔbɔwo Christ.
1 Asɛm a Amoz ne ba aIsaiah bhunii wɔ Judah na Jerusalem ho.
2 Na ɔbɛba dɛ nda a odzi ekyir no mu no, wɔdze Ewuradze ne afi bbepɔw no bɔbɔ cmbepɔw no do, na wɔbɛma no do abɔ akoko nyina do, na amanaman nyina bɛpem aba ho.
3 Na aman pii bɛse dɛ, hom mbra ma yɛnkɔ Ewuradze bepɔw no do, yɛnkɔ Jacob ne Nyankopɔn fie; na ɔbɛkyerɛ hɛn n’akwan na ayɛanantsew n’atsempɔn mu; na Zion na bmbra befir aba, na Ewuradze asɛm efir Jerusalem.
4 Na aobobu amanaman mu atsɛn, na wɔakã nyimpa pii enyim; na wɔdze hɔn mfowa abobɔ nsɔw, na wɔdze hɔn mpeaa abobɔ nsɔsɔw—ɔman bi remma afowa do nntsia ɔman bi, eso worunnsua akodzi bio.
5 O Jacob fifo, hom mbra ma yɛnnantsew Ewuradze ne kan no mu; nyew, hom mbra, na hom nyina afom kwan, obiara aafa n’akasa n’emumuyɛ kwan do.
6 Dɛm ntsi, O Ewuradze, adan wo man, Jacob fi egya, osiandɛ aatɔrmuadze a ofi boka ahyɛ hɔn mã, na wotsie ɔsebramufo dɛ bPhilistiafo, na wɔnye ananamba cdzi nkitaho.
7 Hɔn asaase so ayɛ dwetɛ na sika mã, hɔn akoradze so onnyi ewiei; hɔn asaase so ayɛ mpɔnkɔ mã, na hɔn ntseaseanam nnyi ewiei.
8 Hɔn asaase do so ayɛ ahonyi mã; wɔsɔr hɔnankasa hɔn nsaano ndwuma, dza hɔnankasa hɔn nsatseaba ayɛ.
9 Na obi a ɔnnsɛ bi mmbɔ no mu aadze, na nyimpa kɛse mmbrɛ noho adze; dɛm ntsi, mma mmfa mmfir hɔn.
10 O hom emumuyɛfo, hom nkɛhɛn ɔbotan mu, na hom anhuntsa homho wɔ huntuma no mu, osiandɛ Ewuradze ho hu nye no tumdzi enyimnyam no botwa hom akyen.
11 Na nyimpa a n’enyiwa a ɔtra no ntɔn no bɛbrɛ adze, na nyimpa n’ahopɔw bɛba famu, na Ewuradze nko ara na wobohuhor no da no mu.
12 Na dɔm Ewuradze ne ada bi wɔ hɔ a ɔbɛba bnkontompɔfo na ahopɔwfo nyina do, na ɔhomemadonyi biara do; na wɔbɛbrɛ no adze.
13 Nyew, Ewuradze ne da no bɛba Lebanon, Cedar, a wɔwowar na wɔamema do, na Bashan nsudur nyinara do.
14 Na mbepɔw sorɔnsorɔm nyinara, na akoko, na amanaman nyinara a wɔamema hɔnho do, nye nyimpa biara do;
15 Na abantsentsen biara, na ɔfasu a wɔatow ho biara do.
16 Na hɛn a ɔwɔ apo do nyinara na Tarshish ahɛn nyinara, na ahwɛdze a ɔyɛ fɛw nyinara do.
17 Na wɔbɛbrɛ nyimpa n’ekromposɛm adze, na adasa ahopɔwsɛm bɛba famu: na Ewuradze nko ara na wobohuhor no adɛm da no mu.
18 Na honyi botwa mu akɔ koraa.
19 Na nkorɔfo bɛhɛn abotan ntokur mu, na famu etu mu, efi Ewuradze no ho hu, na no tumdzi enyimnyam enyim, ber a ɔbɔsoɛr abɔwosow asaase berdzedzeedze no.
20 Dɛm da no mu na nyimpa abɔtow ne dwetɛ honyi, na ne sika honyi, a wɔyɛɛ maa no dɛ ɔnsɔr no no akyen ama nkusi na mpan;
21 Ama wɔaakɛhɛn abotan ntokur na abo mpaapaae mu, efi Ewuradze ho hu ho, na no tumdzi enyimnyam enyim, ber a ɔbɔsoɛr abɔwosow asaase berdzedzeedze no.
22 Hom angyaa nyimpa a n’ahom wɔ n’ahwentokura mu no ekyir dzi: na ebɛnadze mu ara na wobobu no bi?