2 Nephi 27
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Tsir 27

Sum nye gyedzi ho asehwe bɛba asaase do wɔ nda a odzi ewiei no mu—Wɔdze Mormon Nwoma no bopue—Nyimpa baasa bɛgye nwoma no ho dase—Nwomanyimfo bekã dɛ onnkotum akenkan nwoma a wɔasɔw ano no—Ewuradze bɛyɛ ndwuma a ɔyɛ nwanwa na ahobow—Fa to Isaiah 29 ho. Bɛyɛ mfe 559–545 Ansaana wɔbɔwo Christ.

1 Mbom, hwɛ, anda a odzi ewiei no, anaadɛ Amanamamfo nda no mu no—nyew, hwɛ Amanamamfo aman nye Jewfo dze, hɔn a wɔbɛba asaase yi do nye hɔn a wɔbɛtsena nsaase binom so do, nyew, nsaase nyinara a ɔwɔ wiadze yi mu mpo, hwɛ emumuyɛ na ekyiwadze bɔbow hɔn—

2 Na sɛ dɛm da no nya ba a Dɔm Ewuradze dze wimu mpaapaamu nye asaasewosow, nye dede kɛse, nye mframa dzendzen, nye ehum, nye aogyaframee dzendzen bɛba abɛsera hɔn.

3 Na aaman nyinara a wɔnye Zion bdzi akõ, na hɔn a wɔtseetsee no no, bɛyɛ dɛ adaaso wɔ anafua enyido-adzehu mu; nyew, tse dɛ obi a ɔso daa dɛ ɔkɔm dze no, na hwɛ, odzidzi na mbom ɔbɔsoɛr no nna ne kra atɔ pan; anaadɛ ɔtse dɛ obi a ɔso daa dɛ nsukɔm dze no na hwɛ ɔnom na mbom ɔbɔsoɛr no nna ohu dɛ ɔatɔ akɔtɔmborɔnsa, na ne kra nya akɔndɔ; nyew, dɛmara so na ɔbɛyɛ nyimpa dodow a wɔwɔ aman nyinara a wɔbɔkõ etsia Bepɔw Zion no.

4 Na hwɛ, hom a hom yɛ emumuyɛfo, hom ntsena hɔ na hom ndwendwen, osiandɛ hom bosu; nyew, hom bɔbow na mbom nnyɛ wenyin na ɔbɔbow hom, hom bɔtɔ ntentan na mbom nnyɛ nsã dzendzen bi a.

5 Na hwɛ, Ewuradze ehue nda tuu sunsum egu hom do. Na hwɛ, hom akata hom enyi, na hom apow nkɔnhyɛfo no; nye hom ahwɛdofo, na ɔdze adzehufo esuma osian hom emumuyɛ ntsi.

6 Na ɔbɛba dɛ Ewuradze Nyankopɔn dze anwoma no no mu nsɛm bɛbrɛ bhom, na ɔbɛyɛ nsɛm a ofi hɔn a wɔadeda no hɔ.

7 Na hwɛ awɔbɔsɔw nwoma no ano; na nwoma no mu nna ɔbɛyɛ bnyikyerɛ a ofi Nyankopɔn hɔ, fitsi wiadze ahyɛse dze kesi cn’ewiei.

8 Dɛm ntsi, osian ndzɛmba a awɔasɔw ano no ntsi, ndzɛmba a wɔasɔw ano no bworinnyi no wɔ emumuyɛdze na ekyiwadze nda no mu. Dɛm ntsi wɔdze nwoma no bosuma hɔn.

9 Mbom wobeyi nwoma no ama aɔbarimba bi, na ɔdze nwoma no mu nsɛm no a ɔyɛ nsɛm a ofi hɔn a wɔatotɔ nkom wɔ huntuma no mu no bɛma, na ɔdze nsɛm yi bɛma bobi fofor so;

10 Mbom nsɛm a wɔasɔw ano no ɔremmfa mma, nna ɔremmfa nwoma no so mma. Osiandɛ Nyankopɔn no tum na wɔdze bɔsɔw nwoma no ano, na nyikyerɛ a wɔasɔw ano no wɔdze besie nwoma no mu ekesi Ewuradze noara ne mber ana woeyi epue; na hwɛ, ɔda ndzɛmba edzi fitsi wiadze ne fapem dze kesi n’ewiei.

11 Na da no reba a nsɛm a ɔwɔ nwoma a wɔasɔw ano no mu no wɔbɛkenkan no wɔ adan etsifi; na wɔnam Christ no tum do bɛkenkan; na awɔbɛda ndzɛmba nyinara edzi akyerɛ adasamba a wɔaba adasamba mpo mu pɛn, nye hɔn so mpo a wɔbɛda ho atsena ekesi wiadze n’ewiei.

12 Dɛm ntsi, da no a wɔdze nwoma no bɛma ɔbarimba no a makã no ho asɛm no, wɔdze nwoma no bosuma wiadzefo; amma obiara ammfa n’enyi ennhu gyedɛ dɛm aadasefo bebiasa no na wɔnam Nyame tum do wobohu akã nyia wɔdze nwoma no bɛma no no ho; na wɔbɛgye nwoma no no nokwar ho dase nye ndzɛmba a ɔwɔ mu nyina.

13 Na obiara nnyi hɔ bio a obohu, gyedɛ kumaabi a wɔnam Nyankopɔn ne pɛ do, agye n’asɛm ho dase akyerɛ adasamba; osiandɛ Ewuradze Nyankopɔn akã dɛ agyedzifo hɔn nsɛnka bɛyɛ dɛ hɔn a awofi ewufo mu.

14 Dɛm ntsi, Ewuradze Nyankopɔn bɛba ebeyi nwoma no mu nsɛm no epue; na adasefo pii a ɔhwɛ a oye anomu na ɔbɛda n’asɛm edzi; na nyia aɔbɔpow Nyankopɔn n’asɛm no ndue!

15 Mbom hwɛ, ɔbɛba no dɛ Ewuradze Nyankopɔn bɛkã akyerɛ nyia ɔdze nwoma no bɛma no dɛ: Fa dɛm nsɛm yi a wɔnnsɔw ano yi ma obi ma ɔmfa nkyerɛ nwomanyimfo na ɔnka dɛ; Meserɛ wo, akenkan iyi. Na nwomanyimfo no bese dɛ: Fa nwoma no brɛ me na mebɛkenkan.

16 Na afei, osian wiadze n’enyimnyam na dɛ wɔdze benya amfaso ntsi na wɔbɛkã iyi, na nnyɛ Nyame n’enyimnyam bi a.

17 Na ɔbarimba no bɛkã dɛ: Murunntum mmfa nwoma no mmba, osiandɛ wɔasɔw ano.

18 Nna nwomanyimfo no bɛkã dɛ: Murunntum nnkenkan.

19 Dɛm ntsi ɔbɛba dɛ, Ewuradze Nyankopɔn beyi nwoma no bio na no mu nsɛm no ama obi a onnyim nwoma; na nyia onnyim nwoma no bɛse dɛ: minnyim nwoma.

20 Nna Ewuradze Nyankopɔn bɛse dɛ: Nwomanyimfo rennkenkan, osiandɛ wɔapow hɔn, na mubotum ayɛ mankasa m’edwuma; dɛm ntsi ebɛkenkan nsɛm a medze bɛma wo yi.

21 aMma mmfa wo nsa nnkã ndzɛmba a wɔasɔw ano no, na mibeyi ama wɔ mankasa me mber; na mebɛkyerɛ adasamba dɛ mutum yɛ mankasa m’edwuma.

22 Dɛm ntsi, ber a akenkan nsɛm a mahyɛ wo no, na enya aadasefo a mahyɛ wo ho bɔ no, nna ebɔsɔw nwoma no ano bio, na edze esie ama me, ama mabɔ nsɛm no a ennkenkanee no ho ban, ekesi dɛ mubohu dɛ oye wɔ mankasa me nyansaa kwan do dɛ mebɛda ndzɛmba nyinara edzi akyerɛ adasamba.

23 Na hwɛ, meyɛ Nyankopɔn, na meyɛ Nyankopɔn a meyɛ aanwanwadze; na mebɛma wiadze nyina ehu dɛ bmetse dɛm ndeda, ndɛ na afebɔɔ; na minndzi dwuma wɔ adasamba mu gyedɛ cɔnam hɔn gyedzi do.

24 Na ɔbɛba no bio dɛ Ewuradze bɛse nyia ɔbɛkenkan nsɛm a wɔdze bɛma no no:

25 aSusuampaara dɛ dɔm yi dze hɔn ano twe bɛn me, na wɔdze hɔn anofamfa dzi me bnyi, na mbom woeyi hɔn akoma efi me nkyɛn akɔ ekyirekyir, na hɔn suro a wɔwɔ dze ma me no yɛ cnyimpasom nkyerɛkyerɛ—

26 Dɛm ntsi, miribedzi adwuma a ɔyɛ nwanwa wɔ dɔm yi mu, nyew, bdwuma a ɔyɛ nwanwa na ahobow, na hɔn enyansafo nye nwomanyimfo nyansaa no bɛhera, na hɔn abadwembafo ntsease ehuntsa hɔn.

27 Na hɔn a wosi nketse hwehwɛ dɛ wɔdze hɔn apam suma Ewuradze awondue! Na hɔn ndwuma yɛ sum; na wɔkã dɛ: Woana na ohu hɛn, na woana na onyim hɛn? Na wɔkã so dɛ: Nokwar, hom ndzɛmba a woesisi hɔn tsir adze no benya enyimnyam dɛ bɔwemfo dɛtse. Mbom hwɛ, mebɛkyerɛ hɔn dɛ minyim hɔn ndwuma nyina, dɔm Ewuradze na ɔse. Ana awendze bɛse ɔwemfo no dɛ ɔannyɛ me? Anaadɛ adze a wɔato no dua mu bɛse nyia ɔyɛɛ no no dɛ onnyi ntsease anaa?

28 Mbom hwɛ, dɔm Ewuradze na ɔse: Mebɛkyerɛ adasamba ma woeehu dɛ ɔnnkɛkyɛr biara na Lebanon adan asaase pa; na asaase pa no benya enyimnyam dɛ kwaa.

29 aNa dɛm da no mu etsitsifo bɛtse nwoma no no mu nsɛm, na enyifurafo enyiwa bohu adze wɔ bea kusukusuyɛ nye sum kebii mu.

30 Na hɔn a awɔdwe so bɔdɔr, na wobenya hɔn benyigye wɔ Ewuradze mu, na adasa mu ehiafo bedzi dɛw wɔ Israel Krɔnkrɔnnyi no mu.

31 Na nokwar dɛ Ewuradze tse ase yi wobohu dɛ nyia anoho yɛ hu no begyina gyan, na wɔbɛmen ɔtwetwesinyi no, na hɔn a wɔhwɛ emumuyɛ kwan no wobotwa hɔn nyina akyen;

32 Na hɔn a wobu nyimpa a wɔ asɛm mu, na wosua efir ma nyia ɔkã enyim wɔ babobow kɛse mu, na cwɔsan nyia odzi pɛrpɛr no ekyir wɔ dza ɔmmfa kwan mu ho.

33 Dɛm ntsi, dɛm na Ewuradze se, nyia ɔpoon Abraham no, kãa wɔ Jacob fifo ho: Afei dze Jacob enyim runngu ase, eso n’enyim ronntow.

34 Mbom aber a aobohu ne mba, me nsaano edwuma, wɔ ne finimfin no, wɔbɛtsew me dzin ho na wɔatsew Jacob Krɔnkrɔnnyi no ho, na wobosuro Israel Nyankopɔn no.

35 Na hɔn so a awɔfomee wɔ sunsum mu no benya ntseasee, na hɔn a wohwinhwinii no bbosũa nkyerɛkyerɛ.