2 Nephi 13
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Tsir 13

Wɔbɔtwe Judah na Jerusalem hɔn aso wɔ hɔn asokyew ho—Ewuradze serɛ ma na obu No nkorɔfo atsɛn—Wɔadom Zion mbabaa wɔ hɔn ahopɛ ho—Fa to Isaiah 3 ho. Bɛyɛ mfe 559–545 Ansaana wɔbɔwo Christ.

1 Na hwɛ, Ewuradze, dɔm Ewuradze, otutu petua ɔnye dua fi Jerusalem na Judah, edziban petua nyina, na nsu petua nyina.

2 Ɔkatakyi, na ɔsabarimba; ɔtsɛmbuafo, na ɔkɔnhyɛnyi, ɔdzeyifo, na tsetsenyi;

3 Eduonum do safohen na onyimdzefo, na ɔpamfo, na edwindzi mu onyifirfo, na ɔdzeafo a adzea abra no.

4 Na mebɛma mbofraba ayɛ hɔn asafohemfo, na mbɔtoaba edzi hɔn do mpanyin.

5 Na nkorɔfo bɛhaw hɔnho, oyi na oyi, na obi na ne nyɛnko; akɔkowaba bɛhyehyɛ noho wɔ akɔdaa do, na atsetsekwaa so wɔ onyimnyamfo do.

6 Sɛ obi suo no nua a ɔwɔ n’egya fie mu na ɔse dɛ: Ɔwo ewɔ atar, bedzi hɛn ɔhwɛdofo, na mma aodwuruw yi mmba w’abaw do—

7 Da no mu na ɔbɛma ne ndze do, dɛ: Merennyɛ aɔyarsafo; na edziban anaa atar bi nnyi me fie; mma hom nnyɛ me ɔmanpanyin.

8 Na Jerusalem aedwuruw, na Judah bahwe ase, osiandɛ hɔn ngyirama na hɔn nyɛe tsia Ewuradze dɛ wɔdze riyi n’enyimnyam ehi.

9 Hɔn enyimsu dzi dase tsia hɔn; na wɔkã hɔn bɔn dɛ aSodomfo, wɔmmfa nnsuma. Hɔn kra ndue! na wɔdze hɔn bɔn etua hɔnho kaw.

10 Hom nka wɔ ɔtseneneenyi ho dɛ obesi no ayie; na wobedzi hɔn ndɔdze.

11 Omumuyɛnyi ndue! obowie no mbusu; na ne nsaano akatua na wɔdze bɛma no.

12 Me man dze, mbofra nye hɔn ahyɛdofo, na mbaa dzi hɔn do panyin. O me man, hɔn a awogya wo kwan dze wo fom, na wɔsɛɛ w’akwan.

13 Ewuradze egyina areserɛ, na oegyina rubu aman atsɛn.

14 Ewuradze nye me man mu mpanyimfo na no mu aasafohemfo bɔkɔ asɛndzii: Homara na hom bedzi cwenyin ture no; dehiafo easadze wɔ hom efiefi mu.

15 Ase nye dɛn na hom dwerew me man, na hom hyɛ ehiafo amen, Dɔm Ewuradze Nyankopɔn na ɔse.

16 Ewuradze see bio dɛ, Osiandɛ Zion mbabaa yɛ ahopɔw, na wɔtoto hɔn kɔn na wɔdedadeda hɔn eyi ekyir, na wɔnam adedadeda ma hɔn nansa nkaba gyegye—

17 Dɛm ntsi Ewuradze bɛma satwem egu Zion mbabaa etsifi, na Ewuradze abɛda hɔn adagyaw edzi.

18 Da no na Ewuradze beyi hɔn anantuadze fɛɛfɛw no, na aitsiratena na badze korkorba dɛ bosoom;

19 Asowamuadze na nsakɔnadze, ankataenyim;

20 Abɔtsir, na anandze ntweaban, na abɔtsir, na nduhuam mpakyiwa, na asowamuadze;

21 Mpɛtsea, na hwenmuadze;

22 aAfahyɛ ntar, na egudo, na nkatakɔnmu, na mbɔtowa;

23 aNhwehwɛmba, na ndwera pa, akyekyetsir na nkataenyim.

24 Na ɔbɛba dɛ, bɔnee bɛhyɛ huam ananmu; na aatar gow ahyɛ abɔdo ananmu; na etsipaa ahyɛ takuwa a woesi no yie ananmu; na eyitam abɔdo ahyɛ babɔyamu ananmu; cɔhyewtua ahyɛ ahoɔfɛw ananmu.

25 Wo mbarimba bɔtotɔ afowa ano, na w’akatakyi atotɔ ɔsa mu.

26 Na n’aponkɛse botwa ewuo na oegyam; na ɔbɛda hɔ pan na ɔatsena famu.