1 Na ekyir a Christ ^aasoɛr efi ewufo mu no, ^bobeyi noho akyerɛ hom, me mba, na mo nuanom adɔfo; na nsɛm a ɔbɛka akyerɛ hom no bɛyɛ ^cmbra a hom bedzi do.

2 Na hwɛ, mekã kyerɛ hom dɛ mehu dɛ ebusuasantsen pii botwa mu akɔ, na akõkoekõ akɛse na wentwiwentwi besi mo nkorɔfo mu.

3 Na aber a Messiah bɛba no wobeyi ^ansɛnkyerɛdze akyerɛ mo nkorɔfo wɔ ^bn’awoo ho, nye no wu na wusoɛr no so ho; na dɛm da no bɛyɛ ɔhaw da kɛse ama emumuyɛfo, osiandɛ wɔbɛhera; wɔbɛhera osiandɛ wɔtoow nkɔnhyɛfo nye ahotseweefo no kyenee na wosiiw hɔn abo, na wokum hɔn; dɛm ntsi ^cahotseweefo no hɔn bɔgyaa no sũ bɔfow efi asaase do akɔ Nyankopɔn nkyɛn wɔ sor dze etsia hɔn.

4 Dɛm ntsi, ahopɔwfo nyina, na hɔn a wɔyɛ emumuyɛdze no, da no a ɔreba no ^abɛhyew hɔn, Dɔm Ewuradze na ɔse, na ɔbɛhyew hɔn dɛ eburonan.

5 Na hɔn a wokum nkɔnhyɛfo na ahotseweefo no, asaase no bun ^abɛmen hɔn, Dɔm Ewuradze na ɔse; na ^bmbepɔw bɛkata hɔn do, na ekyinehyia mframa bɔsoa hɔn akɔ, na adan bobubu ahwe hɔn do, na woebubu posoposo na wɔanyam hɔn huntuhuntu.

6 Na wɔdze wimu mpaapaamu, na asenaman, na asaasewosow, na ɔsɛɛ horow pii bɛba hɔn do, na Ewuradze n’ebufuw gya bɛdzɛw hɔn do, na ɔbɛhyew hɔn dɛ eburonan, na da no a ɔreba no bɛmen hɔn, Dɔm Ewuradze na ɔse.

7 O me kra dzi yaw na awerɛhow dze ma mo nkorɔfo wɔ wu a wobowu na ɔsɛɛ a wɔbɛsɛɛ hɔn no ho! Na emi, Nephi, meehu, na ɔka kakra ma nkyɛ amen me koraa wɔ Ewuradze enyim; mbom ɔsɛ dɛ metsẽa mu se me Nyame dɛ: W’akwan ^atsen.

8 Mbom hwɛ, atseneneefo a wotsie nkɔnhyɛfo hɔn nsɛm no, na wɔrennsɛɛ hɔn, na mbom wobegyina pintsinn dze ahwɛ Christ ne mbaa ho nsɛnkyerɛdze a woeyi akyerɛ no, ^aatseetsee nyina ekyir no—hwɛ, hɔn nye nkorɔfo a ^bwɔrennhera.

9 Mbom Ɔtseneneenyi ne Ba no ^abeyi noho akyerɛ hɔn; na ^bɔbɛsa hɔn yarba, na wobenya ^casomdwee wɔ ne nkyɛn, ekesi dɛ ^debusuasantsen ebiasa botwa mu akɔ, na ^eebusuasantsen a otsĩa anan no mu dodowara so botwa mu akɔ wɔ tseneneeyɛ mu.

10 Na aber a dɛm ndzɛmba yi etwa mu akɔ no, ^aɔsɛɛ bɛba mo nkorɔfo do ntsɛntsɛm; na ɔmmfa ho koraa dɛ yaw akã me kra, meehu; dɛm ntsi, minyim dɛ ɔbɛba mu; na wɔtɔn hɔn ho kwa; na, osian hɔn ahopɔw nye hɔn nkwaseasɛm ntsi wobobu ɔsɛɛ dze ayɛ hɔn akatua na ɔnam dɛ wɔdze hɔn ho maa abɔnsam na wɔpɛɛ sum mu ndwuma sen kan ndwuma ntsi, wɔbɔkɔ ^bhɛl mu.

11 Na Ewuradze no Sunsum nye ɔdasanyi dze rinndzi ^aaper daa. Na sɛ sunsum gyaa dɛ ɔnye ɔdasanyi dzi aper a nna ɔsɛɛ reba ntsɛntsɛm, na iyi ɔma me kra botow.

12 Na dɛ mbrɛ mekasaa ama ^aJewfo no ^beenya gyedzi dɛ Jesus, ^cɔnoara nye Christ no, obehia dɛ wɔbɛma Amanamamfo so agye edzi dɛ Jesus nye Christ, Onnyiewiei Nyankopɔn no;

13 Na ɔnam ^aSunsum Krɔnkrɔn no tum do da no ho edzi kyerɛ hɔn a wɔgye no dzi no; nyew, aman nyinara, ebusuafo horow, kasa horow, na nyimpa nyinara, na ɔyɛ etumdze akɛse, nsɛnkyerɛdze, na anwanwadze pii wɔ adasamba mu dɛ mbrɛ hɔn gyedzi tse.

14 Mbom hwɛ, mehyɛ hom nkɔm wɔ ^anda a odzi ewiei no ho; ɔfa no nda a Ewuradze Nyankopɔn ^bbɛda ndzɛmba yinom edzi akyerɛ adasamba.

15 Ekyir no a m’asefo nye mo nuanom hɔn asefo bɔwodow wɔ gyedzi mu, na Amanamamfo botwa hɔn akyen; nyew, ekyir no a Ewuradze Nyankopɔn nam n’ebufuw do bɔbɔ asese etwa hɔn ho ehyia; dze etsia hɔn na woesisi adaban dze etsia hɔn; na ekyir no a wɔabrɛ hɔn adze ahyɛ huntuma ase ma wonnhu hɔn mpo no, nna ɔtseneneenyi ne nsɛm no wɔbɛkyerɛw, na wɔbɛtse agyedzifo hɔn mpaabɔ, na hɔn a wɔawodow wɔ gyedzi mu no, wɔbɛkaa hɔn.

16 Na hɔn a wɔbɛsɛɛ hɔn no befi asaase tsirmu ^aakasa akyerɛ hɔn, na hɔn ndze bɔkɔɔ no befi huntuma no mu, na hɔn ndze bɛyɛ dɛ obi a ɔwɔ samamfrɛnyi ndze; osiandɛ Ewuradze Nyankopɔn bɛma hɔn tum, ama wɔaawasa dza ɔfa hɔn ho, sɛ koraa mpo dɛ wofi asaase tsirmu a; na hɔn ndze bɔwasa efi huntuma mu aba.

17 Na dɛm na Ewuradze Nyankopɔn se: ^aWɔbɛkyerɛw ndzɛmba a wɔbɛyɛ wɔ hɔn mu no, na wɔbɛkyerɛw no wɔ nwoma mu na wɔasɔw ano, na hɔn a wɔawodow wɔ gyedzi mu no nsa rennka, osiandɛ ^bwɔhwehwɛ dɛ wɔbɛsɛɛ Nyankopɔn ne ndzɛmba.

18 Dɛm ntsi, dɛ hɔn a wɔasɛɛ hɔn no, wɔsɛɛ hɔn ntsɛntsɛm; na hɔn mu dodowara a wɔyɛ dzen no bɛyɛ dɛ ^antsɛw a wɔbɔ hɔn petse—nyew, dɛm na Ewuradze Nyankopɔn se: Iyi botwa mu awerɛfir mu, awora—

19 Na ɔbɛba dɛ, hɔn a wɔbɔwodow wɔ gyedzi mu no, wɔbɛnam Amanamamfo hɔn do ^aatsẽa hɔn.

20 Na Amanamamfo amema hɔnho do wɔ hɔn ^aenyiwa a ɔtratra hɔn ntɔn no mu, na ^bwoefintsiw, na osian hɔn ^cfintsidua ne kɛse ntsi, woesisi ^dnsɔrbansɔrba pii; naaso wɔdze Nyankopɔn no tum na n’anwanwadze bɔto famu, na wɔakyerɛkyerɛ wɔ hɔnankasa hɔn nyansa na ^enwomasũa mu ama woeenya mfaso na wɔdze ehiafo enyim ^fetwutwuuw famu.

21 Na nsɔrbansɔrba pii wɔ hɔ a woesisi ama ^aenyitan, na aperdzi, na nhyɛ.

22 Na ^ansumaamu fɛkuwbɔ so dɛ mbrɛ ɔtse wɔ tsetseberdo no, dɛ mbrɛ abɔnsam ne fɛkuwbɔ tse, osiandɛ ɔno nye dɛm ndzɛmba yi nyina ne farba; nyew, ewudzi farba, na sum mu ndwuma; nyew, ɔdze ahoma sen hɔn kɔn na ɔtwe hɔn dzi n’ekyir kesi dɛ ɔdze ne ntampehoma no bɛkyekyer hɔn afebɔɔ.

23 Na hwɛ, mo nuanom adɔfo, mese hom dɛ Ewuradze Nyankopɔn nndzi dwuma wɔ sum mu.

24 Ɔnnyɛ adze biara gyedɛ dza ɔyɛ mfaso dze ma wiadze; osiandɛ ^aɔdɔ wiadze, dɛm ntsi na ɔdze noara no nkwa too hɔ ama ɔaatwe ^badasa nyinara ama noho. Dɛm ntsi, ɔnnhyɛ obiara dɛ mma ɔnnyɛ no nkwagye no ne fafafo.

25 Hwɛ, ana ɔtsea mu kã dɛ: Fi me nkyɛn kɔ? Hwɛ, mese hom dɛ, dabida; mbom ɔkã dɛ: Hom mfi asaase n’ewiei nyinara ^ambra me nkyɛn, Hom ntɔ enumfonsu na ewo a wɔmmfa sika ^bnntɔ na woenntwa bo so no.

26 Hwɛ, ana ɔahyɛ hɛn mu binom dɛ womfi nhyiamudan no mu mfi, anaadɛ womfi mbea a wɔsom wɔ mfi? Hwɛ, mese hom dɛ, Oho.

27 Ana ɔahyɛ binom dɛ mma wonnya kyɛfa wɔ no ^ankwagye mu? Hwɛ, mese hom dɛ, Oho; mbom ɔdze ^bama adasa nyinara kwa; na ɔahyɛ no nkorɔfo dɛ wɔndɔkɔdɔkɔw adasa nyinara ma ^cwonnu hɔnho.

28 Hwɛ, ana Ewuradze ahyɛ hɛn mu binom dɛ mma wonnya ne papayɛ? Hwɛ, mese hom dɛ Oho; mbom ^aadasa nyinara wɔ ho ndzinoa, dɛ mbrɛ kor tse no dɛmara na kor so tse, na wonnsiw obiara kwan.

29 Ɔhyɛ dɛ wonyi ^aasɔfoɔtorsom mfi hɔ; na hwɛ, asɔfoɔtorsom nye dɛ adasa kã nsɛmpa na wɔdze hɔn ho si hɔ dɛ hɔn nye kan a ɔwɔ wiadze, ama woeenya mfaso na ^bnkamfo efi wiadze; na mbom wɔnnhwehwɛ Zion ne yie yɛ.

30 Hwɛ, Ewuradze etsia dɛm adze yi; dɛm ntsi, Ewuradze Nyankopɔn ama mbrasɛm dɛ adasa nyinara nyɛ ^aayamuyie, dɛm ayamuyie yi nye ^bɔdɔ. Na gyedɛ wɔyɛ ayamuyie ɔno wɔnnsɛ hwee. Dɛm ntsi, sɛ wɔyɛ ayamuyie a wɔronnhwɛ ma Zion odwumayɛnyi nnhera.

31 Mbom odwumayɛnyi a ɔwɔ ^aZion bɛyɛ edwuma ama Zion; na sɛ wɔyɛ edwuma dze pɛ ^bsika a ɔno wɔbɛhera.

32 Na bio, Ewuradze Nyankopɔn ^aahyɛ dɛ mma obiara nndzi ewu; mma wonndzi ator; mma wonnwia adze; mma wɔmmbɔ Ewuradze hɔn Nyankopɔn ne dzin ^bgyangyan; dɛ mma wɔnnyɛ enyitan; mma wɔnndwen bɔn; mma wɔnnye hɔnho nndzi aperper; mma wɔmmbɔ edwaman; na mma wɔnnyɛ iyinom mu biara; osiandɛ obiara a ɔyɛ iyinom no bɛhera.

33 Osiandɛ dɛm emumuyɛ yi mu biara mmfi Ewuradze; na ɔno ɔyɛ dza oye wɔ adasamba mu; na biribiara a ɔbɛyɛ ama adasamba no ɔyɛ no petee; na ɔto nsa frɛ hɔn nyinara dɛ wɔmbra ne nkyɛn mbenya ne papayɛ; na ^aɔmmpow obiara a ɔba ne nkyɛn, bibinyi na borɔnyi, akowa na fahodzinyi, ɔbarimba na ɔbaa, na ɔkaa ^babosonsɔrfo; na ^chɔn nyinara yɛ adze kor ma Nyame, Jewfo na Amanamamfo no mu biara.