1 Kwaye kuya kuza ngaphambili ^aintonga iphuma ^bkwisiphunzi ^csikaYese, kwaye isebe liya kuhluma liphuma ezingcanjini zayo.

2 Kwaye ^auMoya weNkosi uya kuphumla phezu kwayo, umoya wobulumko nengqiqo, umoya wecebo namandla agqithileyo, umoya wolwazi nowoloyiko lweNkosi;

3 Kwaye uya kuyenza ibe nengqiqo ekhawulezayo ekoyikeni iNkosi, kwaye akasayi ^akugweba ngokokubona kwamehlo akhe, angohlwayi ngokuva kweendlebe zakhe.

4 Kodwa ^angobulungisa uya kubagweba abazintsizana, kwaye ^bohlwaye ngokulunga ngakubo ^cabalulamileyo bomhlaba; kwaye uya kuwubetha umhlaba ngentonga yomlomo wakhe, kwaye nangomphefumlo wemilebe yakhe uya kubabulala abakhohlakeleyo.

5 Kwaye ubulungisa buya kuba ngumbhinqo wesinqe sakhe, kwaye nokuthembeka kube ngumbhinqo ^awesinqe sakhe.

6 Ingcuka kanjalo iya kuhlala netakane lemvu, kwaye nengwe iya kubuthuma netakane lebhokhwe, nethole lenkomo nengonyama entsha nethole elityetyisiweyo ndawonye; nomntwana omncinane uya kuzikhokela.

7 Kwaye imazi yenkomo nebhere ziya kudla; amankonyana azo aya kubuthuma ndawonye; nengonyama iya kudla umququ njengenkomo.

8 Kwaye umntwana owanyiswayo uya kudlala emngxunyeni ^awephimpi, nomntwana olunyulweyo uya kufaka isandla sakhe ^belukhozweni lweliso lwerhamba.

9 ^aAziyi kwenzakalisa zingayi kutshabalalisa kuyo yonke intaba yam engcwele, kuba umhlaba uya kuba uzaliswe ^blulwazi lweNkosi, njengokuba amanzi egubungela ulwandle.

10 Kwaye ^angaloo mhla kuya kubakho ^bihlumelo likaYese, eliya kuma njengebhanile yabantu; bonke ^cabeeNtlanga ^dbaya kulilangazelela; kwaye nendawo yokuphumla kwalo iya kuba ntle ngokubalaseleyo.

11 Kwaye kuya kwenzeka ngaloo mhla okokuba iNkosi iya kuqalisa ukubeka isandla sayo kwakhona ^aokwesibini ukubuyisela intsalela yabantu bayo abaya kusala, ukusuka eAsiriya, naseYiputa, nasePatros, naseKushi, nakwaElam, naseShinare, naseHamati, kwaye nakuzo iziqithi zolwandle.

12 Kwaye uya kumisela phezulu ^aibhanile yezizwe, kwaye uya kudibanisa kunye ^babagxothiweyo bakaSirayeli, aze ^cahlanganise kunye abasasaziweyo bakwaYuda ukusuka kuzo zone iimbombo zomhlaba.

13 ^aUmona kaEfrayim kanjalo uya kuthotha, kwaye neentshaba zikaYuda ziya kusikelwa ngaphandle; ^buEfrayim akasayi kumonela ^cuYuda, noYuda angambandezeli uEfrayim.

14 Kodwa baya ^akuphaphazela phezu kwamagxa awo amaFilisti ukuya ngasentshona; baya kuthabatha kunye namaxhoba asempuma; baya kubeka isandla sabo phezu kwe-Edom neMowabhi; kwaye abantwana baka-Amon baya kubathobela.

15 Kwaye iNkosi iya ^akulutshabalalisa ngokupheleleyo ulwimi lwalo ulwandle lwaseYiputa; kwaye ngomoya wakhe ovuthuzayo uya kutyityimbisela isandla sakhe phezu komlambo, aze awubethe ube yimisinga esixhenxe, aze abenze abantu bawele ngeembadada zomile.

16 Kwaye kuya kubakho ^aumendo wentsalela yabantu bakhe abaya kuba besele, ukusuka eAsiriya, njengoko kwakunjalo kuSirayeli ngomhla awanyuka ephuma ngaphandle kwelizwe laseYiputa.