1 Áádóó kʼad áhoodzaa díkwííshíí nááhai dóó bikéédééʼ, hastiin łéí Nephi bidineʼé yitah níyá, óólyéhígíí éí Sherem.

2 Áádóó baa hoolzhiizh diné neinitingo yaanídiidzá, Christ doo hólóo da níigo, dóó tʼáá ádzaagóó Diné yaa haniihgo neinitin; Dóó Christ binaʼnitin yóóʼádoolnííł nizingo yínaʼniłtin.

3 Áádóó dińe yijéí yinaʼaloʼgo yóóʼayiʼéésh éí yéego yinaashnish, ląʼída bijéí yinaʼaloʼgo dahyidiieezh; shí, Jacob, Christ tʼáá aaníí doogááłgo yinishdlánígíí yee shéhósin, tʼáá íiyisíí bidááhdeeshááł laanaa nizin.

4 Áádóó diné ííłtaʼii nilį́, bidineʼé bizaad tʼáá íyisíí bił bééhózin; ákohgo, tʼáá íyisíí saad néiyooniłgo, bizaad bidziil, biʼiiníziinii bibeʼazil bikʼehgo.

5 Áádóó oodląʼ hąądeeshxáł laanaa nizin, azhą tʼóó ahayóí Diyin God shił ííshją́ą́ áyiilaa dóó yiłtsanígíí biniinaa; tʼáá anii Diyin yá ndaalʼaʼí deiłtsá, dóó shikaʼííjééʼ. Áádóó ałdóʼ, bikʼináhalzhiizhgo, Diyin Bóhólníihii tʼáá biʼ biinééʼ yee shichʼį haadzííʼgo nídiistsʼííh, ákohgo, sheʼoodląʼ doo bohodééłníí da.

6 Áádóó baa hoolzhiizh shaa niyá, áádóó kótʼéego shichʼį haadzííʼ, kóníigo: Shikʼis Jacob, tsʼídá łąʼídi nichʼįʼ hadeesdzih nisingo bikáʼíítʼįįd, sidétsʼą́ą́ʼ dóó shił bééhózin ląʼígóó tádíníyáh, nahatʼá bee yisdáʼiildéehii wolyéii bee naʼnítingo, doodago Christ binaʼnitin bee.

7 Áádóó díí diné ląʼígo yóóʼííníʼeezh Diyin God bikééʼ oodááł dayiiłchxǫʼ, dóó Moses bibee hazʼáanii doo yikʼeh dahółíí da éí tʼáá ániijigo átʼé; dóó Moses bibee hazʼáanii łahgo íinilaa díkwíidi neeznádiin nááhaigo łaʼ náádoodááłgo deidoodląął diníigo. Áádóó kʼad áko shooh, shí, Sherem, bee nihił hashneʼ díí éí Diyin God tʼóó baaʼihgo bá yátiʼ átʼé; háálá diné łaʼ díí doo bił bééhózin da; háálá naasjįʼ ahoodoniłígíí doo łaʼ bił bééhózin da. Díígiʼ atʼáó Sherem saad yee shikʼijįʼ haadzííʼ.

8 Ákondi shooh, Bóhólníihii Diyin God biʼIiʼ Sizį́ Diyinii doo tsiʼ átʼéégóó shiiʼhííyá, áko tʼáá átʼé yee hahazih yéé bee bidiiłheel.

9 Áádóó abidishní: Daʼ Christ doogaałígíísh doo yinídląą da? Áádóó ńtʼę́ę́ʼ ání; Christ hólǫ́ǫgo; ákótʼáo éí tʼáá anii holǫ nisin doo; ndi shił bééhózingo Christ doo hólǫ́ǫ da, tʼáá ałkʼidąą tʼáá adin, dóó náásgóó doo hodooleeł da.

10 Áádóó abidííniid: Diyin God bizaad bee akʼedaʼashchínígíísh yinídlá? Áádóó aní, Aooʼ.

11 Áádóó ábidííniid: Áko tʼáadoo bikʼiʼdinítʼą́ą da lá; háálá éí tʼáá aaníigo Christ yaa dahalneʼ. Áko shooh, ándishní Diyin yá yádaałtiʼii tʼáadoo ndaʼíízoh da, dóó bił ííshją́ą́ ádaʼalyaa da, tʼáá hozhǫʼí yeeʼ Christ bíl ííshjání ádaalyaago índa.

12 Áádóó doo díí tʼéiyá da—éí shił ííshją́ą́ áhoolyaa, háálá sidétsʼą́ą́ʼ dóó yiłtsʼá; áádóó ałdóʼ Iiʼ Sizį́ Diyinii bibeʼadziilii bee shił íishjání eʼélyaa; ákohgo, bąąhági átʼéii yikʼé nináʼílyáhígíí adingo éiyá nihokááʼ dineʼé doo bééhódoozįįł da ntʼéé.

13 Áádóó baa hoolzhiizh kóshidííniid: Bee yitʼinígíí shił íishjaa áníleeh Iiʼsiziį́ Diyinii bibeʼadziilii bee, áko laʼ áájígo ayóó nił ééhóózingo baa yaniłtiʼ.

14 Áádóó ábidííniid: Háísh ashtʼįįgo Diyin God binishtaah doo díí bichʼįʼ íishjání anileeh bidishníígo tʼáá íídąą nił bééhózinii átʼé? Ákótʼée ndi, dóó yiinídląą da, háálá biʼiiníziiniikʼehgo yiinídlá. Ákotʼée ndi, doo éí shí shikʼehgo da; ndi Diyin God átiniilaago, éí bee yitʼinígíí beʼadziilii átʼéego nił bééhódoozįįł, yáʼąąsh dóó nahasdzáán bikʼáá tʼáá áłah, dóó ałdóʼ, Christ doogááłgo. O Diyin Bóhólníihii, íínizinígiʼ bikʼehgo áhoodooniił, shí shikʼehgo éí dooda.

15 Áádóó baa hoolzhiizh, shi, Jacob, díí saad bee haasdzííʼ, Diyin Bóhólníihii bibeʼadziilii bikʼihooleʼ, honaasii niʼjįʼ naaíígoʼ. Áádóó baa hoolzhiizh baa naʼaltsoʼgo ląida yiską́.

16 Áádóó baa hoolzhiizh diné yichʼįʼ haadzííʼ: Yiskąągo ałhíídoohkah, háálá shiʼneestsą́; ákohgo, díí diné bichʼį hadeesdzih nisin tʼah doo daastsaa dą́ą́ʼ.

17 Áádóó baa hoolzhiizh biiskání ląʼígo áłah azlį́į́ʼ; dóó tʼáá bééhózinígo haadzííʼ dóó yee neineeztʼąąhąą yikʼiji hahasdzííʼ, dóó Christ yoosdląądígíí, dóó Iiʼ Sizį́ Diyinii bibeʼadziil, dóó Diyin yá ndaalʼaʼí diyinkʼehgo ákáʼííjéʼígíí yaa hoolneʼ.

18 Áádóó tʼáá bééhózinígo yichʼįʼ haadzííʼ, biʼiiníziinii bibeʼadziil binaʼazloʼígíi yaa holneʼ. Áádóó chʼį́įdiitah, dóó ahooláago iiná, dóó ahooláago atʼihooniih yaa holneʼ.

19 Áádóó ání: bąąhági átʼéii doo bee hanídiʼdootʼaałígíí ááshtʼįįdgo biniinaa baa shił hóóyééʼ; háálá Diyin God nííʼaaʼ: háálá Christ doo yisisdląąd da, dóó Diyin bizaad bee akʼedaʼashchínígíí yiisisdląąd dííniid; dóó éí tʼáá aníí átʼéego yaa dahoolneʼ. Áádóó Diyin God nííʼaaʼígíí biniinaa bee shaahodínóotʼįįłígíí tʼáá áyisíí bááhádzidgo béésisdzííd; ákondi Diyin God bichʼįʼ ádaahweeshneʼ.

20 Áádóó baa hoolzhiizh díí saad yee haadzííʼgo bíkééʼdóó tʼáadoo hanáánáádzííʼ da, áádóó bitsʼíís náádiilyá.

21 Áádóó kʼadę́ę́ʼ daatsaahgo díí saad yee haadzííʼígíí diné deiyidiiztsʼą́ą́ʼ, áko tʼóó báhádzoo biyaadahodeesyis; tʼáá díí biniinaa yáʼąąshdę́ę́ʼ Diyin God bibeʼadziil bikʼidahooleʼ, dóó bideʼádaadzaago niʼjįʼ kódabiilaa.

22 Kʼad, shí, Jacob, díí baa shił hóózhǫǫd, háálá shiTaaʼ yáʼąąshdi hólóonii díí bííkeed; háálá díí baanéisiskanígíí yidiiztsʼą́ą́ʼ dóó shisodizin shá yeʼiilaa.

23 Áádóó baa hoolzhiizh diné bitahgo kʼé ndahasdlįįʼ dóó Diyin beʼayóóʼóʼóʼní ninályá; áádóó Diyin bizaad bee akʼedaʼashchínígíí nideiłkaahgo deiyoołtaʼ ndaasdlįįʼ, áádóó díí haastiin doo tsʼíídyę́ę bizaad doo deiyoostsʼą́ą́ʼ da daazlįįʼ.

24 Áádóó baa hoolzhiizh Laman dineʼé tʼáá aníínii bił bénídahodoozįįł biniyé tʼóó ahayóí binahjįʼ yáʼátʼéehgo dahiiná nídadoodleełgo bee bikáʼaʼoowod; tʼóó tʼáadoo biniyeʼhé ndaasdlį́į́ʼ, háálá anaaʼí dóó naʼatsxeed tʼéiyá bił danilį́į́, dóó tʼáá díí binahjįʼ áhoolʼáágóó danihijoosłaad, nihikʼiské. Áádóó bilaʼ yee dabidziilgo áłahjįʼ ádanihidoołdįįłgo ntsídakees daazlį́į́ʼ.

25 Ákohgo, Nephi bidineʼé bilaʼ yee bikin yichʼąąh daʼaztłin, yéígo ádaatʼįįgo, Diyin God yaa daʼóli, dóó binahjį yisdáʼiildéehii nilíinii; ákohgo, tʼáá ákodaatʼį́įgo, beʼanaʼí yikʼeh dadeesdleeł.

26 Áádóó baa hoolzhiizh shí, Jacob, hasistih; dóó diné bikee nááhaneʼ éí Nephi bibeesh tʼaą́hí łaʼígíí bikááʼ ndaháásdzo, ákohgo, díí ałtsóʼ náʼházoh, tʼáá shí shintsíkeesígíí bikʼeh niʼsízoh dishní, kodeitʼįįgo nihił ahoolzhiizh, dóó niheʼiinaʼ ałdo naʼiigeeł nahalingo nihił ahoolzhiizh, tʼáá sáhí neikai dóó hojoobaʼ dineʼeʼ dasiidį́į́ʼ, diné tʼóó ndaakaiʼígíí, Jerusalemdę́ę́ʼ chʼíbiʼdiʼneelkaadígíí, tiʼhooʼníí biiʼ daʼbiʼdeezhchʼinígíí, diné doo keehatinídí, dóó nihikʼiské danihoołchʼį́įdgo, tʼáá díí binahjįʼ ałchʼįʼ ndaabaah dóó daʼahigą́ daazlį́į́ʼ; ákohgo, yíniił biiʼ nihiyííską́.

27 Áádóó shí, Jacob, kʼadę́ę́ʼ łeeh shiʼdiilteehgóó bee aʼdiistsą́; ákohgo, shiyé Enos abidííniid: Díí beesh tʼąhí nidiinííł. Dóó Nephi shikʼis ashidííniidyę́ę bee bił hweeshneʼ, áádóó bee ndahwiistʼánéé bikʼeh honíshį́į doo dííniid. Dóó díí béésh tʼąhí akéédi ałtsoʼ biiʼ niʼdeesoh, éí niʼsézoohígíi ałtsiʼsíyę́ęʼ; áádóó díí yoołtaʼígíí hágoóneeʼ bidishní, ląʼígo shikʼiské shizaad deiyídoołtaʼgo baa laanaa nisin. Shikʼéí, Diyin God nihił dah hólǫ́ǫ doo.