Jacob Binaaltsoos
éí Nephi Bitsilí

1 Háálá áko shooh, áádóó baa hoolzhiizh Lehi Jerusalemdę́ę́ʼ niyáá dóó kojįʼ ashdladiin dóó biʼaan ashdlaʼ nááhai; ákohgo, Nephi, shí, Jacob, béésh tʼą́hí bee hazʼáanii bikááʼ ndaháásdzoh bídadéétʼígíí, yee shichʼįʼ haadzíí.

2 Áádóó shí, Jacob, díí bee hazʼáanii béésh tʼą́hí tʼáá íiyisíí nił nilínígíí łaʼ bikááʼ nahidíízoh shidííniid; Díí Nephi dineʼé daolyéhígíí binákééʼ náháneʼ doo ádíílííł da, tʼáá ahazhoʼó áłtsʼíísígo tʼéiyá shidííniid.

3 Háálá díí bidiné binákééʼ náháneʼ éí náánáłaʼ bibéésh tʼą́hí bikááʼ ndaháásdzoh shidííniid, dóó díí béésh tʼą́hí baaʼáhólyą́ dóó shílástsiiʼ, ałkééʼ ndaʼóóchį́į́ł, dóó kojįʼ baadííʼááł shidííniid.

4 Áádóó diyingo naʼnitinígíí, doodago ayóó atʼéego ił ííshją́ą́ ályaa, doodago Diyin bikʼeh áhodoonííłgo baa haneʼ, dóó aghááhgo baahaneʼígíí díidí béésh tʼą́hí bikááʼ náhídéezoh, dóó tʼáá yéego baah haneʼgo, Christ bágo, dóó nihidiné bá doo.

5 Háálá oodlaʼ dóó ayóó atʼéego doo yáʼáshǫ́ǫ́góó naʼiiłnah biniinaa, tʼáá aaníigo nihidineʼé bił áhodoonííłígíí, nihił ííshjání ályaa.

6 Áádóó ałdóʼ ląʼígo nihił ííshją́ą́ éʼélʼyaa, dóó ląʼída diyingo áhodooníłígíí nihaadahaasyá; ákohgo, Christ dóó bee bóhólníh bił hazʼą́, baahodoolzhishígíí nihił béédahózin.

7 Ákohgo nihidineʼé bitah yéego ndashiilnish, Christ yikééʼ deiyikááh doo bá laanaa daniidzingo, dóó Diyin God biyáʼatʼééhii nideididoolééł, dóó Diyin God bibee ił hózhóonii da yił yah anáhidoohkah, éí haitʼao da doo yah ahidookah da éí biniinaa hashkéego yichʼįʼ haadziih, doo kééhatʼínídi Israel baʼáłchíní bąąhági ádaatʼį́įgo Diyin God doo bił yáʼíítʼééhdayę́ęgiʼ átʼáo.

8 Ákohgo, tʼáá ałtso nihokááʼ dineʼé doo Diyin God yikʼíjįʼ danilį́į da dooleełgo nideiniikąąh, áko doo bádahoodiiłchʼįįł da, ndi tʼáá ałtso nihokááʼ dineʼé Christ deiyoodląą doo danízin, dóó biʼdiisyį́ yaa ntsídadookos, dóó tsin ałnaozʼá bikáaʼgi tiʼhoozniih dóó bikʼihoodíítʼánéé; ákohgo, shí, Jacob, shikʼis Nephi yee shichʼįʼ haadzih yę́ę beʼdeeshlííłgo akʼihdeeshtʼą́.

9 Kʼad éí Nephi haastih, dóó kʼahdą́ą́ dadootsaałgo yaa ákoniizį́į́ʼ; ákohgo, łaʼ diné aláahdi naatʼáanii dóó bidineʼé yá nahaʼáa dooleełígíí akʼah yee yiyiisį́į́ʼ, aláahdi naatʼáanii daniłínígíí bikʼehgo.

10 Diné Nephi ayóó adeiyóníí ńtʼę́ę́ʼ, ayóó atʼéego baa ahalyáá ńtʼę́ę́ʼ, Laban bibeeshał yee hachʼą́ą́h naazbaaʼ, tʼáá ákwííjį́ há naalnishgo nahashzhiizh—

11 Ákohgo, diné ádeinizin éí bizhiʼ bee deilnih doo. Dóó tʼáá háíshíí bitséskʼeh góneʼ adoogałígíí diné deiyíízhiʼ, Nephi naaki, Nephi táá, dóó tʼáá ákotʼáó bił hoolzhish doo, aláahdi naatʼáanii daniłínígíí bikʼehgo, ákó diné ákótʼéego deiyiizhiʼ, haashį́į́ yitʼáo daabiʼdojíí ńtʼę́ę́ʼ.

12 Áádóó baa hoolzhiizh Nephi dah nídiidzá.

13 Kʼad dineʼé doo Laman dineʼé danilínée Nephi dineʼé daazlį́į́ʼ; ákondi, Nephi dineʼé, Jacob dineʼé, Joseph dineʼé, Zoram dineʼé, Laman dineʼé, Lemuel dineʼé, dóó Ishmael dineʼé daosyeʼ.

14 Ákondi shíʼ Jacob, doo éí kodóóʼ kotʼao deiyíníshíí da doo, ndi Nephi dineʼé atiʼdeiłínígíí éí Laman dineʼé bee yídééshííł, áádóó Nephi yikʼis danilinígíí Nephi dineʼé bee yídééshííł, doodago Nephi bidineʼé, aláahdi naatʼáanii daniłínígíí bikʼehgo.

15 Áádóó bikʼihoolzhiish éí Nephi bidineʼé, naaki góneʼ aláahdi naatʼáanii dahsidáago, bijéí danitłʼizgo háhoolzhiizh, dóó baahígíí adaatʼéhígíí yaa nídííkai, ałkʼidą́ą́ʼ David saní dóó biyeʼ, Solomon, yinízinyę́ę yikʼehgo tʼóó ahayóí beʼasdzáán dóó beʼasdzáá ííłʼínígíí áyiilaa.

16 Aooʼ, áádóó béésh óola dóó béésh łigaii łą́ągo hadeiinitáh, áádóó díí binahjįʼ ádaadadzódlí daazlį́į́ʼ.

17 Ákohgo, shí, Jacob, díidí saad bee naʼnétą́ą́ʼ diyin bighan biyiʼ góneʼ, éí Diyin Bóhólníihii naanish sheiníláhígíí bikʼehgo.

18 Háálá shí, Jacob, dóó shitsilí Joseph díí dineʼé bipriest dóó binaʼnitiní niidlį́įgo nihiʼdoolzį́į́ʼ, éí Nephi nihikʼi sodoolzin.

19 Áádóó Diyin Bóhólníihii bichʼįʼ bee nihiʼdoolzį́ʼígíí yéego choisiilʼįįd, naanishígíí ákʼidiitʼą́, tʼáá éí tʼáadoo yéego bídaniilkaalgo Diyin bizaad diné bee naniitą́ą́ʼgóó bibąąhági ádaatʼéii nihikʼijįʼ ńdoodleeł; ákohgo, yéego nideilnishgo bidiłígíí doo nihiʼééʼ bąąh dadoołeeł da, bidiłígíí nihiʼééʼ bąąh daazlį́įʼgo, dóó nihoníyáadi nihiʼééʼ chin daabąąh doo.