1 Ákondi shooh, shí, Jacob, nihijéí daniłtólígíí nihichʼįʼ háásdziih. Nihíniʼ dabidziilgo Diyin God bichʼįʼ dadinóhʼį́į́ʼ, dóó nihiʼoodlaʼ dabidziilgo bichʼįʼ sodadołzin, dóó nihichʼįʼ ndahwiináago hazhóʼó nihichʼįʼ hadoodzih, dóó nihá náʼiidookąął, áádóó atínihidoolíłígíí yá nahodooʼááł.

2 O tʼáá anółtso nihijéí daniłtólígíí, deʼhódaahnééh dóó Diyin God bizaad nizhónígíí dadoohtsʼį́į́ʼ, dóó beʼayóóʼóʼóʼniʼ ádiihdahołéh, áko binahjįʼ, nihíniʼ dabidziil doo, hoolʼáágóó.

3 Ákondi, yíí, yííyá, doo nihijéí daniłtólígíí, dííjį́ Diyin God bidááhdééʼ niheʼiinaʼ daachxinígíí, doo ádaańdaʼoohkąąhgóó díí nihikéyah hóyééʼgo bá haʼdoodzih, dóó Laman dineʼé, doo nihígiʼ átʼáo bąąh daachxin da, ákótʼée ndi tsʼídá hóyéego bá haʼoodziih, áko atíʼdanihidoołííłgo ánihidoołdį́į́ł.

4 Áádóó tʼáadoo hahí baa hodoolzhizh, ádaańdaʼsookango tʼéiyá díí kéyah tʼáá nihí doo, dóó Bóhóníihii Diyin God yáʼátʼéehgo dahiinanígíí nihitsʼą́ą́dóó dahyididooish.

5 Áko shooh, Laman dineʼé nihikʼiské, éí tʼóó badaaʼihgo biniinaa dajiinohłá dóó bitsʼįʼ yishtłʼizgo ádaalyaaígíí, éí nihilááhdi diyin yikʼeh dahółʼį́, Diyin Bóhóníihii bibee hazʼáanii doo yaa dayooznah da, éí nihizheʼé beilyáa ńtʼę́ę́ʼ—beʼasdzáán tʼáá da łaʼí, dóó doo ádaanínáádahwiiʼnííł da, áádóó ájiłee éí doo ádeiłíįgo deiidísin.

6 Áádóó kʼad, díí bee hazʼáanii deiyiłtsoodgo yikʼeh dahółʼį́; ákohgo, díí yikʼeh dahółʼínígíí biniinaa, díí beehaazʼáanii deiyóótʼąʼ, Bóhólníihii Diyin God doo abidoołdį́į́ł da, ndi baa joobaʼ doo, áádóó beiiníłką́ądi diné bikʼíhojisdłįįʼii danilį́į doo.

7 Áko shooh, beʼhastiin beʼesdzą́ą́ ayóó adeiyóʼní, dóó beʼ esdzą́ą́ beʼhastiin ayóó adeiyóʼní; dóó beʼhastiin dóó beʼesdzą́ą́ baʼałchiní ayóó adeiyóʼní; dóó doo daʼoodlanígíí dóó danihijoołáhígíí éí dabizhéʼé bąąhági ádáátʼįįdyę́ę biniinaa, ákohgo, nihiísh bilááhdi ndaʼídoołtʼe, niayóó átʼéii Tʼáá Ałtsoní Áyilaií bidááhdę́ę́ʼ?

8 O shikʼiské, nahábinásdzid nihibąąhági adaatʼéíi doo baa ádaańdaʼsookangóó éí bitsįʼ nihiláahdi daniłtólí doo, áádóó Diyin God bił hazʼą́ bidááhdę́ę́ʼ éí bił yahaánihiʼdootʼeezhgo.

9 Ákohgo, bee hazʼáanii nihaanishłeʼ, éí Diyin God bizaad, áádóó yíndzihgo bikíji yaniłtʼiʼí bitsiʼ dashtłizhígíí biniinaa, tʼáadoo yíndzihgo bikíji yaniłtʼiʼí tʼóó baadaʼihígíí biniinaa, ndi tʼáá nih tʼóo naaíhígíí baa ntsidíkos, beinilnihgo éí dabizhéʼéyę́ęʼ biniinaa tʼóó badaʼih.

10 Ákohgo, nihaʼáłchíní bee daołniih, doo ákótʼéego ádaʼołínígíí biniinaa bijéí daatsoołdił, dóó ałdóʼ, beidaałniih, chin nihąąh dahálónígíí biniinaa, nihaʼáłchíní daałchxǫʼ, nihooniyáadi bibąąhági ádaatʼéii nihikʼíjįʼ nástʼą́ą doo.

11 O shikʼiské, shizaad dadoohtsį́į́h, nihiyiʼ sizíinii chʼéédaosííd, adaʼdohgháád diyinkʼehjí iiná bąąh daʼoołhaazhdééʼ chʼéédanohdzííd, chʼį́įdiitahdi bikʼeʼayééʼii nahjí kodaołeeh áko doo biʼiiníziinii bá ndaalʼaʼí dadoołeeł da, łeetsoii dookʼą́ą́ł dahsikaad biihjįʼ anihiʼdiʼdoolghą́ą́ł éí anoonééł naaki góneʼígíí átʼé.

12 Áádóó kʼad shí, Jacob, Nephi dineʼé ląʼígo saad bee bichʼįʼ hanáánáásʼdzííʼ, diné bee tsiʼnaʼadá dóó atsʼíís bee tsiʼnaʼadáh, dóó tʼáá ałtso bąąhági átʼéii éí tʼah bitséedi yikʼíjįʼ yááłtiʼ baahadzid atídabidoołíłígo yił chʼíiníʼą́ʼ.

13 Áádóó diné díí tʼáá dikwíhígo yindaalnishígíí, kʼad éí laʼí silį́į́, díí béésh tʼąhí bikááʼ nááhidoodzohgo doo bíighah da, ndi laʼí adaʼałínígíí éí béésh tʼąhí ntsaaígíí bikááʼ nidaasdzoh, dóó daʼanaaʼ doo dóó saad ałkʼítʼááh, dóó aláahdi naatʼáanii ałkʼéé dahnídinoobį́į́łígíí dabikááʼ.

14 Díidí béésh tʼąhí Jacob bibéésh tʼąhí wolyé, dóó éí Nephi bilaʼ yee ayiilaa. Dóó díí saad kʼad ałtso bee haasdzííʼ.