1 Kʼad áko shooh, baa hoolzhiizh Shí, Jacob, shidineʼé saad yéego bee nanétą́ą́ʼ, (áko tʼáá díkwíhígo tʼéiyá shizaad náhászoh, háálá béésh tʼą́hí bíkáá nááhádzóóhgo ayóó nanitłʼah) dóó nihił bééhózin ńdahiidzohígíí béésh tʼą́hí tʼáá bikááʼ daasdzoh doo;

2 Ákondi tʼáá ałtso ńdahíídzóhígíí doo béésh tʼą́hí bikááʼ ályaagóó doo chǫǫłgo doo bééhodoozįįł da; ndi tʼáá díkwíhí nihizaad béésh tʼą́hí bikááʼ ńdahíídzóóh, éí nihaʼáłchíní, dóó ałdóʼ nihikʼiské, tʼáá kóníshéhé ndi yee nihaa ahódanízin doo, doodago biteʼázíní bídéétʼiʼii—

3 Díí baa nihił dahózhǫ́; dóó díí saad tʼáá awołí bee béésh tʼą́hí bikááʼ nidahíídzoh, háshineeʼ nihikʼiské dóó nihaʼáłchíní bijéi yee yaa ahééh danízingo nídeididoolééł bá laanaa daniidzin, áádóó deiníłʼį́įgo yitsʼą́ą́dóó bił dahózhǫ́ǫgo bił éédahodoozįįł dóó yínííł bąąh ádíngo, akʼijįʼ ntsáhákees tʼáágééd, ałtsé biteʼáziní bídéétʼiʼii.

4 Háálá, díí kodeinizingo nidahíídzoh, éí Christ bee dahoniilzinígíí bił bee dahodoozį́į́ł, dóó biʼayóó atʼéíi baa hadaʼííníílní ląʼí neeznaadiin nááhai doogaałjįʼ, doo tʼáá nihí tʼéiyá baa laanaa danizį́į da, ndi tʼáá ałtso nihiląąjįʼ Diyin yá yádaałtiʼii dadiyinii ałdo.

5 Áko shooh, éí Christ deiyoosdląąd dóó bízhiʼ binahjįʼ nihiTaaʼ nilíinii deidósin ńtʼę́ę́ʼ, dóó ałdo nihiTaaʼ nilíinii bizhiʼ bee deidiníílzin ńtʼę́ę́ʼ. Dóó díí biniinaa Moses bibee hazʼáanii bikʼeh dahoniilʼį́, éí nihiyiʼ sizíinii yichʼįʼ nihoolóós; dóó éí biniinaa diyinkʼehji oodááł nihá niilyá, Abraham kééhatʼįįdí Diyin God bibee hazʼáanii yikʼeh hóola yę́ęgiʼ aʼtáó Isaac nááyíísniiʼ, éí Diyin God dóó aYeʼ Tʼáá Éí Tʼéiyá Bá Yizhchíinii neidiyoołnihgo bił aheełtʼé.

6 Ákohgo, Diyin yá yádaałtiʼii binaʼnitin nideilkaah, dóó ląʼída nihił ííshją́ą́ éʼélʼyaa, dóó ląʼída diyingo áhodooníłígíí nihaadahaasyá; díí tʼáá átʼé nihił ííshją́ą́ ádaalyaaígíí aaʼahóní bee nidadiilyá, dóó nihee oodląʼ daniłdzil daazlį́į́ʼ, Diyin Jesus bizhiʼ tʼáá aaníigo álíleekʼeh ádaʼiilʼį́ dóó tsin, doodago dził, doodago tónteel yilkʼol nihikʼe dahółʼį́.

7 Ákondi, Bóhólníihii Diyin God biʼohniilʼánígíí nihichʼįʼ ííshjání ayiilaa bibee ajoobaʼ bee, dóó nihokááʼ dineʼé baʼáłchíní yił hooleʼígíí, biniinaa adziilii nihee dahólǫ́ǫ ádaʼiilʼį́.

8 Áko shooh, Diyin Bóhólníihii binaanish ayóó áʼté dóó ayóó ánoolnin. Haitʼáó ndahneesʼą́ą́dę́ę́ʼ diyingo tʼáá bí tʼéi bił bááhozinígíí doo bikʼiʼdinóótah da; nihokááʼ dineʼé Diyin éʼéłʼínígíí tʼáá átʼé bił bééhodoozį́į́lgo doo yíneelʼą́ą da. Diyin éʼéłʼínígíí éí diné doo bił bééhodoozį́į́ł da bił ííshjáá ályaago tʼéiyá; ákohgo, shikʼiské, Diyin God nihił ííshją́ą́ ííłʼínígíí tʼáadoo dajiinohłáhí.

9 Háálá áko shooh, bizaad beʼadziil yee nihokááʼ dineʼé nahasdzáán yikááʼ niinílá, éí nahasdzáán bizaad beʼadziil yee áyiilaa. Ákohgo, Diyin God bizaad yinahjįʼ nahasdzáán áyiilaago, dóó bizaad yinahjįʼ diné áyiilaago, O áko, dooísh nahasdzáán íídoolííł da, doodago bikááʼ bílaʼ yee áyiilaaígíí, tʼáá bí íínízin dóó bił yáʼátʼééh doo?

10 Ákohgo, shikʼéí, tʼáadoo Diyin Bóhóníihii ndanóhtʼiní, ákondi bílákʼeedóó naʼnitʼin ndadohlé. Háálá áko shooh, nihił béédahózin hodzą́ yee nanihinitʼin, dóó tʼáá ákogi átʼéego, dóó hojoobaʼ ayóó átʼéii yee, tʼáá áłtsoní yinaalnish.

11 Ákohgo, shikʼéí ayóó ánihiiníshníinii, Christ nihibąąhági átʼéii yikʼé nináʼnídláhígíí bee bichʼįʼ ninánóhkááh, aYeʼ Tʼáá Éí Tʼéiyá Bá Yizhchíinii, áko atsʼíís nááhiiʼdoonaał nídadidóólééł, Christ nááhiiʼnáʼígíí bibeʼadziil bikʼehgo, dóó ałtsé Christ bineestʼąʼgo Diyin God bichʼįʼ kódoolnííł, oodlą́ bee dahólǫ́ǫ, dóó biʼáyóó átʼéii haʼólní yáʼátʼéehii bitsʼą́ą́dóó nídidoołééł bitsʼiis yee ííshjání ádídoołnííł tʼáá bitsʼéédi.

12 Áádóó kʼad, ayóó áníhiinishʼníinii, díí bee nihił hashneʼígíí tʼáadoo bee nihił dahayóí; Christ bąąhági átʼéii yikʼé nináʼnídláhígíísh doo baa yáʼátʼih da doo, áko éí tʼáá ánii nilinígíí tʼáá ííyísí nihił béédahodoozį́į́ł, nááʼiiná bééhózinígíí dóó náásgóó ákótʼée dooleeł.

13 Áko shooh, shikʼéí, tʼaa háíshíí diyingo hádoodzihígíí, nihokááʼ dineʼé yikʼidiʼdootʼį́įłgo Diyin bikʼeh áhodoonííł yee yił hodoolnih; háálá Iiʼ Sizį́ Diyinii tʼáá aaníinii yaa yałtʼįʼ dóó doo biyoochʼiid da. Ákohgo, tʼáá aaníí adaatʼéhígíí yaa yałtʼįʼ; dóó tʼáá aaníí adooníłígíí; ákohgo, díí tʼáá bééhózínigo nihił ííshjáá ályaa, háálá éí bee nihiyiʼ sizíinii yisdáʼdookah. Ákondi shooh, díí doo tʼáá nihí tʼéiyá nihił bééhózín da; háálá Diyin God ałkʼidą́ą́ʼ bá yádaałtiʼę́ę ałdóʼ yił hoolneʼ.

14 Ákondi shooh, Jew dineʼé éí bikʼos daniłdzil ńtʼę́ę́ʼ; dóó saad tʼáá bééhózinígíí yikʼee dadinih, dóó Diyin yá yádaałtiʼii ndeistseed, dóó doo yikʼididootʼį́łígíí hadeintá. Ákohgo, doo daʼooíinígíí biniinaa, tʼóó yiláágóó dadéésį́į́ʼígíí biniinaa doo dayooʼį́į da, áko hodilzinjí yąąh nidahaazhtłiz, háálá Diyin God tʼáá bééhózínígíí yaa néidiidlá, dóó tʼóó ahoyóí doo yikʼidaʼdiitįįhii yaayiizlá, éí deinizingo biniinaa. Dóó yiká adaatʼígóó biniinaa Diyin God yá yikʼeh áhóola, éí yíniinaa dadeizgoh.

15 Áádóó kʼad shí, Jacob, Iiʼ Sizį́ Diyinii shoolóósgo Diyin bikʼeh áhodooníłígíí baa yáshtiʼ; háálá Ii Ssizį́ Diyinii éʼéłinígíí shiiʼ hólǫ́ǫgo baa ákonisin, Jew dineʼé yiʼoh daazlí éí tsé bee haʼootłin naasgo dei haʼdaazhdootłʼíł ńtʼę́ę́ʼ dóó hazhoʼó bee dajíłdzil doo yę́ę doo dazhniizį́į́ʼ da.

16 Ákondi shooh, Diyin bizaad bee akʼedaʼashchínígíí bikʼehgo, díí tsé ayóó átʼéii doo, dóó bee nahodoolzhish, dóó tʼáá éí tʼéiyá íyísíí haʼootłin átʼé, éí bikááʼdóó Jew dineʼé hadaʼdootłʼį́į́ł.

17 Áádóó kʼad, ayóó aníhiinishníinii, díí tʼáá ánii bee haʼootłin doo danoozįįh da, haitʼáó bóhonéedzą́ą doo, bee haadaʼdootłʼį́į́łgo, éí tsé bee naanáʼástłʼinii átʼéedóó ńtʼę́ę́ʼ?

18 Áko shooh, shikʼéí ayóó anihiinishíinii, díí tʼáá ánii átʼéii nihił chʼiníshaah, tʼáá haadeitʼáo da, doo ííshłáágóó, Iisizí Diyinii biʼooh sélį́į́ʼgóó, áádóó nihąąh yíní shideʼádzaago dégoʼ dooleeł.