Katingbanan sa Kasaysayan

Kining libroha dili usa ka kasaysayan; hinoon, hinugpong kini sa mga baruganan sa ebanghelyo nga gitudlo ni Presidente Spencer W. Kimball. Ang mosunod nga kronolohiya naghatag og katingbanan sa kasaysayan kabahin sa iyang kinabuhi ug sa pagkahan-ay [framework] sa iyang mga pagtulun-an. Gilaktawan ang daghang importante nga mga hitabo sa Simbahan ug sa secular nga kasaysayan. Gilaktawan usab ang daghang importante nga mga hitabo sa personal nga kinabuhi ni Presidente Kimball, sama sa pagkatawo sa iyang mga anak.

1895, Marso 28	Si Spencer Woolley Kimball natawo sa Siyudad sa Salt Lake, Utah, ngadto nila ni Andrew Kimball ug Olive Woolley Kimball.
1898, Mayo	Mibalhin uban sa iyang pamilya ngadto sa Thatcher, Arizona, diin ang iyang amahan maoy nagdumala sa St. Joseph Stake sulod sa misunod nga 26 ka mga tuig.
1906, Oktubre 18	Namatay ang iyang inahan.
1907, Hunyo	Ang iyang amahan naminyo kang Josephine Cluff.
1914, Oktubre	Nagsugod sa pagserbisyo isip usa ka fulltime nga misyonaryo sa Central States Mission sa Estados Unidos. Gitawag siya ngadto sa Swiss-German Mission pero wala madayon pag-adto tungod sa Unang Gubat sa Kalibutan.
1916, Disyembre	Na-release gikan sa iyang full-time nga misyon. Sa wala madugay, mieskwela sa University of Arizona.
1917, Nobyembre 16	Naminyo kang Camilla Eyring.
1918	Gitawag nga stake clerk sa St. Joseph Stake. Misulod sa negosyo kalabut sa bangko [banking business] isip usa ka klerk ug teller.
1923	Miapil sa Rotary Club, usa ka organisasyon sa pagserbisyo diin iyang giapilan sulod sa misunod nga 20 ka mga tuig, lakip na isip usa ka gobernador sa distrito.
1924, Agosto 31	Namatay ang iyang amahan. Mga usa ka semana ang milabay, isip kabahin sa pagorganisar og usab sa kapangulohan sa stake, si Spencer gitawag isip ikaduhang magtatambag. Gi-ordinahan siya nga usa ka high priest ni Presidente Heber J. Grant, ang ikapito nga Presidente sa Simbahan.
1927	Nahimong presidente-tigdumala sa Kimball-Greenhalgh Realty and Insurance Company.
1938, Pebrero 20	Gitawag isip presidente sa Mount Graham Stake.
1943, Oktubre 7	Gi-ordinahan nga usa ka Apostol ni Presidente Heber J. Grant.
1948	Nag-antus ug naayo ra usab gikan sa usa ka grabe nga sakit sa kasingkasing.
1950	Nawad-an sa iyang tingog tungod sa usa ka grabe nga sakit sa tutunlan. Ang iyang tingog nahibalik human sa usa ka panalangin sa priesthood.
1957	Mipaubos sa usa ka operasyon sa kanser sa tutunlan; usa ug tunga nga mga vocal cords ang gitangtang.
1969	Ang The Miracle of Forgiveness gimantala.
1970	Nahimong Akting nga Presidente sa Korum sa Napulog Duha ka mga Apostoles.
1972, Abril 12	Mipaubos sa pag-opera sa kasingkasing [open-heart surgery].
1972, Hulyo 7	Nahimong Presidente sa Korum sa Napulog Duha ka mga Apostoles.
1973, Disyembre 26	Namatay si Presidente Harold B. Lee.
1973, Disyembre 30	Nahimong Presidente sa Ang Simbahan ni Jesukristo sa mga Santos sa Ulahing mga Adlaw, uban nila ni Presidente N. Eldon Tanner isip Unang Magtatambag ug Presidente Marion G. Romney isip Ikaduhang Magtatambag diha sa Unang Kapangulohan.
1974, Nobyembre 19	Mipahinungod sa Washington D.C. Temple.
1975, Oktubre 3	Nagsugod sa pagtukod pag-usab sa Unang Korum sa Seventy.
1976	Midumala sa pagdugang sa duha ka mga pinadayag ngadto sa Perlas nga Labing Bililhon. Kini nga mga pinadayag sa wala madugay giapil diha sa Doktrina ug mga Pakigsaad isip mga seksyon 137 ug 138.
1977, Agosto 24	Mipahinungod sa Poland alang sa padayon nga buluhaton sa Simbahan––ang unang pagbisita sa usa ka Presidente sa Simbahan sa likod sa unsay nailhan nianang panahona isip ang Iron Curtain.
1978, Hunyo 8	Uban sa iyang mga magtatambag sa Unang Kapangulohan, miisyu og usa ka sulat nga nagpahibalo sa usa ka pinadayag nga ang panalangin sa priesthood mahimong ikahatag ngadto sa tanang takus nga mga miyembro, nga dili magtan-aw sa kaliwat o kolor.
1978, Oktubre 30	Mipahinungod sa São Paulo Brazil Temple.
1979	Nagdumala sa pagmantala sa LDS nga edisyon sa King James Bible.
1979, Oktubre 24	Mipahinungod sa Orson Hyde Memorial Garden didto sa Jerusalem.
1980	Nagdumala sa pag-establisar sa hiniusa nga eskedyul sa miting, nga mipahimutang sa miting sa sakrament, priesthood nga miting sa ward, mga miting sa Relief Society, mga klase sa Young Women, Sunday School, ug Primary sulod sa tulo ka oras sa Dominggo kay sa gihimo sulod sa tibuok semana.
1980, Oktubre 27	Mipahinungod sa Tokyo Japan Temple.
1980, Nobyembre 17	Mipahinungod sa Seattle Washington Temple.
1981	Nagdumala sa pagmantala sa bag-ong edisyon sa triple combination, nga adunay nabag-ong mga mubong sulat sa ubos [footnote] ug indeks.
1981, Hulyo 23	Mitawag kang Presidente Gordon B. Hinckley sa pagserbisyo isip dugang nga magtatambag diha sa Unang Kapangulohan.
1981 hangtud 1985	Nagdumala sa mga pagpahinungod sa 17 ka mga templo.
1982, Oktubre 3	Ikaduhang ulohan [subtitle] alang sa Basahon ni Mormon gipahibalo––”Lain nga Tugon ni Jesukristo.”
1982, Disyembre 2	Mi-organisar pag-usab sa Unang Kapangulohan, uban ni Presidente Marion G. Romney isip Unang Magtatambag ug Presidente Gordon B. Hinckley isip Ikaduhang Magtatambag.
1984	Ang mga Area Presidency gi-establisar.
1985, Nobyembre 5	Namatay didto sa Siyudad sa Salt Lake, Utah.