Миний суурь зарчим: Асуудлаа шийдвэрлэ—Зарцуулах дээд хугацаа: 20 минут

Тунгаан бод:Яагаад Тэнгэрлэг Эцэг биднийг асуудал, хүндрэл бэрхшээлтэй тулгарахыг зөвшөөрдөг вэ?

Үз:“Илүү том ачааны автомашин уу?” Srs.lds.org/videos дээр байгаа. (Видео бичлэг байхгүй бол 73-р хуудсыг уншина уу.)

Илүү том ачааны автомашин уу?

Хэрэв видео бичлэгийг үзэх боломжгүй бол энэ эхийг уншина уу.

Илүү том ачааны автомашин уу?

Ахлагч Даллин Х.Өүкс: Хоёр хүн хамтраад, нөхөрлөл байгуулжээ. Тэд хөл хөдөлгөөнтэй замын хажууд жижиг саравч барив. Тэд ачааны автомашин аваад, фермерийн талбай руу очин, нэг доллараар нэг тарвас авч болох газраас ачаа дүүрэн тарвас авчээ. Тэд тарвасаа ачаад, замын хажуудах саравч руугаа аваачив. Тэд тарвасаа нэгийг нь нэг доллараар зарав. Тэд буцаад фермерийн талбай руу очин, дахин нэг ачаа дүүрэн тарвасыг нэгийг нь нэг доллараар зарж борлуулахаар худалдан авчээ. Замын хажууд тарвасаа авчраад, дахин тэр үнээрээ зарав. Тэд буцаж, фермерийн талбай руу дахин тарвас авахаар очиж байхдаа нэг нь нөгөөдөө “бид энэ бизнесээр их мөнгө олохгүй байх шиг байна, тийм үү?” гэжээ. “Үгүй ээ” хэмээн нөгөө нь хариулав. “Бидэнд илүү том ачааны машин хэрэгтэй гэж чи бодож байна уу?”

(“Focus and Priorities,” Ensign, 2001 оны 5-р сар, 82)

72-р хуудас руу буцаж оч.

Ярилц:Энэ түүхэн дэх жинхэнэ асуудал юу вэ? Энэ хоёр хүнд ямар сонголт байна вэ?

Унш:Сургаал ба Гэрээ 9:7–9 ба ахлагч Робэрт Д.Хэйлсийн хэлсэн үгээс авсан эшлэл (баруун талд байгаа)

“Болгоогтун, чи ойлгосонгүй; чи надаас асуухаас өөрөөр санаа тавиагүй байхад чинь, би үүнийг чамд өгөх юм шигээр чи бодсон байна.

Гэвч, болгоогтун, би чамд хэлнэ, чи үүнийг оюундаа тунгаан бодох ёстой; дараа нь энэ нь зөв үү гэдгийг чи надаас асуух ёстой, мөн энэ нь зөв аваас цээжин биеийг чинь чиний дотор шатахаар болгоно би; тиймийн тул, энэ нь зөв юм байна гэдгийг чи мэдрэх болно.

Гэвч энэ нь зөв биш аваас чамд ийм мэдрэмж байхгүй байх болно, харин буруу зүйлийг мартахад чамайг хүргэх дүйнгэ бодол санаа чамд байх болно.”

Сургаал ба Гэрээ 9:7–9

“Их Эзэн бидэнд өөрсдийнхөө асуудлыг өөрсдөө шийдэхэд туслахыг хүсдэг. Бид бол сэтгэн боддог оюун ухаант хүмүүс. Бидэнд хэрэгцээгээ тодорхойлох, төлөвлөх, зорилго тавих, асуудлуудаа шийдвэрлэх чадвар байдаг.”

Робэрт Д.Хэйлс, “Every Good Gift,” New Era, 1983 оны 8-р сар, 8, 9

Үйл ажиллагаа

1-р алхам: Хамтрагчаа сонгоод, доорх алхмуудыг унш.

асуудлаа шийдвэрлэ бүдүүвч зураг

2-р алхам: Тулгарч буй нэг асуудлаа сонгоод, доор бич.

3-р алхам: Тулгарч буй асуудал дээрээ алхам бүрийг хэрэгжүүл.

Тодорхойл:

Сонголтуудыг судал:

Шийдвэр гарга мөн үйлд:

Унш:1 Нифай 17:51, 1 Нифай 18:2–3 (баруун талд байгаа)

“Мөн эдүгээ, хэрэв Их Эзэн ийм агуу их хүчтэй байж, мөн хүмүүний үрсийн дунд ийм олон гайхамшгийг гүйцэлдүүлсэн бол, усан онгоц барихыг яахан тэрээр надад зааварлаж болохгүй байх билээ?”

1 Нифай 17:51

“Эдүгээ би, Нифай, дүнз модыг хүмүүсээр сургагдсан тэр маягаар бэлтгэсэнгүй, хүмүүсийн барьдаг тийм маягаар ч усан онгоцыг би бас барьсангүй; харин би Их Эзэн надад үзүүлсэн тэр маягаар барьсан билээ; иймийн тул, энэ нь хүмүүсийнхтэй адил байсангүй.

Мөн би, Нифай, байн байн ууланд гарч, мөн би Их Эзэнд дахин дахин залбирсан бөлгөө; иймийн тул Их Эзэн надад агуу зүйлийг үзүүлэв.”

1 Нифай 18:2–3

Ярилц:Нифай хэрхэн усан онгоц барих боломжтой байсан бэ?

Амлалт өг: Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ.

• Асуудлаа шийдвэрлэж эхлэхийн тулд үйл ажиллагаан дээр ярилцсан алхмуудынхаа дагуу үйлд. Бууж өгч болохгүй гэдгээ сана! Асуудлыг шийдвэрлэж, өөрчлөлт хийхэд цаг хугацаа шаардагддаг.

• Өнөөдөр асуудал шийдвэрлэх талаар олж мэдсэн зүйлээ гэр бүл, найзуудтайгаа хуваалц.