Genesis 6–11; Moises 8: Leksiyon 21

Sukda ang Imong Nakat-onan 1

Moises 1–Genesis 11

Ang pagpamalandong ug ang pagsukod sa atong espirituhanong pagkat-on makatabang kanato nga mas maduol sa Manluluwas. Kini nga leksiyon makatabang sa mga estudyante nga mamalandong sa ilang mga tumong nga gitakda ug sa ang pagtubo nga ilang nasinati atol sa ilang pagtuon sa Moises 1 hangtod Genesis 11.

Pagpangandam sa estudyante: Dapita ang mga estudyante nga moabot nga andam sa pagpakigbahin unsa ilang nakat-onan o mga paagi nga sila mitubo sa espirituwal nga paagi sukad sa pagsugod niini nga tuig sa pagtuon sa Daang Tugon ug Perlas nga Labing Bililhon. Pwede nimong isugyot nga ilang irebyo ang ilang mga journal sa pagtuon o mubo nga mga sulat sa ilang mga kasulatan aron matabangan silang mabantayan ang ilang pagtubo ug pagkat-on.

Posibleng mga Kalihokan sa Pagkat-on

Ang pagtuon sa imong klase sa Moises 1 hangtod Genesis 11 mahimong nakatutok sa lain nga mga resulta kay sa niadtong nagsukod niini nga leksiyon. Kon mao, ipahiangay ang mga kalihokan sa pagsukod sa paglambo sa kasinatian sa mga estudyante gikan sa mga resulta nga ilang gitutokan.

Niini nga leksyon, ang mga estudyante makabaton og oportunidad sa pagsukod sa ilang pag-uswag sa:

1. Pagpalawom sa ilang pagkakabig ngadto ni Jesukristo ug pagkahimong Iyang disipulo.

2. Pagtuon sa mga kasulatan kada adlaw.

3. Pagpasabot sa mga epekto sa Pagkapukan ug sa tahas ni Jesukristo isip atong Manunubos. (Timan-i: Kini nga kalihokan gibase sa mga panudlo gikan sa Leksiyon 11: “Moises 4:5–32; 5:1–15, Bahin 1” ug Leksiyon 12: “Moises 4:5–32; 5:1–15, Bahin 2.”)

4. Pagpalambo sa ilang mga tinguha sa pagtuman sa ilang balaanong pagkatawo ug katuyoan. (Timan-i: Kini nga kalihokan gibase sa Leksiyon 3: “Abraham 3,” Leksiyon 4: “Moises 1:1–11,” Leksiyon 5: “Moises 1:12–26,” ug Leksiyon 8: “Genesis 1:26–27.”)

Pagpalawom sa pagkakabig ngadto kang Jesukristo ug mahimong Iyang disipulo

Aron matabangan ang mga estudyante nga makasabot nga ang espirituwal nga pagtubo nagkinahanglan og panahon, ikonsiderar ang pagpakita sa mosunod nga imahe sa katawhan ni Enoch.

Dapita ang mga estudyante nga basahon ang Moises 7:18–21 aron sa pagpahinumdom nila sa espirituwal nga pag-uswag sa katawhan ni Enoch nga ilang gihimo sa wala pa sila gikuha sa itaas ngadto sa langit pinaagi sa Ginoo.

• Unsa ang nakahatag og pagtagad nimo gikan sa paghulagway sa katawhan ni Enoch?

Diha sa bersikulo 21, nag-ingon nga “sa pagpadayon sa panahon, [sila] gidala ngadto sa langit.” Basaha ang Moises 7:68 aron makita unsa kana kadugay ang “pagpadayon sa panahon”.

• Unsa ang matudlo niini kanato mahitungod sa espirituwal nga pagtubo isip mga disipulo ni Jesukristo?

  Dasiga ang mga estudyante nga saulogon ang ilang pag-uswag isip disipulo ni Jesukristo, bisan pa og mokabat kini og taas nga panahon kaysa ilang gusto. Moabot ang panahon, hinay ug kanunay nga pag-uswag modala ngadto sa usa ka relasyon uban sa Manluluwas sama sa katawhan ni Enoch nga sa kataposan milambo.

  Dapita ang mga estudyante sa pagtan-aw balik sa ilang kaugalingong espirituwal nga pagtubo ug pagkat-on sa milabayng duha ka bulan. Mahimo nilang sulayan ang pag-ila bisan gamay ra nga pag-uswag sa ilang kahibalo, mga tinguha, ug mga aksiyon nga nakatabang nila nga mahimong mas mapasaligon nga mga disipulo ni Jesukristo. Pwede nimong isugyot nga motan-aw ang mga estudyante ngadto sa ilang mga journal o mga sulat nga mubo diha sa ilang mga kasulatan. Kon makatabang kini sa imong mga estudyante nga makabantay sa ilang pag-uswag, pwede nimong ipakita o mosukna og mga pangutana sama sa mosunod:

• Unsa ang imong nakat-onan mahitungod sa Langitnong Amahan ug ni Jesukristo nga importante kanimo?

• Unsa ang pipila sa paagi nga ikaw makaduol Kanila?

• Unsa ang butang nga imong gigamit gikan sa imong pagtuon sa kasulatan nga makatabang nimo isip disipulo ni Kristo?

Human sa panahon sa pagpamalandong, pagdapit og mga bulontaryo nga mopakigbahin sa pag-uswag nga ilang nabantayan sa ilang kaugalingon.

Magtuon sa mga kasulatan kada adlaw

Mahimong pahinumdoman nimo ang mga estudyante nga ang pagbasa sa Moises 1–5; Abraham 1–3; ug sa Genesis 37, 39, 41 gikinahanglan aron makadawat og kredito niini nga semester. Kini nga mga kapitulo mainampingon nga gipili tungod sa giladmon sa doktrina niini ug sa kabuhong.

Agig dugang, ang mga estudyante giawhag nga maghimo og usa ka personal nga tumong sa pagtuon sa mga kasulatan. Kini nga tumong wala kinahanglana aron makadawat og kredito, apan kini makatabang kanila nga makakuha og kalig-on matag adlaw diha sa pulong sa Dios. Kon wala pa sila makatakda og tumong, awhaga sila pagbuhat karon. Pwede nilang i-adjust kini nga tumong bisan kanus-a.

Aron matabangan nga masuportahan ang mga estudyante sa pagtapos sa ilang gikinahanglan nga pagbasa ug personal nga mga tumong sa pagtuon, ikonsiderar ang paghatag sa matag usa ka estudyante og usa ka piraso nga papel. Ilang ibalik kini nga papel inig human sa klase. Pwede nimong gamiton ang mga impormasyon nga ilang ibutang sa ilang mga papel aron pormal nga awhagon ang matag estudyante sa ilang mga tumong. Pwede nimong ipakita ang mosunod nga mga sugyot kon unsa ang iapil diha sa ilang mga papel.

1. Imong ngalan.

2. Gikinahanglan nga mga kapitulo nga imong nakompleto.

Kon mopili ka nga ipakigbahin sa magtutudlo ang imong personal nga tumong sa pagtuon, iapil usab:

1. Unsa ang imong tumong ug kumusta na.

2. Sa unsang paagi nakatabang ang imong tumong sa imong pagkat-on sa ebanghelyo ug mas makaila kang Jesukristo.

Pwede nimong hangyoon ang mga boluntaryo sa pagpakigbahin sa ilang mga tubag sa kataposang duha ka pangutana uban sa klase o ang mga estudyante mopakigbahin sa mas gamay nga mga grupo. Kon buhaton nimo kini, seguradoha nga ang mga estudyante masayod nga dili nila kinahanglan nga ipakigbahin ang ilang mga tumong sa ilang pagtuon sa kasulatan kon dili nila gusto. Ang mga estudyante dili kinahanglang mobati nga napugos sa pagpakigbahin.

Pagpasabot sa mga epekto sa Pagkapukan ug ang tahas ni Jesukristo isip atong Manunubos

Ang pagsabot sa mga epekto sa Pagkapukan ug ang tahas ni Jesukristo isip atong Manunubos gikan sa Pagkapukan importante sa pagsabot sa plano sa Lanigtnong Amahan. Apan kini nga mga mahinungdanong mga kamatuoran mahimong lisod sabton ug ipasabot sa uban.

Ikonsiderar ang paghatag og oras sa mga estudyante sa pagrebyo sa mga pamphlet nga ilang gihimo sa Leksiyon 11: “Moises 4:5–32; 5:1–15, Bahin1” ug Leksiyon 12: “Moises 4:5–32; 5:1–15, Bahin 2.” (Kon wala makahimo og mga pamphlet ang mga estudyante, ikonsiderar ang pagpakita sa usa ka piraso nga prutas ug usa ka litrato ni Jesukristo isip usa ka yano nga paagi nga makita aron sa pagpahinumdom sa mga estudyante niini nga mga asoy sa kasulatan. Ang mga estudyante dayon pwede nga morebyo kadali sa Moises 4:6–13, 22–25; 5:8–12 aron maandam sa panaghisgotan sa ubos.)

Pangandam sa pagpasabot sa mosunod sa imong kaugalingong mga pulong:

1. Ang pagpili ni Adan ug Eva nga mao ang hinungdan sa Pagkapukan

2. Ang mga resulta sa Pagkapukan ni Adan ug Eva, ug sa unsang paagi kadtong mga resulta makaapekto gihapon kanatong tanan karon

3. Sa unsang paagi ang Pagkapukan gikinahanglan diha sa plano sa Langitnong Amahan alang kanatong tanan

4. Unsa ang gibuhat sa Manluluwas aron sa pagtubos kanato gikan sa pihong mga epekto sa Pagkapukan

Dapita ang mga estudyante sa pagpili og usa ka pares. Hangyoa ang usa ka estudyante sa pagpasabot sa mga punto 1 ug 2 ngadto sa ilang pares. Dayon dapita ang laing estudyante sa pagpasabot sa mga punto 3 ug 4.

Kon mahuman na nila, pwede nimong dapiton sila nga buhaton ang kalihokan sa usa pa ka higayon, niini nga higayon magbaylo kinsa ang mopasabot og asa nga mga punto.

Pagdugang sa atong tinguha nga tumanon ang atong balaanong pagkatawo ug katuyoan

Atol sa ilang bag-ohay nga pagtuon sa Daang Tugon, ang mga estudyante mahimong dunay daghang mga kasinatian nga nakat-onan nga nakatutok sa ilang balaanong pagkatawo ug katuyoan isip anak sa Dios. Tagai og kahigayonan ang mga estudyante sa pagpamalandong kon sa unsang paagi ang mga kamatuoran nga ilang nakat-onan nakaapekto sa ilang tinguha sa pagtuman sa ilang balaang potensiyal.

Pagdrowing og porma sa usa ka tawo nga mahimong magrepresentar kanimo. Niini nga porma, o duol niini, isulat ang mga kamatuoran mahitungod sa imong balaanong pagkatawo nga imong nakat-onan bag-ohay lang sa Daang Tugon. Kon posible, himoa kining personal nga mga pamahayag gamit ang “ako.” Ania ang pipila sa kasulatan nga pwede nimong tan-awon:

Abraham 3:22–23

Moises 1:1–11

Moises 1:12–24

Genesis 1:26–27

Ang mosunod mao ang pipila ka kamatuoran nga mahimong masulat sa mga estudyante. Gikuha kini gikan sa mga Leksiyon 3, 4, 5, ug 8.

Ang Dios mipili kanako gikan sa halangdon ug bantogan nga mga espiritu nga matawo karon (Abraham 3:22–23).

Isip anak sa Dios, Siya adunay buhat nga ipabuhat alang gayod kanako. (Moises 1:6).

Tungod kay ako anak nga babaye o anak nga lalaki sa Dios, ako makakuha og kalig-on diha Kaniya sa pakigbatok sa tentasyon (Moises 1:13, 16).

Tungod kay ako gibuhat sama sa dagway sa Dios, Ako mahimong sama Kaniya (Genesis 1:26–27).

Aron matabangan ang mga estudyante nga maghunahuna mahitungod kon unsaon pagtabang kanila niini nga mga kamatuoran, pwede kang mopili sa usa sa mga kalihokan nga buhaton alang sa mga estudyante isip usa ka klase o sa usa ka gagmay nga mga grupo. O pwede nimong hangyoon ang mga estudyante nga mopili asa nga kalihokan ang ganahan nilang buhaton.

Opsiyon A: Ihulagway ang pipila ka sitwasyon diin ang pagkasayod niini nga mga kamatuoran mahimong makatabang kanimo. Ilha kon unsaon niini nga mga kamatuoran sa pagtabang sa usa ka tawo sa matag sitwasyon.

Opsiyon B: Kompletoha ang mosunod nga mga hugpong sa mga pulong:

Ang pagkasayod niining mga kamatuoran makatabang kanako kon

• Ako maghunahuna mahitungod sa akong kaugalingon kay …

• Ako mag-atubang og pagsulay kay …

• Ako makigsandurot sa uban kay …

• Ako mohimo og mga desisyon kay …

Kon ang mga estudyante mahuman, dapita sila sa pagrekord diha sa ilang mga journal sa pagtuon sa bisan unsa nga hunahuna o mga kasinatian kon sa unsa kini nga mga kamatuoran nakaimpluwensiya sa ilang tinguha aron sa pagtuman sa ilang balaang potensiyal. Pwede usab nimong dapiton ang mga estudyante sa pagrekord kon giunsa niini nga mga kamatuoran sa pag-impluwensiya kanila sa umaabot nga mga sitwasyon nga ilang atubangon.

Kon mahuman na ang mga estudyante, dapita ang si bisan kinsang andam nga mga estudyante nga mopakigbahin sa butang gikan sa unsay ilang gisulat.

Dugang nga Kalihokan sa Pagkat-on

Ang tahas ni Jesus isip Tiglalang

Sa leksiyon 7: “Genesis 1:1–25,” ang mga estudyante nakakat-on mahitungod sa Paglalang ug sa tahas ni Jesus isip Tiglalang. Mahimong dapiton sila sa paghimo og usa ka butang sama sa balak, entry sa journal, litrato, o bersikulo sa himno sa pagpadayag sa ilang mga pagbati mahitungod sa Langitnong Amahan, ni Jesukristo, ug sa Paglalang. Kon mao, ikonsiderar ang pagdapit sa mga estudyante sa paghunahuna mahitungod sa mga gilalang sa Manluluwas nga ilang nabantayan sugod niana nga leksiyon. Pwede nimo silang hangyoon sa paggahin og panahon sa pagdugang sa bisan unsa sa ilang balak, entry sa journal, litrato, o bersikulo nga hingpit nga nagpahayag sa ilang mga pagbati mahitungod sa Linalang o sa ilang mga pagbati alang sa Tiglalang.