Genesis 6–11; Moises 8

Genesis 6–11; Moises 8

Kinatibuk-ang Pagpasabot

Ang Ginoo mitawag ni Noe nga mahimong propeta sa panahon dihang ang mga tawo gihulagway “nga daotan kanunay” (Moises 8:22). Ang pamilya ni Noe naluwas gikan sa wala pa mahitabo sukad, milagrosong lunop tungod kay sila misunod sa kasugoan sa Dios nga maghimo og arka.

Tinguhaa nga makaila sa mga estudyante—sabta ang ilang mga sirkumstansiya, mga panginahanglan, ug mga kalig-on. Ang mga estudyante mas andam nga mokat-on gikan sa usa ka tawo kinsa ilang nailhan nga nagpakabana kanila. Agig dugang, kon kita maningkamot sa pag-ila sa mga estudyante uban sa gugma, kita mahimong madasig mahitungod kon unsaon nga mas makatabang nila sa pagpangita sa personal nga kahulogan ug gahom diha sa Manluluwas ug sa Iyang ebanghelyo. Usa ka ehemplo unsaon sa pagtinguha sa pagsabot sa mga estudyante mahimong makaimpluwensiya sa atong panudlo nga makita sa Leksiyon 19: “Moises 8.” Aron makat-on pa og dugang, tan-awa sa “Nakaila Kanato ang Manluluwas ug Nakasabot sa Atong mga Kahimtang, mga Panginahanglan ug mga Kalig-on” (Pagtudlo sumala sa Pamaagi sa Manluluwas [2022], 13).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Moises 8

Katuyoan sa leksiyon: Aron matabangan ang mga estudyante nga mas makasunod sa Manluluwas bisan paman sa pagpuyo sa daotan nga kalibotan.

• Pagpangandam sa estudyante: Dapita ang mga estudyante sa paghunahuna mahitungod sa mga hagit o mga kalisdanan nga ilang giatubang pinaagi sa pagsunod ni Jesukristo sa kalibotan karon. Hangyoa sila nga moadto sa klase nga andam nga mopakigbahin unsa ang nakatabang nila sa pagbuntog sa kalibotan ug pagsunod ni Jesukristo.

• Mga materyal nga ipakita: Usa ka baldi nga tubig, uga nga gamayng butang, ug plastik nga bag o dili masudlan og tubig nga sudlanan nga masigo ang usa ka uga nga gamayng butang

• Sulod nga ipakita: Mga pamahayag sa pagtimbangtimbang sa kaugalingon; mga instruksiyon ug tsart nga nagkompara sa adlaw ni Noe sa atong adlaw

• Handout: “Pagbuntog sa Kalibotan pinaagi ni Jesukristo”

• Bidyo: “Sharing Your Light” (2:56)

Genesis 6–8

Katuyoan sa leksiyon: Aron matabangan ang mga estudyante nga madugangan and ilang tinguha sa pagsunod sa mga sugo sa Dios.

• Pagpangandam sa estudyante: Dapita ang mga estudyante sa pagpamalandong ug moadto sa klase nga andam nga mopakigbahin unsaon sa usa ka piho nga sugo pagpakita sa gugma sa Langitnong Amahan kanato ug sa Iyang tinguha sa pagpanalipod kanato.

• Mga imahe nga ipakita: Usa ka eksena sa kamping; usa ka grupo sa gagmay nga mga bata; si Noe nagsangyaw samtang nagbuhat sa arka

• Mga Materyal alang sa mga estudyante: Papel alang sa matag grupo

• Sulod nga ipakita: Pamahayag ni Presidente Spencer W. Kimball; pamahayag ni Presidente Thomas S. Monson; mga pag-awhag sa personal nga pagpamalandong

Sukda ang Imong Nakat-onan 1

Katuyoan sa leksiyon: Aron matabangan ang mga estudyante nga makapamalandong sa mga tumong nga ilang gitakda ug sa pagtubo nga ilang nasinati atol sa ilang pagtuon sa Moises 1 hangtod Genesis 11.

• Pagpangandam sa estudyante: Dapita ang mga estudyante nga moabot nga andam sa pagpakigbahin unsa ilang nakat-onan o mga paagi nga sila mitubo sa espirituwal nga paagi sukad sa pagsugod niini nga tuig sa pagtuon sa Daang Tugon ug Perlas nga Labing Bililhon. Pwede nimong isugyot nga ilang irebyo ang ilang mga journal sa pagtuon o mubo nga mga sulat sa ilang mga kasulatan aron matabangan silang mabantayan ang ilang pagtubo ug pagkat-on.

• Mga imahe nga ipakita: Imahe sa katawhan ni Enoch; imahe ni Jesukristo

• Mga materyal alang sa mga estudyante: Gamay nga piraso sa papel alang sa matag estudyante; mga pamplet sa mga estudyante nga ilang gihimo sa Leksiyon 11: “Moises 4:5–32: 5:1–15, Bahin 1” ug Leksiyon 12: “Moises 4:5–32: 5:1–15, Bahin 2” (kon kini anaa)

• Mga materyal nga ipakita: Usa ka piraso sa prutas